الاختلاط في الاعراس بين مؤيد و معارض

[soso sirin]

ظاهرة الاختلاط في الاعراس و الي بدات تولي عادية في عروساتنا و مانيش نهدر على معنتها عرس واحد و يحضرو الرجال و النسا هاذي حاجة مانهدروش اصلا عليها. و علابالي لبنات رايحين يفهموني كثر تتخيلي رايحة تحضري عرس و حتا من العايلة انتي تريحي و هوما يولو صحاب الدار داخلين خارجين تحسب راهم غير خواتاتهم مقابلينهم.واش رايح يكون ردة فعلك اختي .و انت خويا علاه عارف بلي داركم فيها نسا بزاف و علاه تدخل للدار و اذا قبلتها على نسا الناس رايح تقبلها على نساك. باغية كل واحد يمد رايو و يمدنا شي قصص صراولو .اليكم الخط .

[mohamed160]

سلام عليكم بارك الله فيك على الموضوع الساعة والله انا ضدا الاختلاط فى الاعراس وكاين امور بزاف تحدث فى الاعراس وسببها الاختلاط

[soso sirin]

المشاركة الأصلية كتبت بواسطة mohamed160

سلام عليكم بارك الله فيك على الموضوع الساعة والله انا ضدا الاختلاط فى الاعراس وكاين امور بزاف تحدث فى الاعراس وسببها الاختلاط

و عليكم السلام خويا ان شاء الله تكون بخير.والله يا خويا لانو راهو صاري كوارث من هذا الشي و لانو هذا الموضوع هدرنا عليه هاذو ليمات في دارنا قلت نكتبو لخواتي في المنتدى و نشوف واش رايهم.والله الا تبهدايل رانا نسمعو بيهم و المشكل هو مايقبلش على نساه و يقبلها على نسا الرجال لخرين و انا تاني من رايك ضد فكرة الاختلاط .حتا و يكون من العائلة

[SABI 43]

واش رايحة نقولك يا سرين درك كل واحد و عاداتوا و كيفاش ترابى و الخلطة صح مهيش مليحة مي حتموها علينا

[sbmwhadz]

السلام عليكم ورحمة الله تعالى وبركاته هذه القضية أصبحت من شدة جهل بعض الاشخاص فيقول البعض انه مباح و الاخر يشكك لكن القضية ليس فيها شك ولا ريب فيها فهي حرام والسلام مسك الختام

[عميروش الحر]

انا اصلا مانحبش العراس على هاد الشي ... وكل شيء على التنظيم ...
اذا كنت انا صاحب عرس نخدكم ""قارد كور"" ماكانش لي يدخل جيهة النساء حتى لو يكون خويا الا اذا كانو اطفال صغار ..
والحرمة هاد الوقت قليل لي يعرفها

[soso sirin]

المشاركة الأصلية كتبت بواسطة sabi 43

واش رايحة نقولك يا سرين درك كل واحد و عاداتوا و كيفاش ترابى و الخلطة صح مهيش مليحة مي حتموها علينا

والله هي صح واش قلتي مي كاين خلطة من خلطة باه الواحد يروح ضيف و يروح يحضر عرس امالا راه داير ثقة كبيرة في مول العرس ماشي الوحدا تروح حتى تلقى رجال العايلة كامل مقابلينها تحسب راه يتفرج في ماتش

المشاركة الأصلية كتبت بواسطة sbmwhadz

السلام عليكم ورحمة الله تعالى وبركاته هذه القضية أصبحت من شدة جهل بعض الاشخاص فيقول البعض انه مباح و الاخر يشكك لكن القضية ليس فيها شك ولا ريب فيها فهي حرام والسلام مسك الختام

والله يا خويا ماشي حرام و لا ماشي حرام لانو هذا الشي رانا متاكدين منو الحاجة الي تقلق تاع الصح كيفاش يخلو شي رجال طالعين هابطين و يتفرجو على النسا تاع الرجال و هو كون يعرف بلي مرتو ولا بنتو حضرو عرس و صرا هذا الشي تجيه حاجة طايحة

المشاركة الأصلية كتبت بواسطة عميروش الحر

انا اصلا مانحبش العراس على هاد الشي ... وكل شيء على التنظيم ...
اذا كنت انا صاحب عرس نخدكم ""قارد كور"" ماكانش لي يدخل جيهة النساء حتى لو يكون خويا الا اذا كانو اطفال صغار ..
والحرمة هاد الوقت قليل لي يعرفها

