نفس خبيثة

[مشكلتي]

سلام
انا راني بنت في سن الزواج ذرك الماضي تاعي كان سيء كنت نحب نحكي مع التلاميد اللي يقراو معايا ونقصر ونضحك معاهم وكانت لي علاقة حب انتهت من حيث بدات والشيء الاخر انو كان عندي صديقين من نفس مدينتي نحكي معاهم عبر الفاسبوك والهاتف ايضا بدون هدف واضح راه صديقي وخلاص كي يكون قلبي معمر نحكيلهم وعلى مدة عامين تقريبا واللباس تاعي كان متبرج وماكياج وحالات اخرى
المهم حبيت نغير نفسي للاحسن وتخليت على الصداقات والمحادثات تبت عن ذنبي ومزال راني نتوب ونعاود والناس بالكل شهدتلي بحسن السيرة مؤخرا حتى في الماضي مكانوش يحكو عني بالشينة ومهمنيش في كلامهم على كل حال زدت درت حجاب شرعي والتزمت بصلاتي وبالقرآن .لكن كل مانتفكر الماضي نبدا غير نتحسر ونندم ونقول انا نفسي خبيثة ومايجيني الا الخبيث والمشكلة في انو اللي خطبوني كامل متدينين على واقع ومكانش بنت متتمناش واحد بكيف هدو
من بعد يراودني الشك نقول بلاك هوما راهم غير مظهر برك لاني خلاص مديت على نفسي بلي منيش طيبة
والخبيثات للخبيثين والطيبات للطيبين
راه هبلني هدا الوسواس حبيت نعرف التفكير تاعي وين هيوصلني + حابة نبني حياتي على اساس الدين وادعولي ربي يعطيني ع حساب مراني ناوية