مشروع ربحي !! وفرصه لا تعوض للجميع !!

غيور القحطاني · 2012-09-15, 20:47

أصغر وأعظم مشروع ربحي ميسر تسويه وأنت في بيتك

أبدأ معكم في طرح فكرة ( أصغر وأعظم مشروع ربحي تسويه وأنت في بيتك)
المثال بالأسفل

طلبات المشروع
علبة صندوق ( أوعلبه كرتون فاضيه ) +( شطرطون ) +( قلم )

نأخذ الصندوق أوعلبة الكرتون ، وتغلفه بالشطرطون ، وتفتح فيه فتحه صغيره (مدخل للفلوس) وتكتب على الصندوق
(صندوق الصدقة الجارية)
هذا هو المشروع وسلامتكم

وتذكر انك راح تُسِن سُنه حسنه في البيت لك ولأهلك وللي بجي من بعدك ،،،تذكر أنها حسنات جاريه لك بإذن الله ،وكذا تعلمت وعلمت حب الخير والتعاون والادخار وكسبت الحسنات الجارية،هو مشروع صغيروسهل جداً جداً بس عند الله عظيم .

ويصير إلي في البيت من كبار وصغار وأطفال يحطوا في هذا الصندوق < ريال ريالين اقل أكثر إلي يجي > ونهاية كل ستة شهور أو سنه أو أي وقت يناسبكم ، نجي نفك الصندوق ، ونتصدق بالي فيه ، حتى لو ما حصلنا إلا القليل
( قليل دائم خير من كثير منقطع ) + ( اتقوا النار ولو بشق تمرة )

وهذه بعض من فضائل الصدقة
أولاً: أنها تطفىء غضب الله سبحانه.
ثانياً: أنها تمحو الخطيئة.
ثالثاً: أنها وقاية من النار.
رابعاً : أن المتصدق في ظل صدقته يوم القيامة.
خامساً: أن في الصدقة دواء للأمراض البدنية والقلبية.
وكثير كثير من فضائل الصدقة بس مابي أطول عليكم.

والحين بعد ما قراتوا موضوعي وعرفتوا بعض فضائل الصدقة الجارية ،احد يعجز انه يجيب صندوق مرمي عنده في البيت ويسوي الأجر العظيم هذا لنفسه ولأهله ولبيته ،،، أنا واثق إن أي احد راح يقرا موضوعي راح يسوي المشروع ! تدرون ليش ؟ لأنكم تخافون الله ولأنكم تبون إلي يونسكم في قبوركم.وتبون حسنات جاريه تدخلكم جنة عرضها السموات والأرض.وتبون عمل صالح ماينقطع تشوفونه وانتوا في قبوركم بإذن الله.

قال صلى الله عليه وسلم [ إذا مات الإنسان انقطع عمله إلا من ثلاث: صدقة جارية، أو علم ينتفع به، أو ولد صالح يدعو له ]رواه مسلم

وكل من يسوي هذا المشروع أو ينقل الفكرة إلى أيميل أو منتدى أو صديق أو قريب ، أدعو له وأقول:
( الله يدخله الفردوس الأعلى من الجنة بغير حساب ولا عقاب ياحي ياقيوم )

وأبي اقلكم أن الفكرة تنفعنا في حال حياتنا أو بعد موتنا إذا قمنا بالسعي لتنفيذها أو نشرها.أو من يقرأها غيرنا ويقوم بتنفيذها .

لا تقف الرسالة عندك.أرسلها لغيرك فيمكن شخص بسببك يسوي العمل هذا وتكسب أنت حسنات جارية
فالدال على الخير كفاعله.

على فكره أنواع الصدقات الجارية كثيرة جدا وأكيد انتوا تعرفونها ربي يسعدكم حطوا فلوسكم في المكان المناسب فديتكم ، أكرر في مكانها المناسب ولمن يستحقها يالغالين.

إذا لم تكن لك صدقه جارية بعد مماتك*فاحرص ألا يكون لك ذنب جاري بعد مماتك