على هادي مجبتش باكي .. ومتغلطوش كيما انا

Mr.Saddam · 2012-09-21, 23:14

السلام عليكم خاوتي واشراكم صافا ؟
الوغ كيما باين في العنوان انا مجبتش الباك نتاعي العام اللي فات علوم تجريبية و الحمد لله كي مجبتوش
راح نهدرم معاكم بعقلية طلاب التارمينال نكامل نعرفو العقلية و سيرتو الذكورة ديما يجيهم الهبال و يحرقو السوايع و
ديرو في بالكم ظرك اغلب الذكورة راح يقلك الصح في الباك
يا جماعة انا العام اللي فات بديت عامي بالقراية النهار الاول بديت نوض على 4 نتع الصباح كنت خايف من الباك و من الصغر خلعوني بيه الوغ ماجا يلحص نص العام كرهتو و تعبت بزااااااف بدات الدروس تتراكم بالشوي و وليت روتار و الدروس وليت الروتار و اللي هردني هو الفيسبوك و التويتر
مالا يا جماعة متزيروش بزاف حتان تكرهو القراية و تتعقدو و متطلقوهاش حتان تجياحو و تنساو الباك اقراو نص نص
وقت القراية قراية وقت اللعب اللعب
تحضرو قع الحصص و اقراو وحدكم خاشي اذا قريتو مع الجماعة تكثر الهدرة و تولي الجمايع و القصرةمالا اقراو وحدكم و وقت المراجعة راجعو مع جماعة
ارقدووووووووووووووووووووو و متسهروش بزاااااااف مي نوضو بكري
صلاة الفجر ثم صلاة الفجر
ادعو ربي و ركزوووووو
سقسووووووووووووووووووووووو اي حاجة متفهموهاش و متخلوش الاشكال يبقى معاكم خاشي كل الدروس متسلسلة
ديرو ليكور و حلو التمارين قد ما تقدروو
و ان شاء الله نجيبوه السنا

Al-Wassim · 2012-09-22, 08:50

ربي ينجحك ان شاء الله
بارك الله فيك .

amine 2012 · 2012-09-22, 10:39

أنا قريت براحة
كنت ادير الفوضى في القسم و شبعت التزرطانيات
العربية ما قريتهاش خلاص مع الاستاد
الفرنسية والانجليزية 000
الرياضيات 000
و زيد كنت متوقع من الاساتدة اللي يقريوني بلي أنا ما نديش الباك
المهم انا تمتع بعامي و الحمد لله نجحت و فاجأت الجميع خاصة أستاد الفرنسية لي قالي : كيفاه يرحم باباك أنت أديت الباك مي و الله صحيت
وزيد المعدلات تاعي كانت : ثلاثي 1: 7 و الثاني 6 و الثالث ما قريتوش كامل و لو دقيقة و جبت في الباك بلون 5
و الحمد لله ركزت في الدار و عشت متمتع في حياتي الدراسية و كنت دائما في المقهي
و عمري لا دخلت على الثامنة للقسم دايما على العاشرة وبدون ورقة الدخول و مبعد ييجي المراقب يزعطني و مع شويا كلام و شويا دبزا نجيب الورقة تاع الدخول و ادخل بكل روح رياضية و عمري لا خرجت على الربعا دايما على التلاتة و لا الساعتين و كاين و حد النهارات نريح النهار كامل في القهوة مع لجماعة لا واجبات لا مشاركة لا كتابة للدروس خاصة الرياضيات و الانجليزية و زيد العربية ما قريتهاش لا سبور لا والوا ولكن الدكاء هو الدي يصنع الفارق
أنا كي نقلكم هكدا ما تقولوش راه في قمة الجياحة لكن عندما أضع رأسي على القراية واحد ما يحكمني
و لجماعة تاع لبنات كانوا مساكن يدخلوا على 8 و يخرجوا على 4 و يشاركوا و يحلوا التمارين و يقراو ليكور و يقرااااااااااااو الساعتين تاع العربية و الساعتين تاع الفلسفة {{ بسبابهم هربت من الدراسة }} و لكن ما نجحوش لأنهم كانوا يخدعوا أرواحهم و يلعبوها قاريين و جات فيهم

kako.koko · 2012-09-22, 13:08

اقتباس:

