انصحوني

مشكلتي · 2012-10-10, 17:09

السلام عليكم اما بعد
نبدا لكم القضة من الاول وهي انا كنت نقرا وكنت عاقلة ومتادبة وكنت من الممتازين لكن بنات الله لايوفقهم فلسوني وقالو لي عودي امشي مع هذا انا قبلت حبيتو ومشيت معاه حووالي 3اشهر ومباعد شاعت عليا انني كنت ندير وندير وو تعرفو كلام الناس وانا والله الهدرة ماهدرتش معاه المهم فقت لروحي وخطيتو وتبت والحمد لله وحلفت ماعدت نعاودها الحمد لله كنت عند قراري لكن المشكل هو هاذو الايام بعث لي طفل وقالي عودي امشي معيا قلت له لا انا مش رايحا نرجع لذيك الطريق وهو قعد يهدد فيا قالي راني نروح لداركم ونحكي لهم عن سوابقك وانا طبعا ماقلتش لاهلي خايفا منهم ومش رايحا نقول لهم من فضلكم انصحوني من فضلكم ادعولي ان يفرج الله كربتي انا انتظر من عندكم الحلول

بنت غليزان · 2012-10-10, 19:47

ما ىتخافي ماوالو يا أختي
مكانش الي ما يغلطتش في هدي الدنيا لكن لازم تسفادي من الغلطة انتاعك و تاخدي العبرة
ماعندو مايديرك راهو غير يخوووف فيك

حزن بحر · 2012-10-10, 20:47

مايروح يحكي ماوالو اصلا لوكان جاء راجل يجي يخطب مايقولكش نمشي
يدز معاهم
ربي راهو معاك
المهم انه ماهوش حاكم عليك حتى شيئ هذا المهم

الواثق · 2012-10-10, 21:25

هو يفضح في روحو فقط ............مادام انك تبت الى الله فلا يهمك احد ...........واستعيني بالله والتزمي الطاعات وابتعدي عن النواهي والله سينصرك ولو اجتمع عليك الانس والجن

والله المستعان

الواثق · 2012-10-10, 21:26

هو يفضح في روحو فقط ............مادام انك تبت الى الله فلا يهمك احد ...........واستعيني بالله والتزمي الطاعات وابتعدي عن النواهي والله سينصرك ولو اجتمع عليك الانس والجن

والله المستعان

بنت الرّحّل · 2012-10-10, 21:27

تحية طيبة وبعد :
هوني على نفسك أختي ولا تخافي ..
ما دمت أدركت خطأك وصدقت التوبة فعليك أن تكوني رابطة الجأش قوية العزيمة
وأذكّرك أن من شروط التوبة هو العزم على على عدم العودة
وأبشرك أختي الكريمة أن هذا امتحان لك على صدق توبتك
فكوني على قدر الامتحان ولا تتراجعي ..

أما كونه يهددك فهكذا اللئيم حين يقع بين يديه كريم ... فأنت لا تقولي لأحد وأكثري من الدعاء يستر عليك الله ويصرف عنك شره
وقولي : ( اللهم اكفنيه بما شئت ))
كوني واثقة في الله فالله قال : أنا عند حسن ظن عبدي بي .. فأحسني الظن به بفتح لك أبواب رحمته
لكن مع ذلك إن كانت أمك من النوع الهادئ والمتفهم فحاولي مفاتحتها في الموضوع وبيني لها أين أخطأت واين وصل بك الأمر
وهذا يريحك كثيرا
وأنت تقولين أنه لم يحدث شيء سوى المشي
طيب ماذا عن الصور ؟ فهذه شائعة جدا وكثيرات يقعن في مثل هذا المأزق
فأخبريها على الأقل تضمنين أنها تعينك إن حدث فعلا وأخبر أهلك بما كان بينكما لأنها لن تتصرف بغضب في تلك اللحظة
أنت فكري جيدا قبل مفاتحتها في الموضوع وحاولي أن توازني بين مصلحة إخبارها إن كانت من النوع الهادئ طبعا وبين مفسدة بقائك خائفة دون ضمان أحد يحميك في البيت

ولن نبخل عليك بالدعاء أختي أبدا

أسأل الله لك الثبات وأن يصرف عنك السوء

أتمنى لك التوفيق

السي محمد · 2012-10-10, 22:03

جايح لانه يعبث بشرف الناس

الجايح جبان=== لن يذهب الى اهلك و لن يكلمهم

~~مراد12345~~ · 2012-10-10, 22:11

المرة القادمة

حينما يأتي إليك

أفعلي له فيلم أمام الناس

أشتميه بأقبح الأوصاف ولا تحشمي

وأديري الدائرة عليه

فإن لم يترك

أخبري أحد إخوتك ليؤدبه

fares rog · 2012-10-10, 22:35

لي ضرباتوا يدو ما يقول اح ، لي عقدها بيدوا يحلها بسنانو ، قريت ربعة سنين قانون ... شبعت من كلمة المسؤولية
كل واحد يتحمل مسؤليته ... ياك ماجور فاكسيني يتسمى العواقب باينة من نهار الاول .
واجهي الواقع واحد مراح يعاونك . لكل فعل رد فعل درتي فعل استناي الردود ذركا والله المستعان

قاتلة الصهاينة · 2012-10-10, 23:15

لااا متخافيييش منو خلاص هذا راهو خواف
علابالو لوكان يقول لداركم تخلى عليه
حاسب في روحو راجل خخخخ
ياو قوليلو فاقوووو

عميروش الحر · 2012-10-11, 01:06

ما تخافيش ما يروح ما يقوللهم
ولكن انتي ايضا يجب ان تثبتي وماشي الريح لي يجي يديك
والله المستعان

بلسم غرام2018 · 2012-10-11, 07:21

متخافيش معندو امايدير الا راح يوكل طريحهعلى لكذب ويروح وحتى الا راح مدامك تبت قليله قلت لا وا يهدد في

سارة البوسعادية · 2012-10-11, 09:02

صباح الخير اختي

ماعندو مايدير لانو يخاف على روحو قبل

وراه غير يهدد ما تستجيبيش ليه

nanine26 · 2012-10-11, 14:48

مايقول لداركم ما والو باين جايح راهو غير يخوف فيك

soheib+206 · 2012-10-11, 15:35

ماتخافي من هاذ التهديد اليائس ما والو

لوكان يروح لأهلك يخبرهم راهو يشبع طريحة

راهو يخاف يديرها مي يهدد فيك باش تولي

برك ..... ما تخافي ماوالو يا الأخت

و الله ما يقدر يديرها