ما دورك في عيد الاضحى ؟

منهاج · 2012-10-10, 19:21

السلام عليكم

لم يبقى على عيد الاضحى الا بضع ايام، ان شاء الله تدخل علينا بالخير والبركة فما هو دوركن يا بنات

يوم الذبح ؟ وما هو دوركم يا رجال كذلك ؟

أنا شخصيا أساعد في تنطيف الامعاء ........." الدوارة" وكل فرد في العائلة له دور معين وفي كل عيد

على هذه الطريقة.

brahimi31 · 2012-10-10, 19:42

وعليكم السلام
بعد اداء صلاة العيد اذبح الاضحية وانتضر تحضير الملفوف عيد سعيد وعمر مديد وكل عام وانتم بخير

اريج16 · 2012-10-10, 20:02

انا نغسل ادورة هذوك الحوايج هههههه نسيت كيفاه يسموهم وبابا وخويا يذبحو وماما طيب الغدى

الواثق · 2012-10-10, 20:16

انا واخوتي في عملية الذبح والسلخ وابي واقف امامنا دير هاك اعمل هاك بعد اهرب روح منا كالعادة هههه..............بعدها نغسلو كل شيء نحن الرجال الامعاء وغيرها ونقطعو اللحم وما على النساء الا الطبخ ..............نشفا واحد العام كبش مرمدنا في الارض من قوته وليت حاب نكمو نهارها ماشي اضحية بل تصفية حسابات ههه

عميروش الحر · 2012-10-10, 21:44

الاعياد لي فاتو كان الوالد يذبح و انا و خويا نسلخو و ننحيو الدوارة و ننقوها وفاليوم الثاني نطرفو اللحم (حنا نقولو نقدروه اي نحددو كل جزء لصاحبه اما للهدية او لصدقة وطبعا هههه للاكل )

ولكن هاذ السنة الوالد تعبان و ما يقدرش يذبح .. راني حاب نذبح انا .. الكوراج كاين والقدرة كاينة ..ولكن خايف برك ما نذبحوش نيشان ههههه

z.abdo · 2012-10-10, 21:45

طبعا الأكل ههههههههههههههههههههههه
.
.
.
.
.
.
.
.
.
.
نساعد في الذبح والسلخ اما الغسيل وباقي الأمور تبقى للنسوة ربي يعينهم

وبعدها احضر انا فرن الشواء بالفحم أشوة الكبدة وهكذا كل عام إن شاء الله يمر بالصحة والعافية على جميع المسلمين

ويرجع حجاجنا بالسلامة إن شاء الله

فقط اريد ان انبه أن سعر الماشية لهذه ستكون مرتفعة جدا على باقي السنوات الأخرى وربي يجيب الخير

شكرا أختي على موضوع وجزاك الله كل خير

SOUSOU. DZ · 2012-10-10, 21:56

السلام عليكم ورحمة الله يااختي شوقتينا بالعيد مي اناوالله عندي خمس سنوات ولا ستة وانا كل مايجي لعيد نمرض مانقدر نشم لا لحم ولا شحم ولا حتى شيء يتعلق بالحم كل عام نروح للطبيب من 6 او 7 دي الحجة مي والله نقعد انا انا مانبراش عندي حساسيا من العيد و لحم وربي يستر من هاد العام والله نتمنى برك يفوت عليا العيد كي ناس مع اني نكون مليحة شوي كي يدبحو ونقعد انا نصور هكدا تبقى سفونيغ مي غير يبدا شوى ولا قليان نحكم شمبرا ديالي وبرفان غير باش مانشمش ريحة ............... هههههههه حالة غريب ياخي ....... اسفة على اطالة وجزاك الله كل خير على الموضوع ........ وادا عندك كاش دواء انتي واعضاء ينفعني دلوني عليه حابة ناكل لحم لعييييييييييييييد ...... مع لعلم الكبش ديالنا راه في لحوش وشتريناه بخمس ملاين ونصف حراااااام كامل هدا المبلغ ومانكلش منووووووو

