انا في امس الحاجة اليكم ارجووكم ادخلو بليييييييييييييز

*المجهولة* · 2012-10-19, 13:10

السلام عليييكم

ارجوووكم اقرئو مشكلتي من الاول الى الاخر ارجوووووووووكم و ساعدوووني

انا فتاة في سن المراااهقة عمري 14 المهم منيش عارف منين نبدالكم

انا بغيت واحد هو يبانلي عنده وحه 16 ولا 17 اول شي لفت انتباهي فيه كان داير وحد التسريحه لامود و قلييل الي يديروها هههههههه هاذا ميهمش يعني بغي نفهمكم بلي يبانلي سوفاج يعني احنا منين نكونو نقرو في السبور يجو هو و صحابو يتسلقو جدار المؤسسه و يبقو يتفرجووو و انا بغيييته بزاف انا فتاة متحجبه و حدي حد روحي والحمد لله جامي خرجت مع واحد و هو عكسي تماما يعني انا في الحقيقه جامي شفته مع وحد ه و ياريت منشوفهمذش مع وحده و انا الي قاهرني اني يعني لو كنت مش متحجبه يمكن راح نلفت انتباهو و لكن انا ماغاديش قاع نبالو معا الشعب تاع الوقت و كي نتفكر هاذا الشي نقعد نبكييي و نتمنى لوكان قاع مجيتش على وجه الدنيا

انا مبغيتش منه حتى حاجا برك يحس فيا و يعطيني وجه لاخاطر راني عارفه وحده مثلي مستحيل تتلاقى مع واحد كيفه

بصح انا راني مقهووووووووووره بزاااااااااف و م قديتش ننساه لاخاطر دايما نشوووف و كل يوم يزيد حبه فيا على لاخر ارجووووووووووكم ادعوووولي ارجووووووووكم انا في امس الحاجه الى دعاااااااااااااااااااااااااائكم ارجووووووووووووووووووووكم ادعولي تتحقق امنيتي و يحس فيا غي شووويه

ارجوووووووووووووووووكم ادعووولي ولا تنسوووني

Lydia istanboul · 2012-10-19, 13:26

يا بنتي و الله هادي مراهقة برك....تكبري و تولي تضحكي على روحك...لكن حذاري حذاري حذاري ديري حاجة تندمي عليها من بعد.عرض و شرف الطفلة مثل الزجاجة اذا انكسر ما يرجعش....ماتلطخيش صمعتك بواحد تافه فارغ شغل كيما هذا....حذاري تبينيلو روحك يولي يتبعك و يفسدلك اخلاقك و تشيعي بيه و حتى و ماتغلطيش معاه بصح ناس عارفينو خفيف و يولو يقولو دارت كذا و كذا معاه....يا حنونتي حافظي على نيف باباك و خاوتك....و زيد يا الزينة ما تشعريش بعدم الثقة في جمالك برك لانك متحجبة شرعي و الباقي متبرجات...نتي يا العاقلة الفحلة خلي جمالك لزوجك و صدقيني نتي اجمل من قليلات الحياء اللاتي يعرضن مفاتنهن...كوني اكيدة بلي ربي مدام سترك بحياءك و احتشامك فاكيد راه يحبك اكتر منهن و يزيد يحبب فيك زوج المستقبل فبلييييييييز ما تتسرعيش و ديري حاجة تندمي عليها...بدل ما تدعي باه يحس فيك انا ندعي لك ربي يبعدو عليك و يجعل هذه المراهقة بردا و سلاما عليك....اقراي هنا مشاكل لبنات و اتعضي منهم.... راهم شباب دارالوقت مايخافش ربي و قادر لوكان يحس بحقيقة تعلقك بيه يستغل دا الشي و يضيعلك حياتك....حبيبتي ربي يسترك و يحفظك من النفس الامارة بالسوء و من عباد السوء.

sara.info · 2012-10-19, 13:32

حبتينا ندعولك ..باش يلتفت ليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الدعاء التالي ياترى عاى ما سوف يكون ..,؟؟؟

أختي فكري في دراستك ...إذا هو ضايع أنتي ما ضيعيش نفسك و قرايتك و طاعتك لله و ثقة والديك معاه

