من يعرف ؟

soheib+206 · 2012-10-03, 15:20

السلام عليكم خاوتي

أسمحولي كثرت عليكم مي و الله غير

الله غالب ماشي غرضي

أنا سجلت البارح للباك و خرجت الاستمارة

و خلصت في البوصطة

و وجدت شهادة ميلاد رقم 13

و شهادة الاقامة

و درك هادو لوين نديهم ؟؟؟؟

واش هوما الأيام اللي يستقبلو بيهم طلاب

الباكالوريا ؟؟

و الله ينجحكم كامل

hamza touazi · 2012-10-03, 15:27

والله رانا كما نتا خويا صهيب مي شهادة ملاد اصلية قالو اخي نومارمون ندوهم للمركز هكدا محطوط فالشروط تع الباك ومزالك شهادة التسجيل للباك يمدوهالك فالمركز وتان تع الطبيب وحاب نسقسيك ادا ممكن عن البريد كي خلصت كفاش طاولك الموندة انا بعت خويا قالولو مكاش الموندة واش معنتا

soheib+206 · 2012-10-03, 15:36

يعطولو موندة يعمرها و كي يعمرها

تقطعلك منها وحد الورقة خاصة بيك

و تزيد تعطيلك الروسو

و تكاشيلك في الورقة اللي خرجتها من النت

hamza touazi · 2012-10-03, 15:38

الشرط الخامس: الملف الإداري الخاص بالأحرار يخص هذا الشرط كل متمدرسي المؤسسات العمومية والمدارس الخاصة.
يتكون الملف من:
1-إستمارة التسجيل الإلكتونية - تطبع من الموقع بعد قيامكم بعملية التسجيل.
2-بالنسبة لمترشحي مديريات التربية: شهادة مدرسية تثبث مستوى السنة الثالثة من التعليم الثانوي أو التقني اصلية ومصادق عليها من قبل رئيس المؤسسة أو شهادة إثبات المستوى أصلية تسلم من المركز الوطني للتعليم والتكوين عن بد.
-أما بالنسبة لمترشحي المركز الوطني للتعليم والتكوين عند بعد: شهادة التسجيل في البكالوريا لهذه الدورة أصلية تسلم من المركز الوطني للتعليم والتكوين عن بد.
3-شهادة ميلاد أصلية.
4-شهادة الإقامة.
5- شهادة اصدار حوالة بريدية - تطبع من الموقع.
ملاحظة رقم 1: يتأكد المترشح أن المعلومات المحجوزة تطابق تماما شهادة ميلاده.
ملاحظة رقم 2: على المترشح أن يقدم إستمارة التسجيل الإلكترونية الخاصة به لطبيب محلف وذلك قبل تسليمها إلى المديرية أو المركز التابع له. إن الطبيب المحلف هو الوحيد الذي يقرر بـ كفاءة أو عدم كفاءة اجتيازكم لاختبار التربية البدنية والرياضية.
ملاحظة رقم 3: يجرى اختبار التربية البدنية والرياضية من بداية الثاني ماي إلى 20 ماي لكل دورة.
ملاحظة رقم 4:- لا بد على الأحرار إيداع ملفهم الإداري إلى مديريات التربية التابعين لها قبل 30 أكتوبرمن نفس السنة. .
- لا بد لمترشحي الديوان الوطني للتعليم والتكوين عن بعد أن يودعوا ملفاتهم ‘لى المراكز التابعين لها قبل 30 أكتوبرمن نفس السنة.

hamza touazi · 2012-10-03, 15:41

بارك الله فيك خويا صهيب راح نهبل مع الملف خويا بعتو اليوم مفرالي والو راح نموت كرهت حياتي وتان شهادة ميلاد قالولو ولي غدوة بلاد ميكي

soheib+206 · 2012-10-03, 15:45

كون بدل البوصطة برك لوكان

لقى موندا يعمرها و لا يمدها للي يخدم

لتم يعمرهالو

و يخلص عادي ما فيها والو

مي هادي نتاع شهادة ميلاد أصلية و الله غير قراف

بزااااااااااااااف

hamza touazi · 2012-10-03, 15:48

ايه واش راح نديرو ووين تروح غاشي خليها لربي وخلاص

soheib+206 · 2012-10-03, 15:51

يا أخ حمزة شي وين قريت بلي تقدر تدفع شهادة

ميلاد رقم 13

soheib+206 · 2012-10-03, 15:56

السلام عليكم ورحمة الله وبركاته

هذا الموضوع يخص الطلبة الذين يودون التسجيل لشهادة الباكلوريا

أي غموض أو استفسار بخصوص التسجيل يرجى مساءلتنا
هنا

وإن شاء الله نساعدكم

يتكون ملف التسجيل من استمارة يتم ملؤها إلكترونيا من قبل المترشح، ويتم طبعها واستخراجها من الموقع، في ورقة بيضاء والمصادقة عليها من قبل طبيب الصحة المدرسية بالنسبة للمترشحين المتمدرسين وطبيب محلف بالنسبة للأحرار، حيث يقرر الطبيب كفاءة المترشح من عدمها لاجتياز اختبار التربية البدنية والرياضية، بالإضافة إلى شهادة ميلاد رقم 12 أو 13 ونسخة أصلية للشهادة المدرسية أو لشهادة التسجيل في البكالوريا من الديوان الوطني للتعليم عن بعد، أو شهادة تثبت مستوى السنة الثالثة أو مستوى معادلا معترفا به بالنسبة للمترشحين الأحرار فقط.

كما يستوجب على المترشح استخراج شهادة إصدار حوالة بريدية والتي يتم طبعها من نفس الموقع الإلكتروني، ترفق إجباريا بحوالة الدفع المتوفرة على مستوى مؤسسات التعليم بالنسبة للمتمدرسين ومديريات التربية بالنسبة للأحرار، تسلم لهم بعد تقديم الملف، بالإضافة إلى شهادة الإقامة .