كيف تتصرفى مع ابنك او ابنتك

le chameau · 2012-09-25, 19:46

بعد تجربثي مع اولادى فى الصغر عندما كانو يغلطو استفدت كثير و اريد ان شاء الله ان افيدكم خاصة واش رانى نشوف هذه الاعوام كيفاش بعض الوالدين يربو اولادهم يالله كول واحد تقولنا كيفاش راها دير مع ابنها اذا غلط و بعد ذلك نقولكم كيفاش ربيت اولادى و الحمد لله

kany · 2012-09-25, 21:26

كى يغلط واحد فيهم نحرموه من الحاجة الي يحبها او حاجة وعدناه بيها او يحبس في غرفة مدة من الوقت والله غير يعود يتوسل ما يعاود ثم تاتي مرحلة الكلام واحيانا الضرب وساعات تقول نقتلهم ونتهنا

bilel9044 · 2012-09-26, 08:16

اولادى يهبلونى لكن نتكلم معاهم في الاول ونحسب لهم ادا جاوز الحد نظربهم وفي بعض الاحيان نجيبهم بسياسة وننه الامر لو غير ربي يحفظهم ان شاء الله

الجزائرية المحبوبة · 2012-09-26, 08:28

انا اولادي2 اوليين الحمدلله تربية انتاعهم جات ساهلة بكلام يفهموا

و2لتحتهم شوية صعوبات من ناحية صحتهم وعقليتهم طريقة لى اتبعتها هي اننى مانكلمهمش ونخليهم يسمطوا حتى يكرهوا ثم اذا ما لقاوا حتى اهتمام راهم ينحوا سيرتهم

ربي يحفظهم ويحفظ جميع اولاد المسلمين

بنت الباهية · 2012-09-26, 10:14

كل مرة كيفاش على حساب حجم الخطأ
ولفت اولادي الحوار و نتكلم معاهم ملي يكونوا صغار هاد الجيل الله يبارك يفهم كل شيئ
ممكن نحرمهم من الأشياء لي يحبوها و اذا كانوا عاقلين و مطيعين أكافؤهم و أمدحهم
الحاجة المهمة في هذا انك تكوني انت و زوجك متفاهمين و تكونوا على كلمة وحدة
و دائما ادعو الله ان يعينني في تربية اولادي

أم اسيل · 2012-09-26, 15:28

عندي زوج اولاد الطفل الكبير يفهم غير بالكلام و الطفلة تهبلني كل النهار حتى نضربها باه تسكت

نسيبة2012 · 2012-09-28, 17:16

انا عندي ولد ربي يصونو و يحفظو لي بصح راسو خشيييييييييييييييييييييييييييييييييين يفهم غير بالعكس كي نقولو ارواح يهرب و كي نقولو روح يجيني يجري وهكذا في كل شيء يمشي بالعكس انا هبلت لكن كل يوم يدي طريحة (ضربة يعني) او اكثر ..... اللي تقدر تفيدني انا ممنتة لها .......

لكن صاحبة الموضوع كتباتو وهربت .......ما نعرف علاش؟؟؟؟

le chameau · 2012-09-29, 21:32

رانى هنا اختى ما هربتش كل يوم نقرا رد فعلكم يوم او يومين بالكثير 4 ايام عندى ظرف عاجل سلام

le chameau · 2012-09-30, 20:33

نبداو من الطفل الصغير كى يبدا يحبو و الا يمشى و يبدا يمسلك الاشياء لفى la coiffeuseانا ربيتهم اضع كل شىء امامهم اقسم بالله ما يمسو حاجة كى يمس ابنك شئاحكمى الابرة لى نخيطو بها بلا ما يشوفك قوليلو احا و نفزه خفيفة اذا استلزم الامر عودى معه حتى يخاف و الله ما يعاود اتا فى الصغر اولادى ربيتهم هكذا المرة الجاية نخبركم عناولادى فى السن ربع و ما فوق اتمنى تجربوها ووداعا للمس معذرة عن الاخطاء لاننى لا مفرنسة

وفاء سعاد · 2012-10-01, 10:58

اقتباس:

