مشكلة ابني

[امينة ع]

السلام عليكم ورحمة الله وبركاته
مشكلة ابني تكمن في العصبية الزائدة لديه هو كثير التعصب غير ناقشو ولا نرفص حاجة يعيط ويخبط ويطيش في روحو
لم افهم هل اكتسب الغصب مني للانني عصبية جدا من الظروف التي اعيشها او من كثرة العياط عليه وحرمانو من كل شئ
انا عايشة في بيت شيخي والكل يعيط عليه مرات نبغي نربيه على حاجة نقولو ماما عيب هدي ولا لالامديرش كيمن هكا للانو ...وللانو ..وهكذا
لكن هوما غير يعيطو عليه لالالا مديرش ....لالا اقعد لالالالالالالالالالا....
اكره مسكين ادا خرج الفيلو يقولو ردها وادا جبد العابو يقولو لمهم وادا جبت يخربش في اللوحة او الكراس يقولو رد زعما وصلت القريا وادا شرينا لعبة يصمتوهالو بعد مخترها بنفسو يقولولو هدي نتاع البيبي ونت كبير رغم انو عمرو 3سنوات وويروح يكسر اللعبة
نحاول نحكمو يلعب عندي في بيتي لكن يقلق يبغي يتحرك مسكين معندوش جو يساعدو على اللعب والنمو عادي كباقي الاطفال
خايفة عليه من كثرة الضغط والعصبية
ارجو قولولي كيفاه نتاعمل معاه ويحبس من العصبية هدي

[sali-sali]

هكدا صعيب الحال لكن حاولي انتي ماتتعصبيش عليه و تربيه غير بالعقل
3 سنوات مزاله صغير

ربي يكون في العون

[aihemsara]

الله يعينك اختي مع اني مازال مارحتش لدار راجلي
لكن عندي ولاد خواتاتي 6 احفاد ربي يحفظهم
و لي لاحظتو فيهم تقريبا كاااامل عصبيين خصوصا حذيفة و عندوو 4 سنين
و الله مرات كي نشوفو مقلق نخاف عليه نقول دوك يطرطقلو عرق مسكين !!!!
مع انو ساكن غير مع والديه و ما شاء الله مربي بصح التقلال و العصبية ما فهمناش منين جاوه
حبيت نقولك انو قادر الطفل هكا عصبي موش من الوسط لي ساكن فيه
هادا جيل هكا ربي يقدرنا نربوهم مليح و خلاص,, سايسيه و ننصحك تحوسي في اليو تيو ب على فيديوهات super nanny
شفتها من قبل في قناة تلفزيونية يمكن تستفادي منهم,,, ربي يعينك و يريح بالك

[ام ملاك.]

لا بالعكس العصبية اللي راه فيها من العياط عليه الطفل كيما يعاملوه يولي يعامل وخاصة كي راكي في دار شيخك درك تخسرلو التربية
خاطرش شحال من يد تربي فيه
لوكان ياختي تطلعي تسكني وحدك خير انت تتهناي وتعرفي كيفاش تربي وليدك
انا كنت كيما انت مي الحمدلله كي كريت باش تهنيت وبنتي انا اللي نربيها كيما نحب مع انو عمرها عامين برك
ربي يقدرك ان شالله وواجهي اللي يعيط على وليدك ولا يضربو ماتفتحيلهمش العين هذا وليدك