كرهت من هذه الدنيا

[مشكلتي]

السلام عليكم ورحمة الله وبركاته

انا سئمت وكرهت من هذه الدنيا يا رب فرج همي وعلاش الوالدين دائما يميلو الى واحد من العائلة كرهولي حياتي زهر معاهم مكاانش والله يا اخاوتي نحس روحي ماشي بتنتهم التمييز العنصري داير حالة راني صابرة بصح صبري هذا ولد لي مرض رايح البعض منكم يقلي بالاك راكي تغيري والله العظيم يديروو صوالح تظهر من خلالهم انك مهمش يارب صبرني وابعد عن قلبي اي سوء
دعواتكم لي بالنجاح وان شاء الله يقبلوني في المسابقة ا

[mazola.]

علاه تقلقي في روحك
هدي بلا نقاش الوالدين يميلو لطفل ولا لطفلة معين مستحيل يحبوهم كامل كيف كيف
حتى لو كان حبو يخبو تبان تبان
مالا الحل تعك ما ديريش بالك ليهم بزاف بويسك هدو الوالدين و دايما يبقاو عزاز متقعديش تعسي فيهم ولا وش قاعدين يديرو لخوتك بويسك تبريسي روحك على باطل
ربي يفرج همك

[halla sabrina]

أنا أيضا أعاني من النفس المشكلة لكن رانا صابرين اصبري .

تفائلوا خيرا تجدوه .

[amiramira2012]

مهما كان والديك ربي يخليهملك و يطول في أعمارهم

[karimblida]

الوالدين يحبو كل واحد في مجال معين ماكاش حب مطلق أو كره مطلق أنت لازم تكتشف وين يحبوك
هدا المشكل يكون في المراهقة .......نخدمو روسنا على حاجة والو ........
المهم أنو الوالدين يحبو مصلحة الأولاد بصفة مطلقة هادي نظن مافيهاش نقاش

[أم احمد3]

ربي يفرج همك

[zalamite]

انا حسب ظني تعانين ليس من الغيرة بل من الفراغ النفسي بحيث يبحت الشخص في هده الحالة عن الاهتمام من طرف الاخريين سواء في العائلة او في الخارج كما يحبد الشخص في هده الحالة الاطراء و التناء ومزيد من الرفقة ..كما يصبح صاحب هدا المزاج حساس لكل ما يقوم به من هم حوله ولو عن غير قصد ..تتاتر نفسيته و تهتز و يحس انه منبود من الجميع لكن اعلمي انه 90 % عبارة عن وسواس. تنمية شخصيتك هي الوسيلة الوحيدة التي تجعلك تعيشين بسلام.
(مجرد راي و الله اعلم)

[homme libre 05]

انا شخصيا كي كنت صغير شوية كنت نحس حبهم مرات ليا ومرات لاخي لي يجي اقل مني
لكن رغم هذا فالابناء بالنسبة للوالدين قرة العين
احسني الظن فيهما وما يكون غير الخير

[Mireya]

السلام عليكم

أنا لا الومك و لكن مع الاسف دائما الوالدين يميلو الى أحد من أولادهم لأنا ماشي كامل كيف كيف في التصرفات كاين اللي يحب يحكي و يهذر و يضحك .. يكون حلو كيما نقولو .. و لكن كان اللي كانه منعزل في البيت لا يتكلم كثيرا يعني عكس الاخر .. كل واحد و تصرفاته و لكن رغم هذا يابقاو والديك و يحبوك مهما تكون التصرفات ديالك و كثير من الاولياء ميبينوش المحبة لاولادهم و لكن بغير قصدهم .. جربي قليلهم هذا الكلام انهم يحبوهم اكثر منك ... اكيد يسخرو منك و يضحكو عليك لانهم عارفين انها مكانش منها .. بساح بالاكي و بالاكي و بالاكي تخلي اي حاجة تهد علاقتك بيهم خليكي دايما قريبة منهم خليهم يحسو بيك .. اتكلم معاهم يعني كوني دائما الطفلة الصغيرة بنظرهم ... ربي يخليهملك و يطوللهم في عمرهم .. لا تفكري كثيرا و لا تجعلي هذا مشكلا لك

