هريسة طبيعية من صنع يدي

عفّة · 2012-09-06, 14:15

السلام عليكم
حضرتُ صبيحة هذآ اليوم ،’ هريــسة طبيعية كمآ كآنت قد شآهدتُ امي تحضرهآ [ كي درت ستآج عندهآ ] وكآنت النتيجة مذهلة ،’ هريسة فتحت أنفي بعدمآ كآن مقفلآ بسبب الزكآآآآآم ،’

التحضير :

حطي في وعآآآآء كبيييييير فلفل حآر أحمر منقي أي أنك نقتيه قبل نحيتي الزرآآآعة الي في دآخلو و نحتيلو رآسو

من بعد حطيه في مآآآآآء وخليه على نآآآآر هآآآآآآآآدية وغطي عليه
وسآعآ سآعآ طلي عليه فممكن يفور ،،،،

كي يذبآآآآآل الفلفل الحآر الأحمر سقيه من المآآآآآء

وحضري آلة تهرسلك الفلفل الحآآآآر

هرسي الفلفل أولا بالسيآر الخآص بهذه الآلة السيآر الخشين أولا حتى توليلك هكآآآآآ

ومن بعد كي تكملي هرسي بالسيآر الرقيق وذرك توليلك جآآآآآرية ،،

ضيفيلهآ 2 سنآت ثوم على حسآب الكمية + ملح + زيت بآش مآ تتصوفش [كي تحطيهآ في حآجة وتحفظيهآ]

وأخيرآ هذه هريستي :}

أخيرآآآآآ ملآحظة فقط : هي أنه لو عندك كمية كبيرة تآع فلفل حآر احمر وحآبة دريهآ كآآملة ، بعد مآ تمري بهذي المرآحل ،، أقليهآ في ألاخير ،، وأحفضيهآ في حآآآآآجة بآش تبقآلك ديمآآآآ

نتمنآ تعجبكم ،’

ام فريال · 2012-09-06, 14:35

شكرا على الوصفة وهدا هو وقتها فكرتيني فيها

لؤلؤة الرحمان · 2012-09-06, 17:50

روووووووووووووووعة يعطيك الصحة يالفحلة

شيماء نور · 2012-09-06, 19:04

الله يبارك بصحتك

لكن عندي اضافة

باه تتحصلي على نتيجة افضل وتبقالك مدة عام وممكن اكثر اليك طريقتي

اولا ناخذ الفلفل ونفتحه وننزع عليه العروق والزريعة

نفتح كل حبة نحط فيها ملح ونحطها واحده فوق واحدة ونحطها في سليلة داخل اناء كبير نخليها ليلة كامل تقطر الصبح تلقاي كل الماء الي في الفلفل نزل للاناء

بعدها اغسلي الفلفل تاعك وفوريه باه ما يشربش الماء احسن من انك تغليه يفقد البنة والذوق تاعو وما يشدش بزاف

كي يطيب اطحنيه ونشريه في الشمس حتى يكون عجينة هنا اغسلي البلارات وقطريهم من الماء وهاتي الفلفل تاعك ضفي له الزيت وانتي تعجنيه حتى تحسي الزيت دخلت فيه عمريه في البلارات وزيدي شويه زيت من فوق باه ما يفسدش وحتفظي بيه بره عن الثلاجة وممكن يشد عامين واكثر

النتيجة مضمونه اذا اتبعتي كل الخطوات وصالح اافلفل الحلو والحار

مليح مع الدجاج واللحوم ومع الاسماك وصحي اكثر

بصحتكم