الزواج بعيون الأطفال

شيء من رجاء ! · 2012-10-20, 13:00

السلام عليكم ورحمة الله وبركاته
أتيتكم اليوم بموضوع طازج ، خرج من الفرن قبل سويعات .

كان اليوم عندنا درس عن الزواج ( الابتدائي ) ، فدار بيني وبين التلاميذ حوارا قصيرا
سألتهم : لماذا نتزوج ؟
فرد أحدهم : لننجب الأطفال ( أبسط مفهوم للزواج

)
ثم سألني آخر : هل الزواج فرض ؟
قلتُ : نعم
فقال : إذن هي عبادة ( ذكي

)

.

.

.

ثم سأل آخر : متى نتزوج ؟ ( سؤال مهم

)
ضحك الذكور بخبث ( من تحت لتحت ) أما الإناث احمرت وجوههن

..: عندما تكبروا .
.... يعني متى ؟ ( يبدو مستعجلا

)

==

بعد هذا الحوار بيني وبينهم ، أدركتُ أنه أهم شيء في حياة الانسان ولو أنكر البعض ، ظننته يشغل فقط الكبار ، ليتضح لي أنه يشغلُ الصغار أيضا ويبحثون عن حكمه .. فلا تلوموا الأعضاء إن كثرت المواضيع عنه .

حضنية28 · 2012-10-20, 13:05

السلام عليكم بعض الاطفال تفكيرهم كثرمنهم سبحان الله يفكرو في اشياء كبيرة من ضركة وعجبتني كي قلتي البنات حشمو يعني سبحان الله راهم عارفين وعلاش راهم يهدرو صراحة انا وليت نخاف من هذا الجيل كيما يقولو النساء الكبار الجيل هذا جا واعر وفاهم كل شئ

مريم الصابرة · 2012-10-20, 13:05

السلام عليكم اختي
ههههههههه ضحكتيني نقولك البنات الصغار راهم مقلقين على الزواج كثر منا عندي بنات ختي زوج تخيلي نسمع فيها تقول لخنها نبداو نخبو الحوايج نتاع الجهاز بلخف ضرك رانا قريب يبداو يجو يخطبونا
خرجت فيهم قتلها تحوسو على الخطابة محال مينن يفوتو كيفاه يخلوني انا و ويدوكم إنتوما مليحة هذي
يعني الصغار الوقت الحالي راهم اذكياء ويعرفو كل شي حتى وزمان كانو ما يعرفوش واش معناها الزواج نلعبو عريس وعروسة وما راناش عارفين المعنى الآن لالا تلقايهم يعرفو ومتشوقين وينتا يتزوجو ههههههه راحت علينا شكرا.

الواثق · 2012-10-20, 13:15

هنا ينطبق مثل على كثير من الاشخاص الذي يقول انه لايهمني الزواج *** شاهي شنينة ومدرق الطاص ** يعني يريد الحليب ويخبأ الاناء
او المثل الذي يقول *** اللي مالحقش للعنبة يقلك حامضة ***

فتـ حييةـاة · 2012-10-20, 13:47

ولوكان يسمعو والديهم بلي قريتيهم على الزواج يقولو هاذ المعلمة قاع ماتعرفش تقري
صحْ الزواج هبل عباد الله وين تروحي تلقيهم يهدرو عليه مانعرف علاه

خولة لبابة · 2012-10-20, 13:55

اضحك الله سنّك..........كم احب الأطفال......برائتهم و حبّهم للحياة.....و ما أجمل تلك الايام.....

Lydia istanboul · 2012-10-20, 14:08

ههههههههههه أضحك الله سنك ماشاء الله عالبراءه....اخي لما كان في عمره 6 سنوات اخذ ممحاة جديدة اشتريتها و كتب ورقة فيها...ريمه هل تقبلين الزواج بي هههههههه الحمد لله فقتلو ودا طريحة وليوم راه راجل ونفكرو في تشوطينو ههه ....الزواج موضوع الأجيال.

