الخطيب و المناسبات

soso sirin · 2012-09-26, 20:27

الهدايا و فترة الخطوبة هل انتم من مؤيديها او الرافضين لها.و انا لااقصد الهدايا التي يقدمها الخطيب لخطيبته لانه يريد ذلك انا اقصد هدايا الاعياد و المناسبات الكثيرة و هذا كله باسم العادات و التقاليد انستي سيدتي ماهو رايك فيها و انت سيدي الرجل كيف تراها.

z.abdo · 2012-09-26, 20:53

السلام عليك أختي أولا بارك الله فيك على الموضوع الذي يمس الواقع ونقلك راكي حطيتي يدك على الجرح

لأن جل الشباب يكره مثل هذه العادات التي لم تنزل لا في القرآن ولا في السنة

بصراحة انا اعتبرها ضريبة التأخير يعني وكأن يقول اهل البنت للخاطب مقابل تأخيرك

في العيد الصغير والكبير ةالعاشورة وعيد المرأة وعيد الأم والمولد النبوي وربما حتى عيد الشجرة

إذا كنت انا اريد أن اهدي هدية لخطيبتي اهديها من كل قلبي لها وليس طوعا لهذه العادات التي تعرقل الشباب وترهقهم

اعذروني ان بالغت كثيرا في ذم هذه العادة لكن والله من بين اسباب عزوف الشباب عن الزواج أو التأخير هو مثل هذه العادات التي لا

تسمن و لاتغني من جوع

اريد أن سألكم بالله عليكم إذا كان الله كتب فلان أن يتزوج فلانة فلمذا نأخرهم بهذه العادات وغيرها

وشكرا لصاحبة الموضوع

sarl02 · 2012-09-26, 20:54

تهادو تحابو ...والانسان اذا كان مقتدر ما فيها والو بالعكس هذا دليل على كرمه وسخائه على زوجته .

~~knives55~~ · 2012-09-26, 21:19

هذ فساد دراهم و تفاخر امام الجيران وليس عادة وتقليد

النجمة القطبية · 2012-09-26, 21:29

الهدية امر جيد طبعا
لكن الهدية قيمة معنوية اكثر منها قيمة مادية يعنى هى مجرد تعبير
ومن وجهة نظرى انه لا يجب ان تكون خاضعة للعادات والتقاليد او المجتمع او تكون اجبارية او مفروضة او بالاكراه او تكون محددة بقيمة كما هو حاصل فى مجتمعنا
طبعا انا ضد فكرة ان تتحول الهدية لواجب ونخرجها من القيمة المعنوية الى القيمة المادية
هى فقط تعبير معنوى قال عليه الصلاة والسلام ((تهادو تحابو))

شيء من رجاء ! · 2012-09-26, 21:40

تكليف للنفس فوق طاقتها ، يحتفظ بثمنها للتعجيل بالزواج .
بعض العادات تشعرك أن الزواج عبارة عن مزاد من يدفع أكثر

الواثق · 2012-09-26, 21:48

الهدية امرها جميل لكن هو الامر يتعلق بالمخطوبة ***الواثقة *** فان كانت بمثل تفكيري فهي تعرف المناسبات من غير المناسبات .............لو نديلها هدية في مناسبة غير شرعية طيشها في وجهي وتفسخ الخطبة هههه

كاميلا · 2012-09-26, 21:53

اقتباس:

المشاركة الأصلية كتبت بواسطة soso sirin

الهدايا و فترة الخطوبة هل انتم من مؤيديها او الرافضين لها.و انا لااقصد الهدايا التي يقدمها الخطيب لخطيبته لانه يريد ذلك انا اقصد هدايا الاعياد و المناسبات الكثيرة و هذا كله باسم العادات و التقاليد انستي سيدتي ماهو رايك فيها و انت سيدي الرجل كيف تراها.