وفقكي الله

~~كبسولة الاحلام~~ · 2012-10-19, 13:37

انا اعتذرعتذر استغفر الله العظيم مشاغب كتب تعليقا سخيفا
اعتذار
اما اختي فاظنكي واقعه في مشكله لطالما وقع فيها الكثيرون عليكي بالصبر على العفة حتى ياتيكي مكتوبك وليس من تتمنينه انتي
اعتذر على تعليق سخيف كتب من طرف مشاغب

بنت الحجاج · 2012-10-19, 13:37

نقولكْ حاجة

انا كي كنتْ قدّكْ

كانت تبانلي بللي نحبْ واحدْ

كان يقرا معايا

بالصحْ كنتْ علابالي بللي ننطقْ كلمة يطيرْ راسي ديراكتْ

و ما كنتشْ مستعدة ننزل من البرج للي كنت راسماتو لروحي !!

المهم

حكمتها في قلبي حتانْ نسيتْ الموضوعْ

واشْ نقولكْ

80% واش يصرا في ذاك السنْ راه خرطيٍ

و استناي عامي و الا ثلاثة تولي تضحكي على روحك كي تتفكري

صدقيني

~~مـجيد~~ · 2012-10-19, 13:46

هذا يحدث لجميع المراهقين
و انا انصحك الا تفكري في ان تنزعي حجابك لاجل هذا الفتى الطائش
و انصحك ان تبتعدي عنه ما دام يتسلق الجدران و ينظر الى بنات الناس

كاميلا · 2012-10-19, 14:06

جربي ديري نشاط والا احكي للوالدة تاعك راهي مراهقة وكامل عدينا بيها مكانش اللي مصراتلوش اذا اخطيك لازم تتحكمي ف يروحك والا سيحدث ما لا يحمد عقباه

الواثق · 2012-10-19, 15:27

عجبك من تسريحتو ؟؟؟؟....................ايملا لو كان يسمع ابوكي او اخوكي هذا في ميزك واش يديرو ؟؟؟................يزعفو ..............وعلاه يزعفو ؟؟.............لخاطر عارفين بلي راكي صغير وهذاك الشاب راهو صغيييييير .........................

مشكلتك الاساسية انك بعيدة عن الله عزوجل ............فحافظي على صلاتك وحجابك وهذا لله عزوجل لا غير ............ولاتختلطي بالذكور ابدا .............فستشعرين بالخوف من الله .............وهو الذي ينسيك في وسوسة الشيطان والله المستعان

*المجهولة* · 2012-10-19, 15:49

اقتباس:

المشاركة الأصلية كتبت بواسطة lydia istanboul

يا بنتي و الله هادي مراهقة برك....تكبري و تولي تضحكي على روحك...لكن حذاري حذاري حذاري ديري حاجة تندمي عليها من بعد.عرض و شرف الطفلة مثل الزجاجة اذا انكسر ما يرجعش....ماتلطخيش صمعتك بواحد تافه فارغ شغل كيما هذا....حذاري تبينيلو روحك يولي يتبعك و يفسدلك اخلاقك و تشيعي بيه و حتى و ماتغلطيش معاه بصح ناس عارفينو خفيف و يولو يقولو دارت كذا و كذا معاه....يا حنونتي حافظي على نيف باباك و خاوتك....و زيد يا الزينة ما تشعريش بعدم الثقة في جمالك برك لانك متحجبة شرعي و الباقي متبرجات...نتي يا العاقلة الفحلة خلي جمالك لزوجك و صدقيني نتي اجمل من قليلات الحياء اللاتي يعرضن مفاتنهن...كوني اكيدة بلي ربي مدام سترك بحياءك و احتشامك فاكيد راه يحبك اكتر منهن و يزيد يحبب فيك زوج المستقبل فبلييييييييز ما تتسرعيش و ديري حاجة تندمي عليها...بدل ما تدعي باه يحس فيك انا ندعي لك ربي يبعدو عليك و يجعل هذه المراهقة بردا و سلاما عليك....اقراي هنا مشاكل لبنات و اتعضي منهم.... راهم شباب دارالوقت مايخافش ربي و قادر لوكان يحس بحقيقة تعلقك بيه يستغل دا الشي و يضيعلك حياتك....حبيبتي ربي يسترك و يحفظك من النفس الامارة بالسوء و من عباد السوء.

