قدر تعاستي مع الشاوية

[مشكلتي]

لسلام عليكم في البداية اشكر كل من ساهم في انجاح هذا المنتدىمن مشرفين واعضاء انا عبد الله من ادرار مشكلتي اني كنت احب شاوية من باتنة وكان هذا من باب الصدفة اني ساعدتها في الجامعة في حياتها حيث كانت ترى في الاب والا خ وكل شيء ولكن القدر لم يكتب بيننا لا ن اهلها لم يتقبلو ا فكرة زواجنا رغم الالحاح واعتذروا بان بنتهم لا يمكنها ان تتزوج خارج الولاية في البداية كانت لي صدمة كبيرة وبفضل الله تجاوزتها حيث انها ساعتدني وقد طلبت منها تغيير رقم هاتفها حتى وان اردت الرجوع اليها لا اجدها قد انصرفت هي الى حياتها العملية فهي استاذة ثانوية اما انا فقد اصبحت كالمجنون لا افقه شيء فلا اعرف ما افعل حتى المطالعة اصبحت املها وكانت قدرة الاستيعاب عندي قوية لدرجت اني كنت لا اراجع الدروس الا نادرا ولكن كنت بفضل الله انجح بتفوق ولكن دوام الحال من المحال فمنذ ان رحلت اصبحت لا اقدر على التركيز والحفظ مطلقا ولا اكيق الجلوس ولا المزاح ودائما القلق يقتلني وما زاد من كربي هو اني اصبحت اعشق كل ما يتعلق بالشاوية وقد كا ن لي اصدقاء شاوية قبل ان اعرفها وواعجبتني صداقتهم ولكن اصبحو كالاخوان عندي عندما رحلت فهل قدر الله لي تعاستي على يد الشاوية بعد ان اصبحت اعشق كل الشاويات لان عقليتهم تتشابه وهذا ما اعجبني رغم اني اعرف ان زواجي لن يتم معهم ادعو ا الله ان يفرج عني

[milka40]

ربي يصبرك خويا شوف خلي ايمانك كبير اذا ربي مكتبهالك حتى واحد ما يوقف قدامك

[nesma.sabah]

قدر الله وماشاء فعل
من اركان الايمان هو الايمان بالقضاء والقدر اذن الحمد لله
ستنسيك الايام
موفق

[okba_1997]

ربي يفرج عليك واعلم انها اذا كتبت في اللوح المحفوظ انها ليك راح تبقى ليك طولة او قصرة

[lilou f lilou a]

ههههههههه ربي معاك أخي وتحيا بنات الجزائر الكل وبالخصوص الشاوية
وربي يعطيك وحدة خير من الأخرى

[minna25]

ماشي كامل كيف كيف

فيهم و عليهم و ماشي يعني كي راهو شاوي راهو ملاك

وين تروح تلقى لمليح و الحاير

[minna25]

ماشي كامل كيف كيف

فيهم و عليهم و ماشي يعني كي راهو شاوي راهو ملاك

وين تروح تلقى لمليح و الحاير

[sarah1424]

خويا كل واحد وعقليتو وفي كل بلاصة كاين لمليح ولحاير ومش شاويات كامل عندهم نفس العقلية وزيد هدا مكتوب ربي وانت لازمك تسعد نفسك وتشوف انسانة اخرى تلرتبط بيها هدي والديها مقبلوش تخيل كون تزوجتها وقدر ربي وصرالها حاجة توفات تموت وراها اكيد لا مالا كمل حياتك ومتخممش فيها

[soheib+206]

تجي اللي تنسيك فيها خويا هادي قضية ولف برك

راك والفتها هادا مكان .... مكان لا حب لا والو

ماراناش في مسلسل هنا رانا في الواقع يا أخي

اللي خلق وردة خلق فلة و يسمين و..و..لخ

تجي اللي تنسيك فيها

أقرا بزاف القران خويا راهو ينحي عليك

الحزن و حافظ على صلاتك

و الباقي انساه خويا

[اسهاء]

لو انك منذ البداية التزمك بما يحث عليه دينك و لم تتقرب الى الفتاة و تتعرف عليها قبل الخطبة لما كان هذا هو وضعك
استغفر الله و اشغل نفسك بما ينفعك فى آخرتك و يكن فيه خير لدنياك
هو الفراغ و الافكار الشيطانية التى تؤدى بك الى هذا التفكير
اذهب و اعمل من الفجر الى العشاء فى تكسير الحجارة او البناء
و لن تستطيع لمجرد ثانية التفكير فى الامر
ربى يهدى جميع المسلمين و يصلح حالهم

[اسهاء]

لو انك منذ البداية التزمك بما يحث عليه دينك و لم تتقرب الى الفتاة و تتعرف عليها قبل الخطبة لما كان هذا هو وضعك
استغفر الله و اشغل نفسك بما ينفعك فى آخرتك و يكن فيه خير لدنياك
هو الفراغ و الافكار الشيطانية التى تؤدى بك الى هذا التفكير
اذهب و اعمل من الفجر الى العشاء فى تكسير الحجارة او البناء
و لن تستطيع لمجرد ثانية التفكير فى الامر
ربى يهدى جميع المسلمين و يصلح حالهم

[بلسم غرام2018]

ربي يشفيككك

[sarah..]

صدمني العنوان ههههه
ربي يفرج عليك خويا ويرزقك الزوجة الصالحة التقية ويهنيك معاها ان شاء الله
كلشي بالمكتوب وناس الشاوية يقولو * مرت حد مايديها حد*
يعني ماراح تدي غير مكتوبك ربي يصبرك ويعطيك ماتتمنى
بيناتنا راك مدحت الشاوية وانا عجبني الحال
ربي يوفقك ................ سلام

[sarl02]

الدنيا عمرها ما توقف عند احد مهما كان ...اخرج من قوقعة الشاوية وعيش حياتك كيما هي راهي عايشة حياتها وهل هي في هذا الوقت راهي في نفس حالتك؟؟عليك طرح هذا السؤال ...ربي ما اكتبهالكش راح تلقى غيرهها ان شاء الله.

[Golden Princess]

ربي يصبرك و يفرج عليك

اصبر ............فالصبر مفتاح الفرج