يا خياطات المنتدى وللمبتدئين في الخياطة واش رايكم

[ويناروز]

السلام عليكم ورحمة الله وبركاته

اولا اتمنى تكونوا بالف خير

موضوع حابه ناخذ رايكن فيه وهو :صحيح رانا نقدم في المودال

واكيد راكم تقدمن المساعدة الى المبتدئات لكن لاحظت ان الراغبات في تعلم الخياطة راهم يحتاجن

الى المباديء الاولية للخياطة

اولا اشكر الاخت السطيايفية وكرونو على الورشات والى كل من ساهمت في تقديم خدماتها........

مثلا لماذا ورشات الكروشي ناجحة وهناك من نجحت في التعلم

لكن في هذا القسم نلاحظ ان الكثيرات يرغبن في الخياطة ولكن فليبدأن بمودال بسيط ثم الصعب

واش رايكم لوكل واحدة تحط قندورة تحط الخطوات البسيطة الي تقدر المبتدئة في فهمها

وانا ان شاء الله سوف اضع مودال مع الشرح

اتمنى تكون الفكرة وصلت

والله لما نشوف ورشات الكروشي ناجحة ونشوف التطبيقات

نغار ونقول علاه في هذا القسم لا نكون مثلهن

اسفة على الاطالة
تحيتي

[amiramirna]

اشاطرك الراي
اختي تطبقي الوحيد اللي استطعت كمبتدئة ان انفذه كان من ورشة الاخت ghalemm ربي يحفظها و يجازيها خير و كانت جبة بصدر كروشي (يعني بدون تعقيدات الكم و الرقبة و الكتف و الابط وووووووو)
و بلا ما ننساو الاخت السطايفية و الاخت فيفي و الاخت كرونو و اللي نسيت اسمها تسمحلي ربي يحفظهم

[sarra5]

ouii neyrouz kayna sah

mais ana nensah kamel lebnat li yakadro yroho yet3almo c mieux

mais li mayakadrouch

lazem yteb3o mlih les cours li hna

kima ta3 stayfia

[nadoouuch]

انا واحدة من اللواتي نجحن في قسم الكرووشى تعلمت كلش من الاخوات الله يبارك بالرغم انو ماكانش عندي الكوراج باش نخدم بالخيط الرقيق لكن بفضلهن اسطتعت التعلم و بديت نخدم الصدور حتى اني و ليت نخدم اي حاجة يخدموها فقط باش نكون معاهم و نحي السخفة ههههههههههه

لكن في قسم الخياطة لم استطع المتابعة بالرغم انو كانت عندي رغبة كبيرة في التعلم و لا ادري ماسبب ؟؟؟؟؟؟؟؟؟؟؟؟؟؟؟؟

[نادية28]

انا ايضا تعلمت الكروشي وراني نفهمه غاية والان راني مع الخياطة راني مبتدئة وحابة نصييييييير محترفة يا ريت نفيد بعضنا البعض

[hadjira195]

ربي يجازيك

[stayfiya]

اولا مشكورة حبيبتي نيروز على الطرح فقط حبيت نقول حاجة اغلب الاخوات لي يدخلو ماشي الكل...! يدخلو فقط محتاجين فصالة موديل راي في قماش في قصة او حتي تكون عندها مشكل مع مشينتها يعني ميش وجودها في القسم بشكل دوري كيما راهم في قسم الطبخ و الكروشي بريسك كل المشاركات عندهم فكرة على نشاط القسم معناها يتقاسمو لفهامة على عكس قسم التفصيل واعر و يضرحو يطبقو حاجة ممكن في نظرهم راهي مكلفة ولا تحكم الوقت ولا ماهمش بحاجتها ..و ماتنسايش الفرق بين الخياطة و باقي الاشغال اليدوية و معاهم الطبخ هوما يحتاجو تطبيق نعطيك مثال الطبخة لفلانية تحتاج كذا و كذا و لاستيس لفلاني و راكي درتيها بصح لخياطة هي تعليم نظري حسابات و تطبيقي في نفس الوقت و قبل هاذو لازم تكون عندها في قلبها حب الخياطة كاين بزاااف اخوات دارو دورات تعليم من الاخت لويزة و كرونو و فيفي و ام مريم و ضك وفا بصح المشكل حنا لخياطة لازم تبداي بحوايج في مفهومهم راهم تافهين بصح هوما لي يخليوهم يتعلمو كل منشوف الاخوات يشرحو و يديرو دروس اولية نلاحظ لبنات يملو و يحبو ينتقلو لمراحل متطورة و كل وحدة تخمم في روحها هي واش راهي مسحقة في الوقت الحالي و تطلب علموني نفصل روبة و لوخرى. علموني قفطان و لخرى سروال ...؟؟؟؟ ضك راهي دارت الاخت wafachaal ربي يبارك فيها الورشة كون يتبعوها مليح اكيد راحين يتعلمو غير لكان محبوش و انا مينذاك ندير حويجة نكسر بيها لاروتين علابالي كثرت الهدرة بزاف بصح كلام كان في قلبي و قلتو سامحيني ختي

[Om hazar]

شكراااااااا لكن

[la rome]

أنا شخصيا محتاجة نتعلم التفصيل بصح مالقيتش مساعدات يعاونوني هذي فكرة جيدة نتمنى من الخبيرات يطبقوها وشكرا