السي محمد · 2012-10-10, 21:56

السلام عليكم

في ما مضى كان دوري

الاسناد و الدعم اللوجيستيكي و التدخل السريع

في الذبخ السلخ تقطيع اللحم

هذه المرة دخلت في الدعم المادي المباشر

اضافة للمهام السابقة

fares rog · 2012-10-10, 21:58

انا الدور تاعي الضحك برك ، نضحك على الناس ... هذا راهوا يذبح كي شغل راهوا يقطع في الباتيسري هذا ماعندوش السوفل باه ينفخ . او مبعد يهربلهم كاش كبش .. كول عام كاين كبش لازم نجرو موراه . بصح العام هذا ما نخافوش الكباش قاع نجيبوهم بالبيبروات نورمامون عاقلين .
ههههههههههههههههههههههههههههههه ،،

SOUSOU. DZ · 2012-10-10, 22:00

اقتباس:

المشاركة الأصلية كتبت بواسطة عميروش الحر

الاعياد لي فاتو كان الوالد يذبح و انا و خويا نسلخو و ننحيو الدوارة و ننقوها وفاليوم الثاني نطرفو اللحم (حنا نقولو نقدروه اي نحددو كل جزء لصاحبه اما للهدية او لصدقة وطبعا هههه للاكل )

ولكن هاذ السنة الوالد تعبان و ما يقدرش يذبح .. راني حاب نذبح انا .. الكوراج كاين والقدرة كاينة ..ولكن خايف برك ما نذبحوش نيشان ههههه

والله ياخويا عميروش اضحية تاع السنة ديالكم بشك تتكل ادا انت دبحت هههههههه انا ننصحك حطو كبش احطياط ههه

اقتباس:

المشاركة الأصلية كتبت بواسطة الواثق

انا واخوتي في عملية الذبح والسلخ وابي واقف امامنا دير هاك اعمل هاك بعد اهرب روح منا كالعادة هههه..............بعدها نغسلو كل شيء نحن الرجال الامعاء وغيرها ونقطعو اللحم وما على النساء الا الطبخ ..............نشفا واحد العام كبش مرمدنا في الارض من قوته وليت حاب نكمو نهارها ماشي اضحية بل تصفية حسابات ههه

والله استغربت وفي نفس الوقت غرت انتوما ديرو كلشي ونساوين واش يديرووو اواااااااه هادي شابة واش نقولك نسواين دياولكم روح قوللهم قاتلكم اسماء بصحتكم ....... ماديرو والو في العيد ههههه طبعا اللهم ملا حسد نزعق اخي الواثق

mohamed160 · 2012-10-10, 22:07

سلام عليكم انا نهارى العيد نسلخ الكبش ونديرى البوزلوف والرجلين بالشليموا

شيء من رجاء ! · 2012-10-10, 22:18

أصور .. نتعاون في تنظيف الأمعاء ، ورأس الخروف و.... آكل
بما أن النساء يطالبن بالمساواة عليهن أيضا تعلم الذبح والمشاركة في الذبح والسلخ

الواثق · 2012-10-10, 22:19

اقتباس:

المشاركة الأصلية كتبت بواسطة sousou. Dz

والله استغربت

الامر يكمن في ان ابي يطلب منا ذلك نحن نغسله بما استطعنا ومن بعد كي ندخلوه عادة امي تزيد تغسلو للوقاية فقط ...............والشيء الجميل اننا لما نكمل عملية الذبح والسلخ نذهب لمائدة الشواء مباشرة لاننا قمنا بكل شيء ولاننتظر غسيلهم

SOUSOU. DZ · 2012-10-10, 22:21

ااااااهصحا ربي يحفظو ويخليه ليكم ان شاء الله تخيل حنا اضحية ديالنا مانمسوهاش حتى ليل باسكو مانشي دايرتلنا عادة ولي هيا تبعتلنا الشخشوخة ....... ربي يخليها ويطولها في عمرها ........... اه واش حبيت نقولك ........ قريت رايح تخرج من المنتدى ........ علاش خويا الواثق ياخي انتي قلبك كبير وابيض تخرج على جال رد

فتـ حييةـاة · 2012-10-10, 22:29

لا اله الا الله