♥' سندس الفردوس ♥" · 2012-10-20, 14:18

هههههههههه ...احلى شيء في أطفال برائتهم

الله يسعدهم يا رب

شيء من رجاء ! · 2012-10-20, 15:04

اقتباس:

المشاركة الأصلية كتبت بواسطة asosa

السلام عليكم بعض الاطفال تفكيرهم كثرمنهم سبحان الله يفكرو في اشياء كبيرة من ضركة وعجبتني كي قلتي البنات حشمو يعني سبحان الله راهم عارفين وعلاش راهم يهدرو صراحة انا وليت نخاف من هذا الجيل كيما يقولو النساء الكبار الجيل هذا جا واعر وفاهم كل شئ

وعليكم السلام ورحمة الله وبركاته
فعلا جيل أكبر من عمره ، كما تقول جدتي " الأرواح شرفت " لذلك صار الصغار يفهموا أمور الكبار

اقتباس:

المشاركة الأصلية كتبت بواسطة مريم الصابرة

السلام عليكم اختي
ههههههههه ضحكتيني نقولك البنات الصغار راهم مقلقين على الزواج كثر منا عندي بنات ختي زوج تخيلي نسمع فيها تقول لخنها نبداو نخبو الحوايج نتاع الجهاز بلخف ضرك رانا قريب يبداو يجو يخطبونا
خرجت فيهم قتلها تحوسو على الخطابة محال مينن يفوتو كيفاه يخلوني انا و ويدوكم إنتوما مليحة هذي
يعني الصغار الوقت الحالي راهم اذكياء ويعرفو كل شي حتى وزمان كانو ما يعرفوش واش معناها الزواج نلعبو عريس وعروسة وما راناش عارفين المعنى الآن لالا تلقايهم يعرفو ومتشوقين وينتا يتزوجو ههههههه راحت علينا شكرا.

وعليكم السلام ورحمة الله وبركاته
هم فعلا مقلقين والدليل اهتمامهم الزائد بمظهرهن اللبسا والشعر والاكسسوارات وغيره
نحن وقت كنا صغار كنا في " الحومة " نلعبوا تاع العائلة ودائما الأب مسافر سبحان الله ، بنت تكون الام والبقية كامل أولادها ، ولو يتجرأ طفل يقول أنا الاب ياكل طريحة

اقتباس:

المشاركة الأصلية كتبت بواسطة الواثق

هنا ينطبق مثل على كثير من الاشخاص الذي يقول انه لايهمني الزواج *** شاهي شنينة ومدرق الطاص ** يعني يريد الحليب ويخبأ الاناء
او المثل الذي يقول *** اللي مالحقش للعنبة يقلك حامضة ***

وعلى عكسهم هؤلاء الصغار يودون تذوق العنب قبل أن تثمر الشجرة

اقتباس:

المشاركة الأصلية كتبت بواسطة فتـ حييةـاة

ولوكان يسمعو والديهم بلي قريتيهم على الزواج يقولو هاذ المعلمة قاع ماتعرفش تقري
صحْ الزواج هبل عباد الله وين تروحي تلقيهم يهدرو عليه مانعرف علاه

بينهم بين الوزارة ، أنا كما قال أحد الأولياء واصفا المعلمة ( هي ألة ) نحضرها لتعلمهم ، نشغل الزر تعمل نوقفه تتوقف ، هكذا أصبحنا

اقتباس:

المشاركة الأصلية كتبت بواسطة خولة لبابة

اضحك الله سنّك..........كم احب الأطفال......برائتهم و حبّهم للحياة.....و ما أجمل تلك الايام.....

صحيح هي من أجمل الفترات قمنا فيها بمصائب ومشاغبات كثيرة لما أتذكرها أموت من الضحك

اقتباس:

المشاركة الأصلية كتبت بواسطة Lydia istanboul

ههههههههههه أضحك الله سنك ماشاء الله عالبراءه....اخي لما كان في عمره 6 سنوات اخذ ممحاة جديدة اشتريتها و كتب ورقة فيها...ريمه هل تقبلين الزواج بي هههههههه الحمد لله فقتلو ودا طريحة وليوم راه راجل ونفكرو في تشوطينو ههه ....الزواج موضوع الأجيال.

