لا نسمع ولا نحكي

[آلاء النايلية]

مليت معرفتش وش ندير
خطيبي لي يقولهالي على دارهم و حياتهم...الخ نروح نقولها لماما
و ماما كل مرة ميعجبهاش الحال تبدا تهدرلي حتان نتعمر و نروح نطرطق فيه و هو يزيد يقنعني و يحكيلي و يسكتني كي يقولي امي قالت هاك و امي دير هاك كيفاه معجبكش الحال؟... و كي نرجع نقول لماما وش صار تقولي انت الغالطة و حتى بابا ينوض فيا ساعات

منزيد لا نسمعلو لا نهدر لماما هذا الحل ؟

[السي محمد]

اممم النصف الثاني صح

ماتقوليهاش لأمك

انا لو نعرف ان كل كلمة اقولها لخطيبتي تروح لامها

اقاطعها تماما

السلام كيف الحال السلام فقط و نكوبي عليها


النصف الاول الله يعلم

ولكن من الافضل التقليل او الاستغناء عن الكلام اثناء الخطوبة


يعني المشاكل تأتي من ذلك الكلام بين الخطيبين

و موضوعك هذا خير دليل


===========

ربي يوفقك و يهنيك

[شيء من رجاء !]

نعم هذا هو المفروض
انتبهي لنفسك الرجال لا يحبون هذا خاصة بعد الزواج
ليس كل ما يحدث بينكما ( حتى لو مشاكل ) تحدثي بها أهلك

[z.abdo]

المشاركة الأصلية كتبت بواسطة آلاء النايلية

مليت معرفتش وش ندير
خطيبي لي يقولهالي على دارهم و حياتهم...الخ نروح نقولها لماما
و ماما كل مرة ميعجبهاش الحال تبدا تهدرلي حتان نتعمر و نروح نطرطق فيه و هو يزيد يقنعني و يحكيلي و يسكتني كي يقولي امي قالت هاك و امي دير هاك كيفاه معجبكش الحال؟... و كي نرجع نقول لماما وش صار تقولي انت الغالطة و حتى بابا ينوض فيا ساعات

منزيد لا نسمعلو لا نهدر لماما هذا الحل ؟

اكبر خطأ يرتكبه المخطوبين أو المتزوجين أن يحكو اسرارهم لغيرهم حتى لو كانت الأم او الاب

يجب ان تبقى مشاكلهم بينهم لأن المشكل إذ خرج بينهم راح يكبر

فاجعلو أيها المخطوبين و المتزوجين طرفك الآخر صندوق اسرارك

[- بصمة خير -]

انت راكي تحكي لامك من اجل النصحية و التوجيه او ...

و لكن هذه من اسباب فشل الزواج بعيد الشر عليك -> الكلام بين الزوجين يخرج

لهذا اسمعيلوا و لكن ماتحكيش

اتعلمي تحلي المشاكل وحدك حتى تتعلمي و تولي ماتسحقي حتى واحد

و الا زوجك يبطل يحكيلك و تولي تقولي مش مداير الثقة فيا و مايحكيليش و السبب هو أنت


و اذا مضطرة ببببببزاف احكي هنا في المنتدى أو لصاحبتك ماتعرفش عائلة الزوج و ماعندهاش علاقة معاهم لا من بعيد و لا من قريب


ربي يوفقك أختي و زواج مبارك و ان شاء الله الذرية الصالحة

[soso sirin]

واش راكي الاء ان شاء الله بخير. نقلك الصح و ماتزعفيش مني هو غالط لانو نوغمالمو مايقلكش كلشي على دارهم حتى تجي و تشوفي بعينيك علابالي حنا فينا ديفو نبغو نعرفو كلشي انا نموت كون مانعرفش كاش حاجة مي هكا تاني ماشي مليح زيد انتي تاني غالطة نوغمالمو ماشي كل حاجة تعاوديها داركم كاين حوايج مايتقالوش لانو انتي كي تروحي تقوليلو شوف ماما شاقاتلي يقعد هو يخمم امالا الحاجة الي نقولهالها تروح تعاودها و هوما اصلا مرات يولو بكاكيش امالا تخيلي اذا سكت مرة وحدا تولي تحليه و مايهدر ش.شوفي ياالوءة والله الحاجة كي تكون بين زوج و تبقى بيناتهم خير لانو مهما صرا يقدرو يحلوها مي اذا فاتت وصلت لناس وخدخرين حتا و يكونو والديك و والديه تولي صعيبة و يقوى الكلام و تدخل فيها حسابات وخدخرين امالا المرة الجاية اعرفي واش تحكي و واش ماتحكيش .و ربي يهنيك ان شاء الله و يفرحك

[كنوزنبراس]

نايلية مبقالكش بزاف ونفرحو بيك نظم كلامي لجماعة للفوق
ونتي حنونة ربي يهنيك ويسعدك دائمااا

[zineb.alg]

ان شاء الله راكي مليحة شعطوطة

علابالناا راكي قريب تتزوجي اومواا تفكريناا

مرة على مرة .....

اناا نتمنالك متكونش مشااكل كباار بينك وبين زوجك

معليش دوك صغاار راهم ملااح هههه

وتاني نتي ماشي اي حاجة تقوليها لماماك

كاين حواايج تخافي تقوليلهاا عليهم بالاك هي تفهمهما


حاجة كبيرة وتنوضالحرب الساخنة ...بالاكي اوكي

الله يهنيك ويفرحك ....زدعيلي معااااااااااك بليييز

[مريم الصابرة]

السلام عليكم اختي
الله يهديك يا ألاء وإنت اللي بينك وبين خطيبك علاه تقوليها ليماك وهو وإسمحيلي في هذي حتى هو ما عندوش الحق يحكيلك على دارهم من المفروض هذوك اهلو ومهما صار تبقى امورهم الشخصية بينهم
نجو للمشكل راه حكالك علاه تقولي ليماك وعلاه تتطرطقي فيه إنت مرتو وهم اهلو كل واحد وبلاصتو ما توصليش للمشاكل وإنت حتى ما زال ما رحت وحتى لو تروحي اختي نعطيك نصيحة ما تدخليش بينو وبين اهلو مهما صار هوما اهلو وتحبي تنجحي في زواجك إكسبي اهلو في صفك وخليك من تبعي كلام الزايد واللي كاينة تحكيها ليماك يماك على الراس والعين لكن اسرار زوجك لا ثقتو فيك تروح موفقة اختي .

[آلاء النايلية]

بارك الله فيكم
ربي يسعدكم و يعطيكم ما تتمناو
نصائحكم في محلها وراني نخدم بيها
نقصت الهدرا و نقصت المشاكل