يا حسرااااااه على رجال زمان...ويا حسرتاه على رجال اليوم...

~ام ~م~خ~أ~ · 2012-09-07, 09:33

‎السلام عليكم...‏
اليوم حبيت ندير مقارنة بين رجال زمان ورجال اليوم،وتبقى هذه وجهة نظري هناك من رايح يوافقني،وهناك من رايح يشوف أني على خطأ وهناك من رايح يوافقني في أشياء ويخالفني في أشياء أخرى،والسبب لي خلاني ندير هذه المقارنة هو ما نراه من نساء وبنات المسلمين وبعيد عن قول(هاذي ماتخافش ربي!!؟؟...هاذي ماسمعتش بالحجاب!!؟؟...هاذي ماتعرفش واش راه يقول الدين!!؟؟...)هناك أيضا كلمة نرددها وهي ‏‎هاذي ماعندهاش باباها!؟...ماعندهاش خوها!؟...ماكانش رجال في دارهم!؟...ماراهمش شايفيين واش راهي ديرا بنتهم...!؟‎‎
ونبدأ‎‎برب الأسرة‎
أولا:‏
‎الزوج‎ ‏
زمان المراة كانت ماتخرجش من دارها بدون علم زوجها مهما كان سبب خروجها،ولما تخرج تخرج مستورة والكل يعرف (الحايك)وقبل ماتخرج يشوف فيها الراجل مليح من رجليها لرأسها ويزيد يقولها:ما تبطيش(لا تتأخري)...أما اليوم يرجع الراجل لداره ما يلقاش زوجته يسأل ولاده:يماكم وراهي!؟يقولوله:مانعرف..تجيه حاجة عادية يروح يجلس قدام تلفاز ويستناها ولما ترجع ما يسألهاش وين رحتي..!؟ لا لا هذا ماهوش شغله...
ثانيا‎الأب‎
الأب زمان كان لما يدخل لدار تكون حالة إستنفار البنت إذا كانت جالسة عند تلفاز تجري بسرعة للمطبخ تساعد أمها ولما تحب تخرج لازم تأخذ إذن الأب:بابا راني رايحة عند جارتنا أو عند حبيبتي...الأب:بنتي راكي ماشاء الله راكي امراة لازم تلبسي الحايك شوفي يماك تبارك الله الحايك يزيد النص في المراة...وبدون نقاش تلبس الحايك...
أما أب اليوم البنت تدخل وتخرج بلا حساب وربما حتى لساعة متأخرة من الليل ومانحكوش على اللباس...بابا واش تقول في هاذ الروبة لي شريتها(روبة ساترة من جسمها 5% والباقي...!!!!!!!!!...راكم تعرفو)باباها واش يقولها:أوووووووووو شحاااااااااااال شابة راهي جايتك تهبل...
الرجل الثاني في البيت:‎الأخ‎
زمان كان ألأخ هو الرجل الثاني في البيت يعني مقامه من مقام الأب الأخت إذا ما صابتش باباها لازم ترجع لخوها ونفس الإحترام لي كان للأب يكون للأخ أما اليوم الأخت تخرج من البيت وهو مازالو راقد و الأخ مشوك شعره ولابس سروال مقطع(ملاحظة:زمان كانو مهابل هوما لي يلبسو كسوة مقطعة تخيلو شبابنا اليوم أكثرهم ولاو مهابل)المهم وجالس مع صحابه يتبجح ويتمسخر ببنات الناس وفجأة بووووووووووووومب تمر الأخت راني حكيتلكم على لبستها وهازا بورطابل وتضحك هاهااااااااااااااا ماتتمسخريييييش..(يعني راهي تحكي مع صديقتها باه ما نبالغش ونقول صديقها)الأخ يولي في نص هدومه يطرح راسه ويسكت وفي أفضل الأحيان يدير روحو ماشافهاش...(مانيش عارف يخدع في نفسه او في صحابه)
نروحو الآن ل‎الجار‎
الجار زمان كان لما تمر عليه جارته يطرح عينيه في الارض حتى تمر أما جار اليوم إذا كانت عنده فرصة أنه يصاحب جارته ما كانش مشكل وإذا ماسمحتلهش الفرصة فتلقاه كل الوقت بنت جاري كذا وكذا وكذا...(يااخي هاذي جارتك وحتى ولو كانت نكرة وماتسواش دعيلها ربي يهديها ...ونصحها لوجه ربي...وسترها...ماشي تنشرها كيما لغسيل ولي ما شرا يتفرج)
هذا واش عندي ولي عندها ملاحظة مرحبا به وبها...
ملاحظة
‎مازال كاين رجال في بلادنا بصح وييييييييين راهم...!!!!!!!؟؟؟؟؟؟؟؟؟؟؟‎

‎

djeriou · 2012-09-07, 09:41

شكرا أختي الخبيرة في الحياة على المقارنة، لكن لا وجه للمقارنة بين الجيل السابق و الجيل الحالي، لا في رجاله و لا في نساءه

الشيء الثاني أنه لحد الآن مازال رجال نتاع حرمة، فيهم ريحة رجال زمان، و عندما أقول رجال و الله رجال، و الرجال مواقف...

