اعطوني الحل بليييييييييييييز

asmagirl90 · 2012-10-18, 16:12

شكرا على التفاعل شكرا

مريم الصابرة · 2012-10-18, 16:44

السلام عليكم اختي
من الواصح راكي مترددة بزاف وراكي تلقاي فالعيوب فيه علاه قبلت بيه نهار الاول اختي عارفاتو يقرا ومازال ما يخدم وعارفاة دارهم دار عايلة وختي البنات يعيا ويتزوجو يعني ما راهمش احين يبقاو ثم واختي انا نقولك واش راحلك في عمتو او خالتو المهم هو عاقل ومتربي بالنسبة لو تصري على السكن لوحدك ما عندوش منين يجيبلك والله يا اختي انا لو مكانك ما نحبسش الصراحة كان حابة واحد وحدو ويقدر يوفرلك دار ويخليك تخدمي شوفي غيروو خليه ممكن يلقى وحدة تقبل بظروفو هذا واش نقولك زيدي خمي مليح كلن تقبلي بالظروف او حبسي وربي يعوضك شكرا

nesma.sabah · 2012-10-18, 17:10

يا اختي الزواج مش ساهل ولكن امر لابد منه اذا كنتي قادرة تصبري كملي و اذا متقدريش حبسي قبل المشوار لانك اذا قبلتي معناها تصبري على القبيحة قبل المليحة مش تحملي لقب وصايي استخيري اختي اكثر من مرة و ستجدي الاجابة في التسهيل بعون الله

asmagirl90 · 2012-10-18, 17:13

شكرا ليكم على التفاعل

sherifbboy · 2012-10-18, 17:17

sali salat al-istikhara ou c bon lmlih idirou rabi

djeriou · 2012-10-18, 17:41

الظاهر أنك لا تريدينه و هذه مجرد أسباب تسردينها و تريدين حقا قطع الخيط معه...

إذا أردت ذلك فلك ذلك لكن ليس لهذه الأسباب... -محبش يفليكسيلك-

و في الأخير لازلت صغيرة ...

استخبري و استشيري ثم قرري..

aihemsara · 2012-10-18, 18:31

السلااااااااااام عليكم
ما تزعفيش مني بصح حتى بانتلي لي راكي حابة تحبسي
و قاعدة تحوسي على اسباب باش تقنعي روحك لي لي عندك الحق
لانك مرة تقولي كا يخدمش و مرة مشحاح !!
المهم انتي ادرى,, استخيري و شوفي واش يناسبك,, ما تظلميهش و خلاص,, يعني ماتكلفيهوش فوق طاقتو
بصح انا حبيت نقولك برك انو عندي عام و نصف مخطوبة و مدايرة العقد الشرعي و المدني
و والله العظيم ولا مرة في حياتي قلت لخطيبي افليكسيلي ,,
و من فترة هو وحدو فليكسالي و الله غير بانتلي كبيرة و حشمت,,
يعني ماهوش سبب تتعجبي منو على خطيبك

ام مريومة · 2012-10-18, 18:46

من الاول خطيبك ظروفو باينة و اهلك ارضاو باه تتزوجي هكا الراجل بلا خدمة و مزال مجوزش العسكر واش هاد كامل اختي انا نقولك حاجة خمي مليح قبل ماطيح الفاس في الراس الحق على والديك اللي زوجوك كيما هكا الوقت اللي رانا فيه المعيشة ولات غالية و الخدمة في بلادنا صعيبة و اكيد رح تصيبي صعوبات كبيرة ديري صلاة استخارة و زيدي شاوري امك و انشاء الله ربي يجيب الخير

manels · 2012-10-18, 18:59

السلام عليكم يا اختاه

عندما تقدم هذا الشاب لخطبتك اكيد تحريت عنه وسالت عن احواله الاجتماعية وبالتاكيد هو طالب كيف عرفتي انه شحيح طالب ولا يعمل هل يسرق كنا طلبة ونعلم بالحال وايضا عن اهله من المفروض انك اشترطتي البيت المنفرد قبل الخطبة يعني وضع النقاط على الحروف

المهم اذا كنتي غير مقتنعة به فمن الافضل التراجع الان لان الزواج ليس لعبة

تحياتي وتقبلي مروري

sarah1424 · 2012-10-18, 20:40

والله يا اختي مالقيت منقلك كلامك كامل ما اقنعنيش نتي مخطوبة لطالب منين تحبيه يفلكسيلك قالك ابعتيلي sms ونكلمك وزيد تقولي خواتاتو ضحاكات يحكو بزاف نضن انت الي رايحة تزوجي بخوهم يعني انتي تحاولي تكوني مليحة وتتاقلمي معاهم مش تبدليهم على حسابك كل انسان وشخصيتو والله هده لمليحة مرت خويا تعلمني كيفاه نتصرف ولازم نتبدل باش نطيحلها على الغوستو وزيد حتى ورايحة تسكني معاهم في الدار انت ليك شمبرتك ميهمكش في قداه في العايلة ولازم تصبري باش تنالي ونزيدك باش خطيبك يجوز العسكرية ويلقى خدمة ويدير دار ودراهم منا على 10 سنين وانتي علابالك الدنيا غلات علاه قبلتي بيه من نهار الاول نضن هذه غلطتك من المفروض تحددي شروطك قبل ماتوافقي نتمنالك الهنا وحسن الختيار

sarl02 · 2012-10-18, 22:53

كي اعرفتيه من مدة والعبتو مع بعض فالجامعة ما كانش على بالك بالوضعية العائلية تاعو وظروف الشباب بعد التخرج ؟؟وذرك كي اتخرجتي والشاب هذا اخرج معاك فحل وحاب اكمل معاك فالحلال بانولك قاع هذو الصوالح والله ما فهمنا فيكم يا بنات ذا الوقت.

سامي العالم · 2012-10-19, 10:56

وعلاش أنت أصلا قبلتي أنه يخطبك و خطبك و هو ماش خدام
لا حول و لا قوة إلا بالله