الجهامة

مشكلتي · 2012-09-02, 17:21

سلام
واش نحكي واش نخلي، دمرتني الكوابيس او كمار يقولو الجهامة ..كي نرقد نولي منيش تحت السيطرة تاعي كامل ودائما يشدني نوع خفي ودائما نحسلو بلي جن كل مرة على شكل ومرات ميبانش ويسيطر عني ومرات حتى تروحلي النفس ومانقدر ندير والو
ربما تقولولي الأذكار مكيش تقراي فيها مرات حتى ونقرا الأذكار نخرج تحت السيطرة تاعي وكما حدث في رمضان قريب ماراح نهبل
لكن الشيء اللي فيا اني نحب نرقد وحدي وفي الاماكن اللي ميرقدوش فيها الدار بزاف
انا دائما ملتزمة بصلواتي ومحافظة عليها والقرآن لايفارق كامل شفاهي راني ديما نقرا لكن هذي ليام مانشد المصحف غير كرها مني وصلواتي راحت بلا رجعة عندي يومين مصليتش ومنيش قادرة حتى نجري مورا الصلاة كما منا وفايت وغير نجي نروح نتوضى باش نصلي غير نلحق للحمام نولي ندور ونبطل منصليش
بالامس لما حكمتني الجهامة في المنام كنت نشوف في عين فقط كبيرة تشوف في ويدين مخيفتين شاديني وماهو باين حتى جزء اخر من جسمها وكانت تقلي بلي اسمها نفس اسم اختي وكي نضت نضت خايفة من اختي ومنحكي معاها غير بالسيف ومنشوفش ليها كامل
صديقتي كبيرة ومتدينة وقاتلي الجهامة نفس حالة زوجها وراهي من العين علما ان زوجها الله يبارك عليه متدين ماشاء الله
أنا من النوع اللي مايحملش الرقية أبدا و كي تشوفوني هكا لباس عني وعمرها ماجاتني حالة مس أو اغماء كما راني نشوف بعض الناس بصح الكوابيس دارو في حالة وزدت بعدت على الصلاة
والله ماني عارفة واش ندير مع عمري دائما نعود راح نرقد نقول راني مصليتش لوكان يجي ملك الموت ونموت على معصية ...نخاف شوية ومن بعد نولي نرقد
لكن دائما راني مريضة من حالة لحالة
الاوجاع والكولون وزادت الحساسية راني نشفى لروحي من سنين بدات تحكمني الحساسية غير نريح منها وتبدا تروحلي شوية ومن بعد تولي تجيني حساسية اخرى ومنحكيش على الحَب اللي في وجهي دائما
انا مميزة بزاف بين الناس لاني معروفة بحوايج مافي حتى طفلة وخاصة في المحيط تاعنا
مبصح ماهمني والو من هذا الشيء غير صلاتي
راني نكتب والدمعة في عيني
الله يخليكم عاونوني بكلمات عسى ولعل نولي لصلاتي خطرا منيش مفارقتها بالكل غير هذو ليامات ومرات نبدا نلعب نصلى وقت ونخلي وقت اخر
دبرو عني كشما حلول تبعد عني الجهامة
وهل اجبر نفسي على الذهاب الى راقي لاحيطم علما لو انه يقلي بيك عين او مس نولي مجنونة تاع الحق

طيف الأمنيات · 2012-09-02, 21:28

اللهم اشفي عبدك شفاء لا يغادر سقما ...شخصيا احب ان ارقي نفسي بنفسي

Zakyy · 2012-09-02, 21:46

سلام....
انا مميزة بزاف بين الناس لاني معروفة بحوايج مافي حتى طفلة وخاصة في المحيط تاعنا
هذا كافي لإصابتك بالعين
انصحك بالذهاب إلى مرقي في اقرب وقت

**د لا ل** · 2012-09-02, 22:27

خير ان شاء الله اختي

ماتقلقيش برك
حاولي ترقي نفسك بنفسك
يعني حملي الرقية الشرعية من النت
وعاودي قرايها على الماء وزيت الزيتون مع النفث طبعا

واشربي الماء 3 مرات يوميا
وادهني جسمك بالزيت قبل النوم

وراح ترتاحي جدا باذن الله

ولعلمك مش ضروري ان الكوابيس مرتبطة بمس ممكن حالة نفسية سيئة او قلق او توتر

كل ما يؤثر عليكي سلبا يؤثر على نومك بطبيعة الحال

انتي توكلي على الله
ارقي نفسك بنفسك كما اخبرتك
والتزمي بالصلاة لانها حصن المسلم من كل سوء
والاذكار ما نوصيكش اختي خاصة اذكار النوم