[هديل29]

طبيعي ومعروف عند كامل العايلات أنو الاب يحب لبنات كثر من الاولاد والام العكس تحب الاولاد كثر من لبنات حتى نتي لوكان نسقسيك شكون تحبي كثر تقوليلي بابا والشي الي راكي حاسة بيه متأكدة انو مجرد اوهام ووساوس عمنا الشيطان ألي راه داير فينا حالة بصح كي تولي للصح والله والله ما تلقاي واحد يحبك قد والديك ونقولك وينتا تحسي بهاد الشي نهار تجيبي دراري أنا تاني كنت نحس كيفك بصح درك بعد ما تزوجت وبعدت عليهم والله غير نحسهم يحبوني اكثر وحدة في خاوتي نحي هاد الافكار من بالك وأدا والديك يقلشو خوك ولا ختك صغار معليش طفي الضوء ودربي النح

[diamant mb]

ربي يوفقك........

[« أبْجَدِيَّاتْ »]

وَ عليكِ السَّلاَمُ وَ رحمةُ الله،

تسمَّى علىَ جَال هاذ المُشكِل ( البَسيط ) كرَهتي الدّنيَا ؟!! أختي ، خمِّيتي شويَّة في الأطفال اليتَامىَ لليِّ مَا عندهُمش وَالدين؟؟ لليِّ يباتُو مطَّايشينْ في الشَّارع يحُّلمو فقط بأن يكُون لهم أبْ أو أمّ تضمُّهُم إلى صدرهَا ، محتَاجين ضمَّة برك لا مَال لا كادُوَّات ولا أيَّ شيءٍ آخَر من الدُّنيا ، مُجرَّد حُضْن يَاربيِّ !! اغتَمني هذي الدّنيا في برّ والديك.. عَامليهم بإحسَان و اهدري معاهُم بطيبَة ، خليِّهُم يحسُّو بلليِّ راكي بنتهُم لليِّ تحبّهُم و تهتمّ بيهُم . زعما في بالك كي طيحي مريضَة مَا يخافوش عليك ؟؟ تتزوّجي اِنْ شاءالله و تجيبي أطفَال و تحسِّي بمدَى عاطِفة الأمومَة و حُبّ الآباء لأبنائِهِم ، حتىَّ لو أحسَستِ بميلِهِمَا إلى أحد إخوتِك ، إعلمي أنّهم يحبّوكم كامل كيف كيف ، لأنَّهُ القلب ببسَاطَة ، و كونُكِ قطعةٌ منهُمَا . مالا حبّسي من هذا التّفكير و نحيّ عليك الوسَاوس هذي ( و الغيرة ) و عيشي حياتَك بسعَادة مع والديك و خاوتك . و وفقَّكِ الله إنْ شاءَ في المُسابَقَة .

[lilou f lilou a]

الأم والأب نعمة الله لكل واحد
إن شاء الله ربي يفتح كل أمورك وترجع الحياة جميلة معك
ربي يوفقك

[مبروكة الصحراء]

وجودهما نعمة في حد ذاتها خليهم يبغو حتى ولاد الجيران المهم يكونو واقفين معانا و كي نحتاجوهم نلقاوهم
و المهم نقدرو كل يوم ننطقوا كلمة بابا و ماما
احمدي ربي و ديريهم في عينييييييييييييييييييييييييييييييييييييييييك حتى لوكان يكرهوووووووووووووووك
و ربي ينجحك في المسابقة آمييييييييييييييييييييين

[Golden Princess]

يا اختي مشكلتك لا تساوي شيئا امام مشاكل بعض الناس.... قد بكون هناك من يحسدك على مشكل كهدا.....أعتقد انها حساسية زائدة منك و ان أخطأت فكفاك انه لديك والدين ...صاحبيهما في الدنيا معروفا و احسني اليهما و سترين النتائج ....و الله ينجحك في المسابقة