طلب صورتي فهل اوافق

[Mima Imene]

السلام عليكم انا فتاة عندي 22 سنة و متخرجة والحمد لله تعرفت على شاب في النت هو من نفس ولايتي لكن انا الان اسكن في منطقة بعيدة اين يسكن هو يعني حوالي900 كم و الان انا اعرفه جيدا يعني ليس بالشخص المجهول يعني سالت عنه و تاكدت عن كل معلوماته التي اعطاني اياها المهم هو الان طلب من الحلال يعني الزواج و لكن اشترط ان يراني قبل ما ياتي الى الدار يعني طلب مني صورتي لكي يراني و انا ترددت لكن طلبت منو انو يجي لدار و يشوفني قالي بلي ما يقدرش لانه ممكن انو ما نعجبوش و يجرحني ولا يسببلي احباط و زيد قالي نحشم قدام والديك الى معجبتينيش كيفاش نقولهم هو ما طلبش اني لازم نرسلو صورتي لكن قالي ممكن توريهالي بطريقة الي ما نقدرش نحتفظ بيها يعني يشوف و انتهى الامر واش رايكم و حابة تنصحوني لاني الى حد الان قوتلو نشاور روحي قبل و قالي معليش كي تعولي قوليلي و خلاص ما سيفش عليا .

[ASMA 19]

يا اختي انا ننصحك لوجه الله ادا عينو فيك يجيك للدار وربي دار الخطبة لهاد الغرض ادا عجبتيه كان بها وادا لا فقدر الله ماشاء فعل اختي اياك وانك تعطيه صورتك نصيحة مني
وسقسيه ادا يقبلها على اهلو ولا لالا

ربي يوفقك اختي لما فيه خير لك

[فاستبقوا الخيرات]

إِيَّاكِ ثُمَّ إِيَّاكِ ثُمَّ إِيَّاكِ
إِنْ كَانَ صَادِقاً فَلْيَأْتِ البَيْتَ مِنْ بَابِهِ
أَمَّا غَيْرُ ذَلِكَ وَ بِالخُصُوصِ أَنْ يَطْلُبَ صُورَتَكِ بِحُجَّةٍ وَاهِيةٍ
فَلاَ ..
وَلْيَكُنْ لَكِ فِي مَنْ لُعِبَ بِهِنَّ وَخُدِعْنَ مِنَ الغَافِلاتِ عِبْرَةٌ
....

[الدر المكنون]

اياك اختي ان تعطيه الصورة اذا بغاك ايجي للدار يدير نظرة شرعية ومبعد تبقى مدة 3 ايام ولا عشرة تخموا في زوج واللي ما عجبوش الطرف الاخر يروح يشوف مكتوبو في جهة اخرى ربي يسهلكم

[السي محمد]

لا توافقي يا اخت الاسلام

لو يجدك قبيحة (في الصورة) هل سيتركك؟؟؟؟

الافضل ان لا تعطيه

( نصيحة من رجُل)
======================

ملاحظة:
المراة في الصورة تختلف تماما عنها في الواقع

[شقراء سوف]

رددددددددددددددددددددددددي باااااااااااالك تواااااااااااااافقييييييييييييي

[سارة البوسعادية]

قلو من حقك تشوفني في الواقع وترفض
وبزاف داروها احسن من انك تبعتي صورتك يا اختي
رانا في وقت صعيب وماتقوليش بلحجاب ولا بلاه
قلو تجي للدار تشوفني احسن واضمن

[nibrasse76]

اذا كان ربي مكتبها راح يجي يشوفك ولو 900كلم ....وإلا انت تهبطي للبلاد

[اماني 92]

نصيحة من اختك اماني انك متمديش الفوطو نتاعك وحتي وين كيما قلتي مهوش حيحتفظ بيها
واذا عاد ربي مكتبهولك كلش يسهال

[chira-dz]

اختي اياك و اياك ثم اياك ان تعطي صورتك
واردت تنبيهك ايضا لمثل هاته العلاقات عبر الفايسبوك و ماشابهها اختي الافضل الابتعاد عنها و الابتعاد عن كل ما يربطك بالجنس الاخر فهذا مما لا يجوز و لا يصح حتى عبر الانترنت
انتبهي و انتبهي فالذئب يعرف كيف يتحيل الفرصة لاصطياد فريسته فلا تغرنك اي عبارة من العبارات
لا يوجد احلى من الزواج و الخطبة عبر الباب
فمن اراد خطبتك فليتقدم من الباب و كفى
و لا خلوة و لا حديث في الحب الا في ظل الزواج

انصحك ان تبدئي من جديد في صفحة نقية و تدعي الله ان ييسر امورك
واحذفي حسابك من الفايسبوك و غيري ايميلك و لا تجعلي للعلاقات المشبوهة موطنا لك
فكما تكلم معك يمكنه انه تكلم ماغيرك فلا تكوني ساذجة اختي

ودائما اقولها و اعيدها من ترك شيئا لله عوضه الله بخير منه
و اسال الله ان يرزقك الزوج الصالح التقي النقي الذي يحفظك وحدك
فكما تكوني يرزقك الله

وموفقة باذن الله

[لؤلؤة الفردوس]

أخطييييييييييييييييييييييك

[*نآدرة~]

بالاك يا طفلة ديريها،هذي مصراتش خلاص،دليه على داركم وخليه يجي يشوفك كيما الناس،ماتقارعيش بزاف أختي وخفي قطعي علاقتك بيه اذا جا وعجبتيه صحا واذا لا كل واحد يروخ في طريق،وانت ديري في بالك الاحتمالن يعني قادرة تعجبيه وقادرة لا،بالصح انا الحاجة الي راهي خالعتني ثيقته الزايدة بنفسه زعما هو ملك جمال العالم؟وما يترفضش؟؟الجمال ماهوش كل شيء واذا راه باغيك صح معناتها تقدري تعجبيه حتى ولو ماكيش شابة
بالتويق على كل حال والله يتمم بالخير ويجمع بيناتكم في الحلال عاجلا غي آجل

[عمار ابن غارداية]

بعيد عليك يجي يشوفك من برااااا لم الصورة ؟؟؟
اصلا هذا مش كلام و رجل لا يستحق ان تكون زوجة له

[فتـ حييةـاة]

يعني حط غير احتمال انتي ماتعجبيهش وخاف يسبلك احراج؟؟ ::::::::::: وممكن هو مايعجبكش ؟؟

[sarl02]

اغلقتوها قاع على هذا المخلوق ولاعبينها قاع ملايكة ... هذه الطفلة راه عندها مدة راهي متعرفة بيه وعلى حساب كلامها راه باينلها جاد وما يكذبش وعلى كل حال هي ادرى واكيد راهم عندهم مدة راهم يحكو فال***** او امسن او اي طريقة اخرى والشاب هذا في هذه الحالة ما اطلبش محال ..حاب يدي نظرة اولية على الفتاة ..وانا اتبانلي مدام انو قبلت باش تتعرف بيه والقاتو جاد فالموضوع تقدر اتحطلو صورة محتشمة بحجاب فالبروفايل وماشي تبعثهالو اشوفها فقط بدون ارسالها .