كرهت حياتي

مشكلتي · 2012-09-19, 14:08

السلام عليكم إخواني أخواتي
أعلم أنكم ستقولون أن الزواج مكتوب واللي كاتبوا ربي يجي
ولكن كرهت صراحة كرهت
من عيون الناس ونظراتهم
من نظرات إخوتي واحتقارهم لي لأنني الوحيدة في عائلتي الباقية بدون زواج
من همسات زوجات إخوتي علي وضحكهم علي
من كل شيء
أصبحت لا أذهب إلى الأعراس لأن التي ستتزوج أصغر مني بعشر سنوات أو أكثر
عائلتي كرهوا مني وخصوصا أبي لأنه كان يدعمني عندما كنت صغيرة وكنت أريد المشاركة في المسابقات
أما الآن أقول له أريد الذهاب للمشاركة في المسابقة الفلانية يقولي : هني روحك رانا كرهنا منك
هل أنا السبب في عنوستي؟ وهل أنا السبب في عدم حصولي على منصب عمل قار؟
كرهت كرهت
أرجوكم ساعدوني أرجوكم
ماذا أفعل ؟

انا حبة سكر · 2012-09-19, 17:24

الزواج مكتوب ونعرفوش خيرمن ربي الى شافو ربي حنا مشفناهش
ربي يجيبلك القسم اختي
بصح الخدمة الله غالب رانا كامل نشاركو وعلبالنا فالنتيجة قبل ما تخرج
ربي يجيب الفرج من عندو

لؤلؤة الرحمان · 2012-09-19, 17:45

اختي الحبيبة ان مسألة بقائك الى هذا العمر دون زواج لايعني نهاية الحياة

لا ترهقي نفسك بتفكير ولا تجعلي الزواج اكبر همك ولاتمزقي قلبك بيدك والحمدلله انتي تؤمنين بأن كل شئ بيد الله فذالك كاف لنزع كل الافكار السلبية التي تجول بداخلك

اختي الحبيبة توكلي على الله فهو حسبك قال تعالى "ومن يتوكل على الله فهو حسبه إن الله بالغ أمره قد جعل الله لكل شيء قدراً" [الطلاق:3].

لا تيأسي ولا تقنطي فالله الله بدعاء فهو مفتاحك بأذن الله

ولعل في تأخرك في الزواج حكمة لايعلمها الا الله قال تعالى: "وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون" [البقرة:216‏].

انصحك اختي

بالدعاء خاصة في اوقات الاستجابة كقيام الليل حتى ولو بركعتين

الاستغفار الاستغفار انصحك به اكبر عدد تقدرين عليه فعليك به فهو مفتاح الرزق عليك به

قراءة سورة البقرة فوالله لو علمتي مافيها ماتركتيها طوال حياتك داومي عليها وسترين بعينك العجائب

تذكري قوله تعالى: "إن مع العسر يسرا" [الشرح:6]، ولظلام الليل فجرا، وما من شدة إلا ولها رخاء، فعليك بالاجتهاد والجد مع عدم القلق فيما سيأتي في الغد.

وأسال الله ان يرزقك ماتتمنين عاجلا غير اجلا ويسعدك في الدارين

الحطاب سهام · 2012-09-19, 17:55

اختي هكا راكي تدخلي في مكتوب ربي ربي ماكتبلكشتزوجي لانو بلاك كون تزوجتي كون ذكا راكي مغبونة او طلقتي او...او...
ربي مايعمل غير لمليحة اختي امالا نعطيك وحد الوصفة كون تواضبي عليها راكي ترتاحي الوصفة هي الدعاء والصلاة في جوق اليل صدقيني هاذوا السر في الراحة واختي اذا ربي ماجابلكش خدمة في مجال تخصصك انا تاخذي برايي ديري تكوين مثلا في صناعة الحلوى او في الخياطة وبدلي الحرفة هكا تولي تخدمي وترتاحي من هدرة الدار وصدقيني اصبري ذكا يجي مكتوبك وتفرحي اشغلي روحك برك ماتقعديش ترجعي لقلبك احسن ماتزيدي تخصري صحتك لا قدر الله

redonne · 2012-09-19, 19:21

"وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون"

ولد حمد الباتني · 2012-09-19, 20:38

اختي الكريمة مادامك مقتنعة بلي الزواج مكتوب ان شاء الله راح تصبري ...

aiche · 2012-09-19, 21:06

أسأل الله العلي القدير أن يرزقك من حيث لا تحتسبين
أميييين يا ربّ العالمين

yasmina31 · 2012-09-19, 21:18

ما تقلقيش روحك بزاف أختي كي الزواج كي الخدمة مكتوب من عند ربي سبحانو ان شاء الله ربي يرزقك بيهم لزوج و يفرحك عاجلا غير آجل حاولي تكوني ايجابية و تستغلي حياتك مليح

fifiarch · 2012-09-19, 22:29

ربي يكون في عونك اختي
ماتقنطيش من رحمة ربي وحاولي تتعايشي مع الواقع نتاعك
وان شاء الله قريبا تفرج عليك

مناد بوفلجة · 2012-09-20, 04:50

ربي يفرج عليك ، إن شاء الله

لا تنسي دعاء الليل

lilou f lilou a · 2012-09-20, 08:44

ربي يفرج عليك ، إن شاء الله

لا تنسي دعاء الليل

سيهام · 2012-09-20, 11:55

اختي، ديري حاجة وحدة في بالك
انتي مخلوق عزيز عند ربي سبحانو
كرمك على كل مخلوقاتو
فيك نفخة من روحو سبحانو
اختاه ما تقنطيش من رحمتو
غير الكافر لي يقنط
و انتي ما شاء الله عليك مومنة و صابرة و محتسبة
و راكي قارية ما شاء الله
ما تقرايش النقص في روحك
و الله الزواج ما راهو مشكل
هو قدر و مكتوب و ادا ربي سبحانو حب يرزقك يقولو كن فيكون
امالا علاش راكي تقنطي في روحك
اختي انساي امر الزواج
قولي كي يحب ربي يرزقني يعرف سبحانو و ين راني و حاجة ما تشد رزقك
ان شاء الله ان شاء الله ربي يعطيك واش تتمناي و اكثر
و ما تنسايش لي خلق ما يضيع
النملة من اضعف مخلوقاتو و يرزقها و ما ينساهاش و انتي ما يرزقكش????
ادعي بقلب موقن بالاجابة
سلام

Golden Princess · 2012-09-20, 12:12

الله يفرج همك و يرزقك الزوج الصالح

~~غليزاني 26 سنة~~ · 2012-09-20, 12:13

ان شاء الله ربي يفرج عليك

abdel02 · 2012-09-20, 12:25

لو أطلع عباد الله على الغيب لشكروا لله ماداموا أحياءا.