والله خطيبي حاط في باله لازم ديما يجيبلي يعني والحمد لله رغم انني نقوله متكلفش روحك الا انه يحب ديما يكرمني حسب مقدوره والحمد لله هو كريم معي الحمد لله

becll · 2012-09-26, 21:54

السلام عليكم, أظن أن مثل هذه الهدايا ان كانت من الخطيب لخطيبته و بدون اكراه من أحد سواء أهلها أو حتى أهله (و هذا لليتفاخر أهل العريس على أهل البنت!!!) قلت اذا كان عن طيب نفس فلا حرج في ذلك, و لكن اذا كانت اتباعا للتقاليد التي يستعملها الناس سببا للتفاخر بينهم, فأظن أنه لا خير فيها..., أنتظر مشاركاتكم فالموضوع جيد و يستق الاثراء,شكرا للأخت soso sirin

شيء من رجاء ! · 2012-09-26, 22:10

اقتباس:

المشاركة الأصلية كتبت بواسطة becll

السلام عليكم, أظن أن مثل هذه الهدايا ان كانت من الخطيب لخطيبته و بدون اكراه من أحد سواء أهلها أو حتى أهله (و هذا لليتفاخر أهل العريس على أهل البنت!!!) قلت اذا كان عن طيب نفس فلا حرج في ذلك, و لكن اذا كانت اتباعا للتقاليد التي يستعملها الناس سببا للتفاخر بينهم, فأظن أنه لا خير فيها..., أنتظر مشاركاتكم فالموضوع جيد و يستق الاثراء,شكرا للأخت soso sirin

نعم قد يكون الخطيب كريم ، لكن على الخطيبة أن تكون حكيمة .. بالأخير هو مالهما معا ومشروعهما معا
والهدية بقى هدية ولها أثر طيب سواء كانت وردة أو عطر .... أو لباس أو ذهب

مريم الصابرة · 2012-09-26, 22:33

السلام عليكم
فالحقيقة اختي انا نشوف الهدايا الي فالمناسبا حاجة عادة وتقالدي وانا ما نقبلهاش لا ومن الول قلت لخطيبي ما تجيبليش في اي مناسبة متفاهمين عليها يحب هو يهديني بلاما نقولو نشد غيه لما يصر ولو كانت غالية ما نديهاش ونزعف لو يكررها لانو نوجدو مديرو دارنا والهدايا الكثيرة بزاف خسارة المال شكرا

عبد الله 31 · 2012-09-26, 22:36

فصبر جميل والله المستعان

soso sirin · 2012-09-26, 23:17

اقتباس:

المشاركة الأصلية كتبت بواسطة z.abdo

السلام عليك أختي أولا بارك الله فيك على الموضوع الذي يمس الواقع ونقلك راكي حطيتي يدك على الجرح

لأن جل الشباب يكره مثل هذه العادات التي لم تنزل لا في القرآن ولا في السنة

بصراحة انا اعتبرها ضريبة التأخير يعني وكأن يقول اهل البنت للخاطب مقابل تأخيرك

في العيد الصغير والكبير ةالعاشورة وعيد المرأة وعيد الأم والمولد النبوي وربما حتى عيد الشجرة

إذا كنت انا اريد أن اهدي هدية لخطيبتي اهديها من كل قلبي لها وليس طوعا لهذه العادات التي تعرقل الشباب وترهقهم

اعذروني ان بالغت كثيرا في ذم هذه العادة لكن والله من بين اسباب عزوف الشباب عن الزواج أو التأخير هو مثل هذه العادات التي لا

تسمن و لاتغني من جوع

اريد أن سألكم بالله عليكم إذا كان الله كتب فلان أن يتزوج فلانة فلمذا نأخرهم بهذه العادات وغيرها

وشكرا لصاحبة الموضوع

وعليكم السلام خويا عبدو و لا شكر على واجب.صح حتا الراجل ولا يخاف كي تجي مناسبة و هو يكون خاطب انا شفت انو راه يخسر الدراهم كي تكون عند ماليها كثر من الشي الي يصرفو عليها وقت ماتكون عندو .شوية انا مانيش نقول مايجيبلهاش الكادوات لالا والله الكادوات الا ملاح حتى و كون تكون وردة برك مي باه يشريلها في العيد الصغير و يديلها حقها في العيد الكبير بلا عاشورة و العام و كيما قلت انت خاصو غير يديلها شجرة و يقلها ايا اغرسيها في داركم هاذي سماطة علاه كون هو مايعيدلهاش ماهيش رايحة تعيد. انا نشوف انو مايشريليش كي نكون في دار والديا لانو الحمد الله هوما يعيدولي مي نهار نروح عندو يشريلي ماشي العكس .

