عمتي منعتني من زيارتها

[rinna sousou]

قبل رمضان حدث سوء تفاهم مع عمتي لاني عرضتها بالتليفون لحفل خطوبتي غاضها الحال و لم تلبي الدعوة و عاتبتني على ذلك و ربي يشهد اني لم افعل ذلك عمدا لاني لم اجد من يساعدني في التحضير للحفل فلم اجد وقتا لزيارتها في بيتها لدعوتها المهم بقيت زعفانة و في ليلة الشك تاع رمضان ذهبت امي اليها لتطلب السماح فلم تعطيها اي قيمة و اتهمتها اتهامات باطلة و باننا ناكرون للجميل و لا نحسب لها حسابا وقالت لنا لا اريدكم في بيتي ابداااااااا
وعندما خرجت امي من بيتها لم تودعها و لم تضيفها شيءا كانها تنتقم منها و بقينا شهر رمضان لا احد يسأل عن الاخر
و في العيد لم نزرها ايضا لاننا خفنا ان تقابلنا بوجه قبيح و باهاناتها التي تعودنا عليها
الان انا احس بالذنب لان قطع صلة الرحم من الكبائر
لطالما حاولت ان ارضيها بالهذايا لها و لحفيدتها لكنها ثرية و الهدايا البسيطة التي اقدمها لها لا تملأ عينها و لا تعترف الا بالهذايا الباهضة
انا حزينة بسبب هذا الوضع من جهة ارفض زيارتها لانها اهانت امي حتى بكت و سالت دمعتها و من جهة اقرر زيارتها و اراضيها رغم انها هي المخطئة
انتظر ردودكم شكرا

[~~نهال~~]

لالا اختي ثرية او لا نتي مديلها وش قدرت
نيتك عند ربي صافية بغات تقبلها بغات ترفضها
نتي حافظي على صلة الرحم و هوما ربي يسهل عليهم نتي تي الاجر و ربي شاهد على واش ديري

[rinna sousou]

المشاركة الأصلية كتبت بواسطة ~~نهال~~

لالا اختي ثرية او لا نتي مديلها وش قدرت
نيتك عند ربي صافية بغات تقبلها بغات ترفضها
نتي حافظي على صلة الرحم و هوما ربي يسهل عليهم نتي تي الاجر و ربي شاهد على واش ديري

لكني لا اتحمل الاهانات خفت نزورها تهينني هي و ابنتها و الله صعيبة

[jissi]

مادام راهي عمتك شوفي والدك احسن.

[soso sirin]

يا اختي هاذو المشاكل والله راهم بزاف مي نقلك حاجة مرات شي اقارب الواحد لازم يبعد عليهم باه يعيش مليح و شوفي واش باباك راه يقول و خليها للوقت كاين شي مشاكل الوقت وحدو هو الي يداويها برك .ربي يجيب الخير

[j.p.sarter]

انت اسعيتي ليها والله غالب واش حابة اديريلها ..ها اتروح في 70 دهية كيما قالك المصري ..واجي النهار وين اتفيق وترجع وحدها واذا ما فاقش ترياحة منها +1-1 هذا مكان.

[rinna sousou]

المشاركة الأصلية كتبت بواسطة soso sirin

يا اختي هاذو المشاكل والله راهم بزاف مي نقلك حاجة مرات شي اقارب الواحد لازم يبعد عليهم باه يعيش مليح و شوفي واش باباك راه يقول و خليها للوقت كاين شي مشاكل الوقت وحدو هو الي يداويها برك .ربي يجيب الخير

عندك الحق الابتعاد عنهم احسن و ربي يهدينا

[كاميلا]

كيما قالولك ادي باباك وروحيلها ومزيديش دخلي يماك لان عمتك هادي راحي تقربلك اكثر من ان تقرب لامك يعني زيدي روحي بالاك ندمت متسبقيش الاحداث والا زادت دارت حاجة وكلي ربي وخلاص جات من عندها

[rinna sousou]

المشاركة الأصلية كتبت بواسطة كاميلا

كيما قالولك ادي باباك وروحيلها ومزيديش دخلي يماك لان عمتك هادي راحي تقربلك اكثر من ان تقرب لامك يعني زيدي روحي بالاك ندمت متسبقيش الاحداث والا زادت دارت حاجة وكلي ربي وخلاص جات من عندها

انا فكرت نزيد نروح ليها بصح بابا لا اظنه يقبل لانه كبير العايلة و يقول هم لي يجيو عندو ماشي هو لكن ساحاوله و ربي يصلح بيننا

[maiar]

ربي يهدي النفوس وربي يقربكم لبعضاكم و يبعد عليكم الشيطان لانو هذا كامل من عمله حاول قداه مرة و جيبها بشوية ماعليش

[imene12]

ربي يهدي العباااااااد

[فقير و عايز اطير]

عامليها بالمثل

[تقية1984]

نصيحة لكِ أ×تي الغالية صلة الرحم ثم صلة الرحم
ماكان لاإهانة لاوالو عفسي على قلبك وزوريها
وديري في نيتك باغية ترضي ربي ماشي ترضيها هي
وان شاء الله تربحبي آخرتك بصلتها
الجنة مكتوب على بابها
لايدخلني قاطع رحم

[شاملة لينة]

حاولي مرة ، إن رفضت دعيها مع الوقت ستزول السحابة.............. لكن حذاري من النمامين فحتى ان وصلتك اخبار انها سبتكم او شتمتكم لا تهتمي ولا تردي كي لا تزيد الفجوة ..... كوني مترفعة ................................ ولا تذكريها إلا بالخير ....... فإن الشخص الذي ينقل إليك الكلام سوف ينقله منك........................... وهما يكن تبقى لخت ابيك