وباذن الله ستتحن حالتك

موفقة اختي

عآشقة غزه · 2012-09-02, 22:33

ارقي وسمعي القرءان

Golden Princess · 2012-09-02, 22:33

السلام عليكم

انه لخطأ فادح ان تبتعدي عن الصلاة ..اختي عليك بالمواضبة عليها و صلاتها في اوقاتك و اياك ثم اياك ان تواصلي فيما انت عليه الان

كلما جاءتك مثل هذه الافكار تعوذي و قومي توضئي و صلي و ادعي الله ان يشفيك

كما انصحك ان تذهبي الى راقي ذات ثقة و حاولي ان ترقي نفسك بنفسك

و أسأل الله ان يشفيك

الفرحة معكم · 2012-09-02, 22:56

الله يفرج عليك طربك و يشفيك اختي حاولي ترقي نفسك ستشعرين براحة تامة خدي 7 ورقات سدر اخصر و دقيهم بين حجرين و افرغي عليهما الماء مايكفيك للغسل و اقرئي المعودات و الكافرون و الكرسي و الاخلاص و الاعراف 117-119 يونس 79-82 طه65 69

ايمان نور الجزائر · 2012-09-03, 06:55

عليكي بالرقية الشرعية عزيزتي سواء بنفسكي او احد يرقيك
تحصني بقراءة الاذكار وامكثري منها ......تطردي الوساوس وصلي صلاتك
++
لا انصحك بالانفراد اثناء النوع نامي مع اخواتاتك او امك للتوفر لكي الراحة النفسية قبل
ربي يشافيك

أم احمد3 · 2012-09-03, 07:43

وحتى ادوية طبيب الاعصاب ستداويك فقط اشرحي له حالتك رغم انه من الشيطان الا ان اعصابك فيه مشكل عضوي اي ان الشيطان يدخل فقط ليخرب لك اعصابك فترين هذه الكوابيس
اولا اتجهي الى طبيب الاعصاب سيوصف لك ادوية ولن ترين شيء بعدها ثم عندما تكوننيين في صحة جيدة اذهبي للراقي ولن تخافي منه هذه المرة
فالخوف يسيطر عليك لذا الشيطان اقوى منك
واعوذ بالله منه

عبدالله بولنوار · 2012-09-03, 07:43

قال العلامه ابن عثيمين :

ولهذا كان من قرأ هذه الآية في ليلة، ( لم يزل عليه من الله حافظ ولا يقربه شيطان حتى يصبح)....
هذا طرف من حديث رواه البخاري عن أبي هريرة رضي الله عنه في قصة استحفاظ النبي صلى الله عليه وسلم إياه على الصدقة، وأخذ الشيطان منها وقوله لأبي هريرة: إذا أويت إلى فراشك، فاقرأ آية الكرسي ( الله لا إله إلا هو الحي القيوم ) حتى تختم الآية، فإنك لن يزال عليك من الله حافظ، ولا يقربك شيطان حتى تصبح فأخبر أبو هريرة النبي صلى الله عليه وسلم بذلك، فقال: "إنه صدقك، وهو كذوب

متعلم انجليزي · 2012-09-03, 09:53

اللهم اشفي عبدك شفاء لا يغادر سقما

اريج06 · 2012-09-03, 10:33

ربي يشفيك اختي حاولي انك ترقي نفسك او تذهبي الى راقي .

شمس 15 · 2012-09-03, 13:44

أنا عندي نفس مشكلتك و مهما نوصف لزوجي وش نحس ووش شفت و ما نفهموش و الله إحساس فريد من نوعو.أنا بكري كانت تحكمني خطرة في 4 أشهر درك تقريبا 2 أو 3 خطرات أسبوعيا,من قبل كنت كي تجيني غير نشهد و لا نقرأ القرآن خلاص درك لالا نقرا ووالو وليت نشوف ولادي زعمة رايحين يتحرقو و لا تصرا بيهم حاجة خطيرة و ما نقدر ندير والو.أنا لقيت الحل.

شوفي أول حاجة درك أديريها كي تكملي تقراي ردي روحي تحممي و توضاي و صلي .
ثانيا أحرصي دايما كي تجي ترقدي دايما تكوني على وضوء.و كي تجي ترقدي تقراي الفاتحة،المعوذتين،سورة الإخلاص،آية الكرسي،و أواخر سورة البقرة و الأذكار.

mitrochka · 2012-09-03, 17:18

rabi yachfik okhti

webgisman · 2012-09-03, 18:10

الجهامة هي ناتجة عن النوم بطريقة غير سوية (انتبهي الى المخدة و السرير) بالاضافة الى عامل القلق و أمراض القولون التي تؤثر في نفسية الانسان.
خليك من التوسويس و الخزعبلات.
ثيقي في ربي و امشي القدام ما كاين لا عين و لا سحر مع أنهم حق .و الفاهم يفهم. فوقو لرواحكم. هبلتو الناس.