أخبروني ما العمل؟

[مريم الصابرة]

السلام عليكم جميعا كيف احوالكم؟
ألجأ إليكم حتى اطلب مشورتكم وتساعدوني بحل
تعلمون انني لا اعمل ولا عاءل لي ولأامي افكر في حل للخروج من المشكل هذا يعني حتى لو كنت مريضة وحاولت البحث على عمل يعني عقود التشغيل رفضو بحجة إنو عندي لاسورونس وفالبلدية حطيت ملف ومازال دوري ماجاش منذ فترة طويلة وتخيلو لما حطيت الملف قالي المسؤول لكن نعرفك مريضة بزاف يعني راحا دايما تتاخري او ما تجيش وهذا مرفوض على هذا ما نتوقعش يخدموني
ماذا افعل افكر في مشروع صغير لا ادري محل او أي شيء المهم مصدر رزق وعارفة يحتاج لرأس مال دبرو عليا واش ندير وأقل مشروع شعال يتكلف ونوع المشروع انا كنت نفكر في محل بيع الحجابات والمصاحف واي حاجة متعلقة بالدين وممكن نعاون الفتيات يعني يغيرو من نوع الحجاب لأانو نفكر فالحجابات الملتزمة واش رايكم؟ وانا عندي قدرة على اللإقناع وقادرة نتعامل مع البنات ونقنعهم إن شاء الله علاه لالا نحاول المهم الفكرتان هذو في راسي محل الحجابات الشرعية والمصاحف وزرابي الصلاة وكل شي والفكرة الاخرى من هذي الطريقة نحاول ننصح الفتيات لانو راحا نحط أيضا أقراص فتاوي لشيخ معروفة وهكذا نقنعهم بالدليل دبرو عليا لازم ندير حل لحياتي كرهت قاعدة وامي مريضة واش ندير بارك الله فيكم
ملاحظة
السلام عليكم جميعا شكرا على تدخلات الجميع
انا طلبت مشورتكم ودبرو عليا وترولي ما نعرفش كيفاش نتصرف وحبيت نخدم لكن كاين عضوى قاتلي روحي خير توسلي من عند الوزير ويعطيك سيارة والمال والجزائري عندو عزة نفس انا نقولها عزة نفسي تمنعني نجاوب على وحدة كيفك الله غالب ما ندعيلكش تجربي واش جربت حرام امك تفوت على واش فاتت عليه امي لكن نتمنى إنت يجي نهار تولي تتسولي وذاك النهار تحسي بالكلام اللي قلتيهولي وانا عندي عزة نفس اكبر منك بزاف بزاف
المهم نتمنى غلق الموضوع وسامحوني ما نزيدش نحكي على اموري وبارك الله في كل من نصحني واللي ساعدني ربي يجازيه بالخير من فضل المشرف اغلق الموضوع او احذفو ما نحتاجوش شكرا