عاجل ارجوا المساعدة : هل انا مصابة بالسكري ام لا

ام شهد فاطمة · 2012-10-21, 20:14

السلام عليكم ورحمة الله وبركاته عندي طلب ارجو كل من لديه معلومات ان يزودني بها اعاني منذ فترة من نقص السكر في الدم حتى اني اصاب في بعض الاوقات يغمى علي وانقل على اثرها الى المستشفى وعند اجراء التحليل يجد ان مستوى السكر منخفض يصل حتى الى58 او اقل حتى اني لا استطيع الصيام للعلم السكر عندي ينخفض حتى بعد الاكل بمدة الساعتين اجده 73 ساعدوني ارجوكم هل انا مصابة بالسكري ام لا انا في انتضار مساعدتكم

بنت الحاج · 2012-10-23, 00:08

وعليكم السلام ورحمة الله وبركاته
راجعي طبيبا عاما أو اختصاصي أفضل لتشخيص حالتك بالضبط.
شفاك الله وعافاك.

maymay · 2012-10-23, 22:20

لا أختي الكريمة،باذن الله ماعندكش سكري،و نقص مستوى السكرفي الدم يعتبرمرض لما ينخفض اقل من 0.45غ/ل عند الاشخاص العاديين..نتي ماوصلكش لهاد الرقم يعني باذن ربي مجرد خلل يمكنك معالجته بزيارة طبيب امراض داخلية..

ماتقلقيش روحك و ماتتخلعيش ان شاء الله ماكان غير الخير

ام شهد فاطمة · 2012-10-24, 19:49

شكرا لكم وربي يجازيكم على الاهتمام راني زرت طبيبة مختصة في السكريوجريت بعض التحاليل منها الكوليستيرول-الكالسيوم -الكورتيزون-الغدة الدرقية وكل التحاليل مليحة والحمد لله قاتلي الطبيبةة الجسم انتاعك ماعادش يحمل الجوع حقيقة كلامها ما قنعنيش وما عطاتلي حتى دوا والشي اللي مقلقني هو اني ناكل مليح نقيس السكر بعد ساعة نلقاه ساعات تحت80 ونولي نرجف وقلبي يخبط بزاف من فضلكم قولولي الحل نبقى ناكل فرات ههههههه حتى لو ينفجر الوزن نتاعي وشكراعلى الاهتمام والسلام عليكم ورحمة الله

maymay · 2012-10-24, 20:06

اختي كولي الحوايج الغنية بالسكر،التمر مثلا،خليه دايما معاك و كي تحسيه هبطلك كولي منو،الزبيب،لكن ماشي لدرجة تخليهم ياثرو على زيادة نسبة الدهون في جسمك..
++
ممكن نعرف لاكان راهي طبيبة عامة ولا مختصة؟؟

ام شهد فاطمة · 2012-10-25, 09:11

اختي هذ الطبيبة مختصة في امراض السكري والغدد وصح عيدكم وربي يتقبل منا ومنكم صالح الاعمال