مسكين أخوك كان يجرب فقط ، يقوم معك بتجربة فإذا نجحت وتوفق أرسلكم للخطيبة .
هذه صديقتي أمسكت رسالة من تلميذ لتلميذة يخبرها أنه سيأتي لخطبتها والعقد يوم الجمعة والمدعوين تلاميذ القسم ، طبعا كان حظه طريحة كما قلتِ

اقتباس:

المشاركة الأصلية كتبت بواسطة ♥' سندس الفردوس ♥"

هههههههههه ...احلى شيء في أطفال برائتهم

الله يسعدهم يا رب

آمين يارب ، فعلا أفعالهم عجيبة مرات أضحك من غيظي
لديهم أفكار رهيبة

اقتباس:

المشاركة الأصلية كتبت بواسطة بين الحقيقة و السراب

و عليكم السلام و رحمة الله

أولا هل تعمل رجاء في عطلة نهاية الاسبوع؟؟؟
ثانيا لي رغبة في الاطلاع على البرنامج الدراسي للاطفال، هناك الكثير من الدروس لا ارى لها ضرورة مع هذه المستويات الابتدائية

و ثالثا قد أعود للحديث في أمر الزواج

شكرااا لك

أهلا وسهلا عزيزتي
أولا: نعم رجاء تعمل من السبت للخميس ( ربما هذا يعلل سبب ذهابي للعمل يوميا على العاشرة )
ثانيا : لو اطلعتِ سيصيب الإحباط ، هذا درس عادي الزواج في الاسلام حكمه ومشروعيته يتحدث عن أهميته تكمن في عمارة الأرض ، لكن التربية العلمية لديهم محور عن التكاثر مجموعة مواضيع مقرفة فوق مستواهم ولا تعرفي كيف تقدميها ، أشياء درسناها في المتوسط والثانوي ، يالطيف ..
ثالثا : سأنتظر عودتك بشوق

منهاج · 2012-10-20, 19:54

السلام عليكم

والله ضحكتيني الله يعاونك على البزوز والله كانو بكري نوايا بصح دروك يليقلهم بال طويل

mohamed160 · 2012-10-20, 20:00

هههههههههههههههههههههههههههه فى هدا الزمن من صغرهم وهم يخموا فى الزواج وهنا واش نديروا ههههههههههههههههه 27 سنة ومزال ههههههههههههههه

اسعى لرضى الله · 2012-10-23, 04:24

بنت عمي صغيرة حضرت عرس هي وامها وكي روحت هههه

قالتلهم وانا وكتاش نزوج البنات كامل زوجو ؟

الجليس الصلح · 2012-10-23, 06:51

الطفل بريئ لا يرى كل الأشياء

محمد...عبد النور · 2012-10-23, 14:40

ما أجمل البراءة ما أنقى تفكير الاطفال وقت طفولتهم
لكن شر ما أبتلي به هذا الجيل تلقين الكبار لهؤلاء الصبيا امور اكبر من اعمارهم فتري الشاب الطائش عقلا و تدبيرا يلقن الطفل الصغير امورا تفسد عليه براءة طفولته بل و يفسد عليه تفكيره فيرى الدنيا بمنطق الكبار رغم انهلا يعمي ما لقن لانه ما -- نضج جسديا -- فالله المستعان
بارك الله فيك اختي رجاء على الموضوع الجميل و أقر الله عينيك بما تحبين
ســــــــــــــــــــــــــــــــلام

- بصمة خير - · 2012-10-23, 15:05

نعرف ان هذا خارج الموضوع و لكن الزواج ليس فرضا

و هذه فتوى -> https://www.islam.gov.kw/site/fatwaa/...fatwaa_id=7080

الله يكون معاك في تعليم الصغار

شكرا على الموضوع