لالا انا ابدا ما فكرتش نعترفله و ابدا مارايحاش نضيع شرفي لاخاطر واحد كيفه و منضنش قاع غادي يتبعني حاجا سييير .. اي علابالي ختي انا منتجراش حتا نقعد نشوف فيه و ابدا مفكرتش ندير حاجا معااه ...

ربي يخلييك حنونه ربي يحفظظظك ** لا تنسيني في صلالاتك ** :d:d:d

aihemsara · 2012-10-19, 15:50

عندي احساس غرييييييييييييب انو صاحب الموضوع انسان كبير و يستهزا بينا !!

*المجهولة* · 2012-10-19, 15:50

اقتباس:

المشاركة الأصلية كتبت بواسطة sara.info

حبتينا ندعولك ..باش يلتفت ليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الدعاء التالي ياترى عاى ما سوف يكون ..,؟؟؟

أختي فكري في دراستك ...إذا هو ضايع أنتي ما ضيعيش نفسك و قرايتك و طاعتك لله و ثقة والديك معاه

وفقكي الله

لالا ماشي تدعولي باش يتلفت بيا بغييت تدعولي باه تزيل همومي ننساااه كااامل لاخاطر واحد كيفه ما يستاهلش حبي لييه

شكرا على الردد :d:d:d

*المجهولة* · 2012-10-19, 15:52

اقتباس:

المشاركة الأصلية كتبت بواسطة كبسولة الاحلام

انا اعتذرعتذر استغفر الله العظيم مشاغب كتب تعليقا سخيفا
اعتذار
اما اختي فاظنكي واقعه في مشكله لطالما وقع فيها الكثيرون عليكي بالصبر على العفة حتى ياتيكي مكتوبك وليس من تتمنينه انتي
اعتذر على تعليق سخيف كتب من طرف مشاغب

الحمد لله انا ماشفتش التعليق تااعو

اي راني صااابره ارجووكي لا تنسيني بالدعااااااااااد ارجوووكي

*المجهولة* · 2012-10-19, 15:54

اقتباس:

المشاركة الأصلية كتبت بواسطة بنت الحجاج

نقولكْ حاجة

انا كي كنتْ قدّكْ

كانت تبانلي بللي نحبْ واحدْ

كان يقرا معايا

بالصحْ كنتْ علابالي بللي ننطقْ كلمة يطيرْ راسي ديراكتْ

و ما كنتشْ مستعدة ننزل من البرج للي كنت راسماتو لروحي !!

المهم

حكمتها في قلبي حتانْ نسيتْ الموضوعْ

واشْ نقولكْ

80% واش يصرا في ذاك السنْ راه خرطيٍ

و استناي عامي و الا ثلاثة تولي تضحكي على روحك كي تتفكري

صدقيني

ايه شكراااا حنووووونه

متنسينيش بدعائك باه ننساااه لاخاطر كارهه حياااتي

sali-sali · 2012-10-19, 15:54

يا اختي الهاي في قرايتك
والله هدي اسمها تضياع وقت في حاجات مايستاهلوش نصيحة من صغرك خمي تخطيك من هدو المواضيع
خمي في قرايتك في الاخلاق العالية لي لي يشوفك بيها يتمناك
الحاجة الباهية برك

*المجهولة* · 2012-10-19, 15:56

اقتباس:

المشاركة الأصلية كتبت بواسطة مـجيد

هذا يحدث لجميع المراهقين
و انا انصحك الا تفكري في ان تنزعي حجابك لاجل هذا الفتى الطائش
و انصحك ان تبتعدي عنه ما دام يتسلق الجدران و ينظر الى بنات الناس

لالا مارايحاش ننزع حجابي

مفهمتش اخي هما ميتفرجوش في الشيرات يكونو يتفرجو في الشاشرا مين يكونو يلعبو بالون من بعد يروحوو

شكرا على الررد و متنسانيش بالدعاااااااااء