هاكو الوز الإيطالي

[woosook]

االسلام عليكم ورحمة الله وبركاته

روز ميلانيزي
Risotto milnese
Ris milanais

هذا الرز مشهور في مدينة ميلانو الإيطالية العريقة. تحضيرو سهل جدا وما يطلب غير نص ساعة بالأكثر.
المكونات :
ـ 250غ رز من نوع paraboiled الأصفر اللون. ماشي الأبيض
ـ 250غ لحم بقري ولا غنمي. من المستحسن البقري لأنه مافيهش الكوليستيرول بزاف.
ـ بصلة كاملة ماشي كبيرة بزاف من غير ما نقطعوها.
ـ نص بصلة مقطعة طراف صغار. ماشي مرحية.
ـ ملح
ـ دواوات مخلطين ولا كيما يسميوهم لفاحات
ـ مغرف انتاع قهوة انتاع زعفران
التحضير
المرقة :
نقليو اللحم مع الحبة انتاع البصلة في الزيت بطبيعة الحال معاهم الملح وشوية فلفل أكحل . لا ماتحبوهش تقدرو تستغنيو عليه. زيدو حطو الدووات معاهم
كي يتقلاو ملح نلوحو الماء الساخن في البرمة. إيه نسيت . كمية المرقة لازم تكن زوج مرات دوبل على الروز.
مثلا لحطيتو 250غ روز ديرو تقريبا 600سل انتاع مرقة.
نقفلو عليها ونخليو طيب مع طياب اللحم.
كي توجد المرقة نجيو عند الروز أسيدي :
الروز
تحطي الروز في مقلة فيها شوية زيت وملح عندكو تكثرو من الملح شوفو المرقة سع كيفاه مالحة. تزيدو البصلة المقصوصة طراف.
تقليو الروز حتان يبدا يحمار. عندكو تتفرجو المسلسل وتخليوه يتحرق راني وصيتكم.ههه
كي يحمار لوحي المرقى عليه من غير ما تحركي شعرة. المرقة تكون تغمر الروز مثلا قدر وزج صباع.
تقللو من النار خلاص وتخليوه يطيب بعقلو . من غير لا تحراك ولا تغطية.
كي تشوفو الوز تقريبا طاب لوحو مغرق انتاع الزعفران.أوحركو. هذا الحركة هي الأخيرة حتان ايطيب الروز. لحبيتو زيدو لوحو عليها الفرماج المرابي fromage rappé مثلا [COLOR=window****]Gruyère français AOC[/COLOR]
هاكا يكون الطبق انتاع الروز الميلانيزي طاب
تاكلو بالصحة والهنا انشاء الله
ولأي تفسيرات اتصلو بنا.

[النيلية]

[align=center]السلام عليكم

بارك الله فيك علي الموضوع والمشاركة ونتمني الا تكون اخر مشاركة


من فضلك هل يمكن كتابة الوصفة باللغة العربية الفصحي ؟[/align]

[woosook]

والله ياريت أنا راني نستعين بصحابي أينعتولي العربية. أسمحولي والله تعبيري عارف أنه رديء. لكن أعدكم بأن أبذل مجهودا في فعل ذلك. بارك الله فيكي أختي.

[djazyaa]

يعطيك الصحة و عجبتنى نتاع عنكم تفرجو فى المسلسل لا خاطر ديما نطيب الاكلة و نروح نتفرج

[عوني محمد الهادي]

شكرا woosok و الحاجه راهي حليفتي ربي اخليهالي وتاكل الرز ولا واش بغات راني هنا ههههههه

[djazyaa]

ربى يخليك يا عونى غدا رانى رايحة نجرب الوصفة نبعثلك تدوق الماكلة نتاعى بصح ما تحشمنيش قلى راك حاب تسمان و لا لا باش نعرف واش ندير لحم غنمى و لا بقرى

[أحلام 1234]

شكرا على الوصفة الذيذة ، أنا نحضر هذا الطبق عادة بطريقة عكسية : يعني نطبخ الروز في الماء والملح و.....ثم نقليه بالثوم والطمام معجون وحب ، وإذا كان عندي اللحم نقليه وننضيفوا للخليط

[g.ali145]

مشكوووووووووووووووووووور

[عهد الله]

شكرااااااااااااااااااا