بارك الله فيك أختي الكريمة

اريج16 · 2012-09-07, 09:56

مشكورة اختي على الموضوعال ذي من خلال يذكر الاسباب الرئيسية لانحلال الفتياة في مجتمعنا الان

وهو انو اقربها من الرجال تخلو عن مسؤليته تجه بناتهم واخواتهم وزوجاتهم

لكن الحمد لله نحن في منطقتنا وفي عائلتنا مزال كاين هؤلاء من الرجال حنا في عائلتنا الحمد لله كاين هذو رجال حتى ابناء العم او الاعمام تدخلو في بعض الاحيان لما يشف شيء ميعجبش
و

~ام ~م~خ~أ~ · 2012-09-07, 09:57

اقتباس:

المشاركة الأصلية كتبت بواسطة djeriou

شكرا أختي الخبيرة في الحياة على المقارنة، لكن لا وجه للمقارنة بين الجيل السابق و الجيل الحالي، لا في رجاله و لا في نساءه

الشيء الثاني أنه لحد الآن مازال رجال نتاع حرمة، فيهم ريحة رجال زمان، و عندما أقول رجال و الله رجال، و الرجال مواقف...

بارك الله فيك أختي الكريمة

‎وفيك بارك الله أخي وأنا قلت أنه مازال كاين رجال في بلادنا....أما المقارنة بين نساء زمان ونساء اليوم فهذا أمر آآآآآآآآآآآآآآآآآآآآآخر بصفتي امراة نستحي باش ندير مقارنة لأنه الفرق بينهم كيما الفرق بين السماء والأرض...ولكن أنا نضن أنه الشيء لي رانا نشوفوه من نساء اليوم بسبب ترك الحبل من الرجل للبنت والزوجة والأخت في الأخير هو الراجل والمراة مهما كانت قوية أو تظاهرت بالقوة الراجل هو الراجل وما تمشيش كلامها عليه...‏‎‎‏‎

~~مريم تعود~~ · 2012-09-07, 10:04

السلام عليكم اختي
مقارنتك في محلها والنسا ما نكتبوش موضوع خير لأانو لو نكتبو موضوعك شبابنا اللي هنا يكرهو خوتاتهم وممكن حتى يماهم لانهم نساء الصراحة ونكونو واقعين الفسادا فالنسا تفشى بنسبة كبيرة وكبيرة بزاف ما نغطوش الشمس بالغربال الراجل مهما دار يبقى راجل وعمري ما شفت راجل لابس ربع لبسة وي صح مشوكين شعرهم سراولهم طايحين لكن هذوك الذر ما شي رجال ذراري راهم يتحلبو يحوسو يولو رجال لكن ما عرفوش الطريق منين
نحكي على اللي راجل وبالغ وعارف الدنيا مليح والله مازال كاين شباب ما شاء لله و هنا فالمنتدى كاين الله يبارك ممكن تقوليلي عنا عالم إفتراضي لا انا ما ،امنش بها المقولة هذي لأانو الي نحكي معاهم ونتحاور معاهم أشخاص حقيقيون ومن ردو من ٍايو من حماسو نعرف الراجل ونعرف الطفل
صح تبقى نتاع الرجال تبدلو صح كانت الرجلة بكري هي الحاكم الراجل كلمتو ما تنزلش للأرض خلاص حتى بيناتهم هوما الرجال الآن الكلمة ماكانش والو ولا ثقة ولا والو الله يستر من اللي جاي بارك الله فيك

أَحمــد · 2012-09-07, 10:12

مازال كاين ذكور كثير لكن الرجال في طريقها للإنقراض

فيجب علينا أن نحافظ على هذه الثروة الثمينة قبل ان تنقرض

السي محمد · 2012-09-07, 10:19

راني هنا ههههههه

=================
معك حق في كُل ما قلتي

~ام ~م~خ~أ~ · 2012-09-07, 10:41

اقتباس:

المشاركة الأصلية كتبت بواسطة اريج16

مشكورة اختي على الموضوعال ذي من خلال يذكر الاسباب الرئيسية لانحلال الفتياة في مجتمعنا الان

وهو انو اقربها من الرجال تخلو عن مسؤليته تجه بناتهم واخواتهم وزوجاتهم

لكن الحمد لله نحن في منطقتنا وفي عائلتنا مزال كاين هؤلاء من الرجال حنا في عائلتنا الحمد لله كاين هذو رجال حتى ابناء العم او الاعمام تدخلو في بعض الاحيان لما يشف شيء ميعجبش
و

‎في هذا الزمن زمن التفكك الأسري الخال والعم مايشوفوش بنت الأحت وبنت الأخ حتى نهار تتزوج وإذا تلقاها في الشارع مايعرفهاش أما إذا شاف منها خطأ وحاول يدخل فيسمع (ماكان ما دخلك في بنتي حكم في بناتك برك)وهذا ما يمنعش أنه مازال كاين عائلات ماشاء الله... ‏‎‎‏‎

فاستبقوا الخيرات · 2012-09-07, 10:46

السَّلاَمُ عَلَيْكُمْ وَرَحْمَةُ اللهِ وَ بَرَكَاتُهُ

نَعَمْ : هَذِهِ ثَمَرَةُ الابْتِعَادِ عَنْ تَعَالِيمِ دِينِنَا الحَنِيفِ..

