الخيانة والخداع اصبحتا اساس العلاقات في عصرنا ام ماذا ؟

[soha1987]

السلام عليكم

اذهلني ما وصلنا اليه في تعاملانتا في عصرنا هذا الذي اصبحت فيه الخيانة والخداع شيئ عادي فتجد الزوج يخون زوجته او العكس والصديق يخون صديقه وحتى الاخوة واصبحا شيئا مريبا يهدد علاقاتنا الاجتماعية ولااحد يحس بالجرم الذي اقترفه كان الامر عادي وطبيعي
فكم من واحد منا عانى من خيانة وخداع صديق ومن منا لم يجرحه ويطعنه في ظهره احباب واصدقاء كنا نظن انهم اوفياء ومخلصين لكن هم اشباه احباب واشباه اصدقاء وكثير ا مايتبادر الى ذهني ان المغفل هو من يطعن في الظهر يعني النية بزاف هي السبب حتى يكلحوك لان الناس ذئاب وهل الخداع قفازة ام ماذا ؟
اخي اختي لو يخون احبابك او اصدقائك ثم بعد مدة يعود ون لتسامحهم هل تسامحهم وتعود الامور الى ماكانت عليه ؟
ام نطبق قول الحديث النبوي (المؤمن لايلدغ من الجحر مرتين)
ننتظر ردودكم احبائي

[اوراق الياسمين]

اختاه اكيد انك عشتي تجربة الخيانة من طرف شخص عزيز لكني اؤكد لك انه لازال هنالك الاوفياء والمخلصون المهم ان لا تثقي في اي كان حتى تجربينه مرارا

[soha1987]

لا ياختي ماتفهمنيش بالمقلوب انا راني نهدر بصفة عامة هادا هو الواقع ولي ديري فيها كونفيونس تلعبهالك وطعنك فظهر ومن بعد تولي نورمال هادي لي حرت فيها والله حرت فهاد لعباد ويحبو يرجعو كي بكري وشكرا على مرورك اختي

[منهاج]

السلام عليكم

عندك الصح ختي سهى الناس راحت واختلط الحابل بالنابل وجي تقول لحد علاه راك تخون وتخدع يقولك "قاع راهم

هكدا مشي غير انا " هادي هي العبارة المشهورة لي ديناها من بعضنا البعض

الله يهدينا ويغفر نا شكرا ختي على الموضوع

[morad81]

قد تسامح و تتنازل عن الكثير من الهفوات التي تقع بينك وبين من تخالل لكن أن يخونك و يطعنك في ظهرك ....فذاك أمر حتى وإن تناسيته فإنك تتوقف لحظة و تسترجع الامور الى أحلى لحظات عشتها معه للتتذكر أنه في تلك اللحظة لم يكن صادقا معك.........فتتحصر على صديق خانك وقت الرخاء فكيف به وقت الضيق.

[soso sirin]

اكره حاجة عندي يا اختي سهى هي الخيانة و الخدع الله غالب مانبغيهمش و انا من الناس الي نمد في الحبل لاي واحد و حتا نكذب روحي اذا كنت نعزو بزاف مي اذا خاني مانقدرش نسامح الله غالب انا نبغي واحد اذا قلقتو يجي يقولهالي في وجهي و حتا و يقولي راني نكرهك والله صح تضرني مي والله الا نفرح لانو قالهالي ماراحش قالها لوخدخر و الصح الصح الهدرة في الظهر انا ضرتني بزاف بزاف علا هكا وليت الحاجة كيما تعجبنيش نقولها نيشان في الوجه مع انو كنت انسانة مسالمة و نسمح في حقي مي مع الضربات الي ديتهم في قل من عام على راسي والله وليت نكره الواحد الي يهدر في الظهر و ليت نقابح شي ناس لانو الصح يهبلو .مي نقلك حاجة يا اختي الغاشي ولى راشي ولاو يبغو النفاق و المنافق عندهم هو المليح و الي يقول الحاجة في الوجه هاذاك مايحشمش ربي يهدينا و يبعدهم علينا

[karim vovinam]

المجتمع في كارثة المهم لي يخوني وطلب سماح نسمحو مي ما نوليش كيما كنت خطش لحديد كي تعودجه و من بعد كي ترديه كيما كان موحال يولي كيما كان

[مريم الصابرة]

السلام عليكم اختي بار كالله فيه
صح كثرت المشاكل والآفات والذهنيات تغيرت عن ما سبق
والقلوب تحجرت والنوايا تغيرت الله يصلح حال الجميع
بالنسبة لسؤالك اختي سهى أسامح في امور وامور من المحال فمثلا موضوع الخيانة وليكن من يكون فلن اسامحه ابدا إلا الحيانة فبها تموت الثقة وإن ماتت الثقة فلا أساس للعلاقة اصلا مهما كان نوعها شكرا

[مـجيد]

مكان لا خيانة لا والو
حنا برك موسوسين

[حضنية28]

اكره شئ عندي الخيانة لا نك تنصدمي من الشخص اللي درتي فيه الثقة وفي الاخير يخدعك سيرتو يلاعاد الشخص مقرب ليك

[مـجيد]

مكان لا خيانة لا والو
حنا برك موسوسين