هاذي الي بغيت نوصل ليها علاه ماشي كل واحد يخاف على النسا الي عرضهم كلي راهم نساه و مادامو عرضهم امالا يتحمل مسؤوليتو كاملة و مايقول لا هذا وليد الدار و لا وليد خالتي و لا وليد عمي و لا صغير و لا كبير لانو هوما يكونولو النسا لخرين مايعرفهمش .ايه في هاذي عندك الصح و زيدلها في العروسات تقول الواحد يهبل حتا كي يكمل العرس باه يولي يقول انا درت هذا الشي

[اسلام انس]

المشاركة الأصلية كتبت بواسطة soso sirin

ظاهرة الاختلاط في الاعراس و الي بدات تولي عادية في عروساتنا و مانيش نهدر على معنتها عرس واحد و يحضرو الرجال و النسا هاذي حاجة مانهدروش اصلا عليها. و علابالي لبنات رايحين يفهموني كثر تتخيلي رايحة تحضري عرس و حتا من العايلة انتي تريحي و هوما يولو صحاب الدار داخلين خارجين تحسب راهم غير خواتاتهم مقابلينهم.واش رايح يكون ردة فعلك اختي .و انت خويا علاه عارف بلي داركم فيها نسا بزاف و علاه تدخل للدار و اذا قبلتها على نسا الناس رايح تقبلها على نساك. باغية كل واحد يمد رايو و يمدنا شي قصص صراولو .اليكم الخط .

انا نهدر على روحي وعلى الاعراس نتاعنا........مثلا يكــــون عرس عندنا .....لازم عليك تدخل للكوزينة بام تدي صوالح للضياف وتدخل بدون احراج لانك انت مول العرس والدار....بصح واش تقولي تلقيهم في يستناو فيك امام الباب تقول راك جاي من الحج.ونزيد نقولك تلقعا ترقص ولا متكسلى تقول مسكينة كان قاع شقى عليها واش نقولك اختي كاين بعض النسا لالله لا تشوفك ليهم ولا يجوا بلعاني يسقسوا فيك على حاجة خاطيا قاع العرس واللع لا ينسوك واش راك جاي تدي

شكـــــــــرا مـــــــــوضوع في القمـــــــة.......لي عودة انشاء الله

[soso sirin]

المشاركة الأصلية كتبت بواسطة بن عمير 22

انا نهدر على روحي وعلى الاعراس نتاعنا........مثلا يكــــون عرس عندنا .....لازم عليك تدخل للكوزينة بام تدي صوالح للضياف وتدخل بدون احراج لانك انت مول العرس والدار....بصح واش تقولي تلقيهم في يستناو فيك امام الباب تقول راك جاي من الحج.ونزيد نقولك تلقعا ترقص ولا متكسلى تقول مسكينة كان قاع شقى عليها واش نقولك اختي كاين بعض النسا لالله لا تشوفك ليهم ولا يجوا بلعاني يسقسوا فيك على حاجة خاطيا قاع العرس واللع لا ينسوك واش راك جاي تدي

شكـــــــــرا مـــــــــوضوع في القمـــــــة.......لي عودة انشاء الله

ههه انت كارثة علابالك امالا راك جاي من الحج.والله ايه هاذي صح كاينة منها كاين شي بنات يروحو لعراس غير علاجال الشريات برك وكون تكره مولات العرس و ماتحملهاش مي في العرس تنسى و تروح .مي حتا و مول العرس و يعرف وقتاه يدخل كيما يقول خويا انا في العرس نحس روحي ضيف في دارنا و كي يجو داخلين تقول راهم داخلين عند الجوارين مي هاذي لازم و بسيف باه يا خويا بن عمير ماتنساش واش راك جاي تدي.كي قتلي مول الدار فكرتني نهار تزوجت اختي رحنا معاها في المحضر يجو ليجان تاع مالين راجل اختي و يقابلونا اختي الكبيرة راحت قالت لنسيبتنا اهدري معاهم باه يبعدو من الطريق قاتلها مانقدرش و هاذو كامل يقربونا و عندهم سمانة و هوما يجرو واش راح نقلهم اختي قاتلها راهم ماليكم انا مانعرفهمش و على هاذي فوتنا العرس كامل بالخمارات قتلها دبر ريسانهم انا نخرج اختي قاتلي امالا كي جي خارجة لبسي حجابك و ديري خمارك و طيري والله قلقوني منبعد حشمو كي خرجنا بالخمارات غطاو شوية كي كمل العرس قالولها خواتاتك سلفيات انا الصح شبعتهم دعاوي و الشنافة نيشان.لانو الواحد لازم يحشم على روحو و مادام كاين ناس براوية ماتدخلش و كل واحد يحكم بلاصتو .صحيت خويا و الموضوع موضوعك

