كيف يكون رد الزوجة العاملة المتحرش بها جنسيا؟؟

sengra · 2012-09-03, 00:15

السلام عليكم
كيف يكون ردكي اختي العاملة المتزوجة اذا تحرش بك جنسيا من ذكر داخل مؤسسة سواء تعليمية او ادارية؟
هل تشتكين به الى الادارة او الشرطة؟ ام تخبرين زوجك لهذا الامر؟
شكرااااااااااااااااااااا

فتـ حييةـاة · 2012-09-03, 00:55

نقدم استقالتي ::::::او بالاحرى تقدم استقالتها

اسعى لرضى الله · 2012-09-03, 01:03

منخدم منوصل روحي داري تستر عاري والرزق على يد ربي

صح كون كنا كي بكري الكبير يحترم الصغير وكانت الناس تحشم بالاك نخدم بصح دك كي تفضحت ان شاء الله منخدمش وان شاء الله متوصلش بيا نخرج نخدم ونعيش مستورة يارب

البرهوميه · 2012-09-03, 08:55

السلام عليكم انا قاعده في الدار مي لوكان يصرالي مشكل كيما هكدا مانقول عليه لحتى واحد باسكو رانا في وقت ما يرحمش تلقي المرا قاعده في دارها والباب مغلوق عليها والهدره لاحقتها وزيد في راي انو المرا الي يتحرشو بيها اكيد يكون ليها دور تلقاها وشمن لبسا وشمن روايح وشمن ماكياج وتقولولي يتحرشو بيها تستاهل

بتول8 · 2012-09-03, 14:08

ترك العمل بدون تردد
ليوم منعتي من تحرش غدوة مكاش ضمان ممكن تغتصبين لا سمح الله
هادي اشارة من الله ان الوسط الذي تعمل به قذر و ان فرضنا انها اخبرت الشرطة ما الدليل او حتى الزوج تاكدي انها سترسخ بذهنه و الرجل تاع الصح راح يرتكب جريمة و يقتل الفاعل فتضيع اسرة باكملها اذا الحقي نفسك و ضيعي الخدمة احسن من تضييع الاهم هو حياتك العائلية

الشتاء · 2012-09-03, 14:15

لن أترك العمل من أجله بل سأكون السبب في أن يترك هو عمله رغما عنه

و بطبيعة الحال سأخبر كل الذين ذكرت

نورسين.داية · 2012-09-03, 14:31

اولا : أخي دير في بالك مليح أنه حتى يكون هناك تحرش ...اكيد وجدت فرصة لدلك ...و الموظفة الرزينة لا تترك المجال لهده الفرصة

مثال على دلك ...العمل مع الرجل في نفس المكان ...و حتى لو إضطرت ...ماتحكيش معاه غير في العمل . يعني ما تقصرش معاه بكل بساطة

لا تتواجد العاملة في أماكن معزولة ....و منفردة
اما في حال كانت هناك فرصة ....انا أول حاجة نديرها هي تقرير مفصل ....حول هذا الصنف (الله لا يبليني و لا يقدر عليا يا رب ...بعيد الشر )

هذا إذا ما ضربتوش بكرسي ...او ام شابه و بهدلتوش في وسط الجمع ......................آآآآآآآآآآآآآآه الصراحة في هذه الأمور ....ما فيهاش اللعب .............

soha1987 · 2012-09-03, 14:45

صح كاين في وقتنا مي نقولك لما تكون البنت واعرة وعندها شخصية الرجال راح يهابوها والله مايقرب ليها ولازم البنت ماتكثرش الهدرة مع الرجال وانا نظن البنت لما تكون مغفلة هي التي يسرالها هاد النوع من المشاكل وعلى كل بنت لازم تتخذ الاجراءات ضد هاد النوع من الرجال هاكا باش يترباو ومالازمش تسكت والقانو ن في صفها وهادي لازم تعرفها وهدرة الناس ماعندها مادير بيها

biologie2001 · 2012-09-03, 15:10

في رايي انها ان كانت لابسة لباس يليق بامراة مسلمة و فارضة احترامها و عندها حدود في المعاملة مع الجميع لن يتجرأ احد على التحرش بها و لن تحتاج بدلك لا الى الاستقالة و لا الى الشكوى لا للشرطة و لا للادارة

imi02i · 2012-09-04, 07:44

السلام عليكم
تبطل الخدمـة وتقعد في الدار
هذا الحل الصحيح

نيل المنى · 2012-09-04, 09:10

ما نبطل ما نتنازل....يخلصها غالية دون شرطة ...و لا سبب يجعلني أخفي الموضوع عن الزوج لأنه لو سمع من غيري فثمة تكون الطامة الكبرى.
و على العموم الموظفة التي تعرف قدر نفسها لا تسمح لأحد أن يتجاوز حدوده معها...و مع ذلك فهناك من الرجال من لا يختلف عن الكلاب الظالة -حاشا اللي ما يستاهلش-
و الصح ينقال الكثير من الموظفات من يتحرش بالرجال بلبسهن و أسلوبهن و ماكياجهن و ان نظر تقولك:فلان وليد حرام و ما يحشمش و نسيت أنها هي من تحرش به أصلاو البادئ أظلم.
اللهم استر بنات المسلمين حتى ينصلح حال الرجال المسلمين،اللهم أمين.

sengra · 2012-09-06, 02:29

السلام عليكم
في رأي يجب المطالبة بوضع قانون يجرم التحرش الجنسي مع التخفيف في الاثبات . من كلا الجانبين الرجل تجاه المرأة و المرأة تجاه الرجل
و أرى ان المراة لا تستطيع اخبار زوجها لانها تخاف من فقد العمل و من زرع الشكوك لدى زوجها
شكرااااااااااااااا

redonne · 2012-09-06, 03:07

تبهدلو تكشفو قدام كل الناس باش يتربى مالقري لي يديروها راهم موالفين بالتبهديل

lidouch · 2012-09-06, 06:01

نظن تحكم دارها خيرلهااااااااااااااااااااااااااا

يونس معبدي · 2012-09-06, 09:48

كامل درتو الحق في المرأة
راه كاين اللي ارملة وخارجة تخدم على اولادها وكاين اللي تخدم على والديها و ..
علاش ما يكون هناك قانون يقضي بفصل الرجل المتحرش عن العمل نهائيا
وزيد وقتاش يتربى هؤلاء الرجال ؟
ربي يقدر الخير