المشاركة الأصلية كتبت بواسطة le chameau

نبداو من الطفل الصغير كى يبدا يحبو و الا يمشى و يبدا يمسلك الاشياء لفى la coiffeuseانا ربيتهم اضع كل شىء امامهم اقسم بالله ما يمسو حاجة كى يمس ابنك شئاحكمى الابرة لى نخيطو بها بلا ما يشوفك قوليلو احا و نفزه خفيفة اذا استلزم الامر عودى معه حتى يخاف و الله ما يعاود اتا فى الصغر اولادى ربيتهم هكذا المرة الجاية نخبركم عناولادى فى السن ربع و ما فوق اتمنى تجربوها ووداعا للمس معذرة عن الاخطاء لاننى لا مفرنسة

بارك الله فيك والله موضوع رائع اتمنى ان تفيدينا بخبرتك الناجحة واضن المراة العاملة يحترمونها اولادها اكثر لانها لا تجلس معهم كتيرا عكس الماكثة في البيت التي طول اليوم وهي امامهم فيتعودون عليها ويصبحون لا يهابونها كتيرا وهي تمل بسرعة وتتركهم احيانا يفعلون مايريدون المهم يتركونها بسلام

موسى2207 · 2012-10-02, 13:30

بالفعل كلامك يا وفاء في محله نزيد على هدرتك المراة في الدار كل ما يروحوا من القرايةاولادهايهبطوا كلشي والعاملة دارها مقفولة كيما تخليها الصباح تلقاها العشية
انا ربيت بناتي على الحوار ونفهمم بالعقل ذرك فهموا وصلوا سن المراهقة عادت السياسة ماتجيبش معاهم في الويكاند نطلب منهم ينظموا الغرفة نتاعهم ويغسلوا الماعن هذا مكان لكن لا تنفذ الطلبات الا بعد تكرار الامر عشر مرات او يترك للغد

le chameau · 2012-10-02, 14:59

و الله يا اخواتى راكم غالطين المراة العاملة كيفاش كيما تخليها فى الصباح تلقاها تقصدو نظيفة بالعكس و علاش مترجعش على12 و تعود تروح للعمل و الله اذا ما تكونش واقفة وراهم غير تلقى كل شئ مقلب انا مثلا عمرى ما تفرش فراشات ولادى سوى الذكور او الاناث هما لى يفرشوهم انا عودتهم منذو الصغر و بيتهم ينظفوها واحدهم فقط يوم الخميس او السبت نذيرle grand menageو نقيها لان انا عندى يوم الجمعة عباده فى المسجد المهم لازم يتعلمو منذو الصغر يعانوكم

حياتي نبع امل · 2012-10-02, 15:16

انا ولادى مهبلينى حتى الناس ولاو يقولولى راكى كيما الفام دو ميناج دايما حاكمة النشاف حشاكم وتجرى اضربيهم ولا احبسيهم مى انا مانقدرش نساعفهم بالسيف عليا ودرك يكبرو وكلش يخلاص ربي يحفضهم

ميمي مانو · 2012-10-02, 15:56

اقتباس:

المشاركة الأصلية كتبت بواسطة حيهتى كلها امل

انا ولادى مهبلينى حتى الناس ولاو يقولولى راكى كيما الفام دو ميناج دايما حاكمة النشاف حشاكم وتجرى اضربيهم ولا احبسيهم مى انا مانقدرش نساعفهم بالسيف عليا ودرك يكبرو وكلش يخلاص ربي يحفضهم

سلام اختي على حسب تجارب من عائلتنا والاصدقاء تلقاي الام لي معودة ولادها هي تخدم كلش وحتى كي يغلطو ماتلومهمش وتعاود نفس الخدمة تلقايا ولادها مايهمهش يقولو مدام كاين لي ينضف خلي نديرو راينا وطول ما الام ماتشكيش منهم يحسبو بلي راهم على الطريق الصواب
وفوق هذا كل يتعلمو الكسل والمفروض انهم يتعلمو يتحملو المسؤولية
سلام تقبلو مروري

le chameau · 2012-10-02, 15:32

شوفى اختي شوى شوى لازم عليك تعلميهم يتكلو على ارواحم هذى هى الدنيا و مانش عارفين واش راها مخبيتلنا ربي يحفظلك ولادك ان شاء الله