[السي محمد]

آوو احنا التمسخير هذا ماكاش عندنا

[soso sirin]

المشاركة الأصلية كتبت بواسطة السي محمد

آوو احنا التمسخير هذا ماكاش عندنا

حاجة مليحة و الله الحرمة مليحة و الي ماتبغيهاش على روحك ماتبغيهاش على الناس لخرين.من جهتهم كاين شوية الخالوطة يا خويا نعرف ناس من عين مران قالولي انو عروساتكم فيهم شوية الخلاط و تاني جهة تاوقريت نعرفهم تم .مي والله يا خويا نستعرف بيك لانو هذا هو الصح

[السي محمد]

المشاركة الأصلية كتبت بواسطة soso sirin

حاجة مليحة و الله الحرمة مليحة و الي ماتبغيهاش على روحك ماتبغيهاش على الناس لخرين.من جهتهم كاين شوية الخالوطة يا خويا نعرف ناس من عين مران قالولي انو عروساتكم فيهم شوية الخلاط و تاني جهة تاوقريت نعرفهم تم .مي والله يا خويا نستعرف بيك لانو هذا هو الصح

كاين عايلات


كاين لي شبعة جديدة

و نساو بلي هوما عروبية

دخلو لعين امران بعد سنة 2000

دارو الدراهم

حبّو يتبعو ناس المدينة و المتحضرين

احنا ماشي منهم

الحمد لله مازال الحُرم في عايلتي و هذا هُو المهم عندي
==========================================

في احد اعراسنا

جا ولد عمي داخل زعما مش عارف واش رايح يدخل يدير عند النسا

هو عندهم نورمال يدخل يرقص مع النسا

خويا الكبير

قاللو كلمات زينين

...طار مباشرة لدارهم

من ذاك النهار مازادش جا عندنا

[soso sirin]

المشاركة الأصلية كتبت بواسطة السي محمد

كاين عايلات


كاين لي شبعة جديدة

و نساو بلي هوما عروبية

دخلو لعين امران بعد سنة 2000

دارو الدراهم

حبّو يتبعو ناس المدينة و المتحضرين

احنا ماشي منهم

الحمد لله مازال الحُرم في عايلتي و هذا هُو المهم عندي
==========================================

في احد اعراسنا

جا ولد عمي داخل زعما مش عارف واش رايح يدخل يدير عند النسا

هو عندهم نورمال يدخل يرقص مع النسا

خويا الكبير

قاللو كلمات زينين

...طار مباشرة لدارهم

من ذاك النهار مازادش جا عندنا

والله يا خويا كون نجو نشوفو مكانش فينا الي راه وليد المدينة نيشان لانو رانا كامل عروبية مي كاين الي يبغي ينسى اصلو برك.شوف يا خويا هي والله ماجات لا في ولاد البلاد و لا العروبية هي عقليات و الي يخلي الرجال يتخلطو مع النسا و يقول انو هذا تطور انا تبانلي هاذا قمة التخلف و رايحين نرجعو للجاهلية. ربي يهدينا و الي راك تهدر عليهم والله مساكين ربي عطالهم الدراهم نساو رواحهم

[بنت الحاج]

السلام عليكم ورحمة الله وبركاته
إن شاء الله راكي بخير أختي سيرين
أنا نقولك العرس ماكاش في القاموس تاع حياتي، من زمان أقل شيء 10 سنوات ، وبسبب هاذ الظاهرة اللي حكيتي عليها كنت ما نقلعش الحجاب حتى ونكون غير مع النساء، الله غالب ما نضمنش تصرا غلطة يدخل واحد، خاصة العرس ماشي تاعنا.
الحمد لله مانحضر عرس ما يوجعني قلبي، راني غاية كيما راني.
هاكة ما كان إختلاط.
تحياتي أختي

[bibicha]

الصراحة اختي انا علاجال هاد التمسخير و الله ما درت عرس لا في لا صال و لا فالدار درت قهوة لنساء برك ماكاش اختلاط و نضن انو كاين اشخاص لازم يقراو احكام الزواج واش مباح و واش محرم psq راهم طاg على من طاg