قُلُوبٌ مَعْلُولَةٌ وَ عُقُولٌ مَشْلُولَة

بَارَكَ اللهُ فِيكُمْ.

الواثق · 2012-09-07, 10:50

ذهب الرجال وحال دون مجالهم زمر من .............

~ام ~م~خ~أ~ · 2012-09-07, 10:52

اقتباس:

المشاركة الأصلية كتبت بواسطة مريم تعود

السلام عليكم اختي
مقارنتك في محلها والنسا ما نكتبوش موضوع خير لأانو لو نكتبو موضوعك شبابنا اللي هنا يكرهو خوتاتهم وممكن حتى يماهم لانهم نساء الصراحة ونكونو واقعين الفسادا فالنسا تفشى بنسبة كبيرة وكبيرة بزاف ما نغطوش الشمس بالغربال الراجل مهما دار يبقى راجل وعمري ما شفت راجل لابس ربع لبسة وي صح مشوكين شعرهم سراولهم طايحين لكن هذوك الذر ما شي رجال ذراري راهم يتحلبو يحوسو يولو رجال لكن ما عرفوش الطريق منين
نحكي على اللي راجل وبالغ وعارف الدنيا مليح

‎أولا مشكورة لكن صدقيني العمر ما عنده حتى دخل زمان كان الشاب من 18 سنة أو ربما أقل يتحمل المسؤولية مع باباه أنا أبي تزوج وعمره 20 سنة اليوم تلقاي عنده 30 سنة ولابس سروال طايح ومقطع هذا واش من مراة تحسبلها حساب وشكون تفكر تتزوج بيه و الأخت لما تشوف خوها هكدا واش هي الصورة لتحطها في رأسها‎ والله مازال كاين شباب ما شاء لله و هنا فالمنتدى كاين الله يبارك ممكن تقوليلي عنا عالم إفتراضي لا انا ما ،امنش بها المقولة هذي لأانو الي نحكي معاهم ونتحاور معاهم أشخاص حقيقيون ومن ردو من ٍايو من حماسو نعرف الراجل ونعرف الطفل
صح تبقى نتاع الرجال تبدلو صح كانت الرجلة بكري هي الحاكم الراجل كلمتو ما تنزلش للأرض خلاص حتى بيناتهم هوما الرجال الآن الكلمة ماكانش والو ولا ثقة ولا والو الله يستر من اللي جاي بارك الله فيك

‎صدقت في النقطة الأخيرة الرجلة حتى بين الرجال راحت‎‎‏‎

BAROUD · 2012-09-07, 10:54

احســــرااااااااااااااااااااااااااااااااه

كــــ كانت االرجال رجــــــــــــال

متنســــاي انو كانــــت

الامهــــات امهــــات

~ام ~م~خ~أ~ · 2012-09-07, 10:55

اقتباس:

المشاركة الأصلية كتبت بواسطة حمدي...

مازال كاين ذكور كثير لكن الرجال في طريقها للإنقراض

فيجب علينا أن نحافظ على هذه الثروة الثمينة قبل ان تنقرض

‎صدقت الذكور راهم بزاف لكن الرجال راهم في طريق الانقراض...كيما النسا راهم بزاف لكن الفحلات...!!!!!!....بارك الله فيك‎

~ام ~م~خ~أ~ · 2012-09-07, 10:58

اقتباس:

المشاركة الأصلية كتبت بواسطة السي محمد

راني هنا ههههههه

=================
معك حق في كُل ما قلتي

‎مرحبا بك وبارك الله فيك‎

~ام ~م~خ~أ~ · 2012-09-07, 11:00

اقتباس:

المشاركة الأصلية كتبت بواسطة فاستبقوا الخيرات

السَّلاَمُ عَلَيْكُمْ وَرَحْمَةُ اللهِ وَ بَرَكَاتُهُ

نَعَمْ : هَذِهِ ثَمَرَةُ الابْتِعَادِ عَنْ تَعَالِيمِ دِينِنَا الحَنِيفِ..

قُلُوبٌ مَعْلُولَةٌ وَ عُقُولٌ مَشْلُولَة

بَارَكَ اللهُ فِيكُمْ.

‎صدقت الدين حل محله حرية المراة..وأي حرية....!!!!!!!!؟؟؟؟؟؟؟؟؟؟؟‎