الى الأخت مريم الصابرة

Anis_2012 · 2012-10-08, 23:06

السلام عليكم
الى الأخت مربم الصابرة .أولا نتأسف اذا ضايقتك أو حسستك بشيء في موضوعي السابق وانقولك والله غير نيتى كانت صافية وهي مجرد نصيحة وتذكير .
ياأختي والله ماقصدت حتى عضو من الأعضاء بهذا الموضوع وقلتي اني قلت خاصة هذا القسم وانا نقولك عاودي قري موضوعي لأني قلت من ملاحظتي لأقسام المنتدى .وماشي غير هذا المنتدى راه كاين الكثير من المواقع. وأنا راني عضو جديد ودخلت كل الأقسام والشخص لذكرته والله ماني عاقل عليه ولا حتى الكلام كان عليك .أنا ستدليت بتعليق برك بدون اهانة أو شيء أخر .لأني قريت في عدة مواقع سلبيات ومخاطرالمنتديات و الكلام بين الجنسين وأنا حبيت نفيد الكل .
رغم أني ماحبيتش نزيد موضوع أخر لهو : ما حكم التحدث بين الجنسين في المنتديات و الاجابة نخليها ليكم لأنو الكل عندنا أنترنيت ونقدر ندخل مواقع الفتاوي أو حتى نسأل أهل العلم ؟
وأخير نقول لأخت مريم الصابرة سمحيلي بزاف ولكل شخص تحسس بلموضوع ونعاود نقول والله مقصد غير النصيحة لأنا كلنا بشر وضعاف وكلنا نقدرو نغلطو .كما قالت امرأة العزيز في سورة الكهف: وَمَا أُبَرِّئُ نَفْسِي إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّي....... وحبيتكم تاخدو الحيطة برك مع العلم الكل يعلم بنفسه......وربي شاهد عليا.و كتبت هذه الأسطر باش نريح ضميري و شكرا

SOUSOU. DZ · 2012-10-08, 23:45

السلام عليكم ورحمة الله

اخي والله كامل عرفنا قصدك ونصيحتك على العين وراس

اما على اختي مريم صابرة لي هيا ليليا والله ماتزعف ولا دير في بالها قلبها كبير وابيض وانا نعرفها وصحبتها تاع الصح المهم انا من عندي مادير والو في بالك وغدوة نشوف رائيها باسكو ادا زعفت ولا لوكان قاتلي باسكو هيا تحكيلي واش يقلقها في المنتدى ولا في حياتها وان شاء الله غدوة كيما قتلك تدخل وترد عليك وان شاءا لله ماتكون قاصدة والو واسفة على رد على الموضوع كان موجه لمريم صابرة وشكرا ارجو ان تقبل مروري سلام

Anis_2012 · 2012-10-09, 00:03

بارك الله فيك اختي sousou dz على الرد لأني والله غير حسيت درت مشكل بهذا الموضوع ومين شوفت الرد تاع اخت مريم حسيت بلي ضرها كلامي وانا من جيهتي برغم اني ماقصدهاش الى اني نطلب السماح وكيما شوفت الردود تاعها على المواضيع صح باين بلي قلبها كبير وفيها الخير.

SOUSOU. DZ · 2012-10-09, 00:08

وفيك برك اخني انيس ............ لالالا لا مسكل لا والو صح تصرا بزاف معايا نحط موضيع ونندم على دقيقة لي كتبت فيها موضوعي واكيد راجع لبعض ردود اعضاء ربي يهديهم مي انت باين عليك نيتك نصيحة .............. وربي يهدينا على طريق صواب ............. كيما قتلك على اختي ليليا * مريم صابرة * والله انسانة طيبة ممكن تزعف في هاديك دقيقة مي والله قلبها ابيض ........ يالله سلام عليكم ........... جزاك الله على مبادرة طيبة

Anis_2012 · 2012-10-09, 00:28

يعطيك صحا ختي على الرد وعليكم السلام

مريم الصابرة · 2012-10-09, 09:48

السلام عليكم خويا انيس والله واش نقولك شكرا جزيلا على الموضوع خصصت موضوع على جالي هذا دليل على نبل اخلاقك خويا والله العظيم ماكان حاجة وانا نسيت الامر نهائيا وانا فمهتك على نيتي فالدردشة مع الاعضاء وانا لو زعفت منك نقولك في وجهك مباشرة وقصة العضو اللي خطبني هنا الكل قراوها وتحدثت مع المشرفين ومشا الحال وماكان والو وانا اللي قتلك عليها فالموضوع يعني عادي اخي انا لما حسيت روحي معنية ايضا انا قلت هكذاك وما قتلكش راك عليا فهمتني انا نحب الصراحة حتى لو كانت على نفسي فمديت مثال عليا انا ماكان والو اخي الكريم راك اخ ونبل اخلاقك يخليني انا نعتذر منك ممكن كاش ما قتلك اختك كي تتقلق تولي عمية بارك الله فيك وشكرا الف مرة وراهي سوسو دياز اعز صحبة وتعرفني مليح وشرحتلك باللي ما زعفت ما والو وأصلا نسيت الموضوع شكرا

مريم الصابرة · 2012-10-09, 09:49

اقتباس:

المشاركة الأصلية كتبت بواسطة anis_2012

بارك الله فيك اختي sousou dz على الرد لأني والله غير حسيت درت مشكل بهذا الموضوع ومين شوفت الرد تاع اخت مريم حسيت بلي ضرها كلامي وانا من جيهتي برغم اني ماقصدهاش الى اني نطلب السماح وكيما شوفت الردود تاعها على المواضيع صح باين بلي قلبها كبير وفيها الخير.

السلام عليكم اخي
والله إنت اللي شخص نبيل وبارك الله فيك على كلامك الطيب وشكرا جزيلا اخي والله ما تعمر راسك انا ما نزعفش ولما نزعف من إنسان لدرجة وين خلاص في وجهو نقولهالو وهو في حدو وانا في حدي ما نتعامل معاه ما نرد في مواضيعو ما نحتاجو في مواضيعي وانا نشارك في واضيعك ويشرفني تكون من مرتادي قسمنا قسم المجتع شكرا