soso sirin · 2012-09-26, 23:26

اقتباس:

المشاركة الأصلية كتبت بواسطة sarl02

تهادو تحابو ...والانسان اذا كان مقتدر ما فيها والو بالعكس هذا دليل على كرمه وسخائه على زوجته .

يا خويا انا ماقلتش الكادوات الي هو باغي يديهملها انا راني نهدر يا الشلفي على المناسبات الي يحس فيهم تحسب بسيف عليه انو لازم يشريلها معنتها انا نحس انو راه قانون مفروض ماشي جايبهالي من قلبو.و زيد علاه انا ماكنتش نعيد حتا هو جا و لا ماكنتش ناكل اللحم حتا هو يشريلي.اما على الكادوات الي يكونو خارجين من قلبو هاذوك مكانش الي يقول عليهم لالا لانو مكانش مرا ماتبغيش الكادوات

اقتباس:

المشاركة الأصلية كتبت بواسطة knives55

هذ فساد دراهم و تفاخر امام الجيران وليس عادة وتقليد

هاذي تاني كاينة منها هو يشري قدام الناس و هي تشد على جال الناس و بلاك هو ماعندو و هي ماتبغي مي على جال الناس هو يباصي و هي ماتعرف واش دير

اقتباس:

المشاركة الأصلية كتبت بواسطة الواثق

الهدية امرها جميل لكن هو الامر يتعلق بالمخطوبة ***الواثقة *** فان كانت بمثل تفكيري فهي تعرف المناسبات من غير المناسبات .............لو نديلها هدية في مناسبة غير شرعية طيشها في وجهي وتفسخ الخطبة هههه

ربي يلاقيك مع الواثقة ان شاء الله في اقرب وقت خويا الواثق .واش هوما المناسبات الشرعية معليش تقولي

اقتباس:

المشاركة الأصلية كتبت بواسطة becll

السلام عليكم, أظن أن مثل هذه الهدايا ان كانت من الخطيب لخطيبته و بدون اكراه من أحد سواء أهلها أو حتى أهله (و هذا لليتفاخر أهل العريس على أهل البنت!!!) قلت اذا كان عن طيب نفس فلا حرج في ذلك, و لكن اذا كانت اتباعا للتقاليد التي يستعملها الناس سببا للتفاخر بينهم, فأظن أنه لا خير فيها..., أنتظر مشاركاتكم فالموضوع جيد و يستق الاثراء,شكرا للأخت soso sirin

لا شكر على واجب خويا هي المشكل كامل في الهدايا الي مفروضين اما الي هو يجيبهم بطيب خاطر مكانش الي مايبغيهمش مي المشكل ولات عندنا عادات تغم و تزيد غير المصروف برك و اصلا الطفلة ماتحسش بيهم لانو تحس انو راه يجيبلها فيهم بالسيف و على جال الناس برك لانو قبل ماتجي المناسبة يولي يهدر عليهم

اقتباس:

المشاركة الأصلية كتبت بواسطة عبد الله 31

فصبر جميل والله المستعان

مي ماقتلناش رايك خويا عبد الله

السي محمد · 2012-09-26, 23:34

هههههه
انا معمّري

و اعرافنا تمنع الهدايا بين الخطيبين

راني مرتاح من هذه الناحية

==============================

إذا الرجل عندو لا اعتقد انه يبخل زوجته

إذا ماعندوش يفتح ربي و بعد الزواج يشريلها

صح هي تطمع و تحب تكون مثل بقية البنات

ولكن لا يُكلف الله نفسًا إلا وُسعها

و كيما قالو

يا بنت الناس انا فقير.... و دراهم يومي معدودة

إنّما عندي قلب كبير........ بحر شطئانو ممدودة