المشاركة الأصلية كتبت بواسطة mr.saddam

السلام عليكم خاوتي واشراكم صافا ؟
الوغ كيما باين في العنوان انا مجبتش الباك نتاعي العام اللي فات علوم تجريبية و الحمد لله كي مجبتوش
راح نهدرم معاكم بعقلية طلاب التارمينال نكامل نعرفو العقلية و سيرتو الذكورة ديما يجيهم الهبال و يحرقو السوايع و
ديرو في بالكم ظرك اغلب الذكورة راح يقلك الصح في الباك
يا جماعة انا العام اللي فات بديت عامي بالقراية النهار الاول بديت نوض على 4 نتع الصباح كنت خايف من الباك و من الصغر خلعوني بيه الوغ ماجا يلحص نص العام كرهتو و تعبت بزااااااف بدات الدروس تتراكم بالشوي و وليت روتار و الدروس وليت الروتار و اللي هردني هو الفيسبوك و التويتر
مالا يا جماعة متزيروش بزاف حتان تكرهو القراية و تتعقدو و متطلقوهاش حتان تجياحو و تنساو الباك اقراو نص نص
وقت القراية قراية وقت اللعب اللعب
تحضرو قع الحصص و اقراو وحدكم خاشي اذا قريتو مع الجماعة تكثر الهدرة و تولي الجمايع و القصرةمالا اقراو وحدكم و وقت المراجعة راجعو مع جماعة
ارقدووووووووووووووووووووو و متسهروش بزاااااااف مي نوضو بكري
صلاة الفجر ثم صلاة الفجر
ادعو ربي و ركزوووووو
سقسووووووووووووووووووووووو اي حاجة متفهموهاش و متخلوش الاشكال يبقى معاكم خاشي كل الدروس متسلسلة
ديرو ليكور و حلو التمارين قد ما تقدروون
و ان شاء الله نجيبوه السنا

والله بصحتك اديته مي اناصراحة ما ننصحش ان يكون عام كامل يروح هكاك في المقاهي حتى لكان نجحت خاطر مش الهدف تاعي النجاح الهدف تاعي النجاح مع معدل مممتاز وان شاء الله ربي يوفقني ونتحصل عليه

ايمان1994 · 2012-09-22, 14:34

شكرا لك اختي بصح الزاحد لازم يحضر روحو من اليوم الاول خيسر باش يوالف

يقرا غير بشويا ومايقلقش روحو

وانشاء الله ننجحو كامل يا رب

MK**bac2013 · 2012-09-22, 19:58

ان شاء الله ننجحوا كامل يااااااااااااا رب وفقنا

c hergui · 2012-09-22, 23:33

سلام عليكم
بخصوص البكالوريا انا محضرتلوش كيما يلزم يعني فلبدية مكنتش نريفيزي حتي مع التوالي باه بديت نحضرلو
بالساعات الاضافية و حل التمارين و الحوليات الى غيره.......
و لكن الحمد لله انا جبت الباك2012 تاعي بمعدل 14.85 من شعبة تقني رياضي هندسة كهربائية
و لكل طريقته

كما نتمنى النجاح في البكالوريا 2013 لجميع الطلبة
و شكرااا

المساندة للقضية · 2012-09-22, 23:55

السلام عليكم
الواحد ملازمش يديها دايما قراية بصح هذا ميعنيش نلعب ونهرب
كل ساعة مع الاستاذ بحقها حتى لكان صامط وميعرفش يقري ونكرهه لازم نركز معاه ونسقسيه حتى نفهم
ووقت اللعب لعب حاجة بايينة بين السوايع لازم الراحة
والقراية لازم تكون لكل واحد وحده غيل في الحاجات الصاعبين تدخل جماعة كامل باه يفهم بعضهم
احنا في كلاصتي درناها فترةة مي حبسنا
ولفاهم لازم يفهم الحابس أولا باه يعاونه ويدي أجره وثانيا هو مراه خاسر والو الي يقريه له غاد هو لكان غيل فاهمه غاد يزيد يحفظه
ونتمنى النجاح للكل هذا العام

zineb.alg · 2012-09-23, 12:38

شكراااااااااااااا

ربي ينجحناا كامليييييين

Soft-algerie · 2012-09-23, 13:06

اقتباس:

المشاركة الأصلية كتبت بواسطة المساندة للقضية

السلام عليكم
الواحد ملازمش يديها دايما قراية بصح هذا ميعنيش نلعب ونهرب
كل ساعة مع الاستاذ بحقها حتى لكان صامط وميعرفش يقري ونكرهه لازم نركز معاه ونسقسيه حتى نفهم
ووقت اللعب لعب حاجة بايينة بين السوايع لازم الراحة
والقراية لازم تكون لكل واحد وحده غيل في الحاجات الصاعبين تدخل جماعة كامل باه يفهم بعضهم
احنا في كلاصتي درناها فترةة مي حبسنا
ولفاهم لازم يفهم الحابس أولا باه يعاونه ويدي أجره وثانيا هو مراه خاسر والو الي يقريه له غاد هو لكان غيل فاهمه غاد يزيد يحفظه
ونتمنى النجاح للكل هذا العام

أرجو أن تعطيلي الفيس بوك الخاص بك أو أي وسيلة إتصال لأنك لديك نفس تخصصي أرجوك

rimayeva · 2012-09-23, 16:35

بارك الله فيك .

همسة فرح · 2012-09-23, 20:25

صحيييييييييييح والله تحكي درر ربي يحفظك