ساعدوني جزاكم الله خيرا

مشكلتي · 2012-08-17, 13:44

السلام عليكم و رحمة الله تعالى و بركاته

اما بعد

انا فتاة عمري 13 سنة

مانيش حابة نطول عليكم ... المهم :

انا عجت كارهة حياتي خلااااااااص و السبب هي العائلة تاعي

و هاهم الاسباب

اولا : عدت نكره أبي و الكره تاعو عاد مأثر عليا بزاف
و وليت نكرهوو على خاطر يديرلي الضغط بزااف
على العام و هو ديريلي هاجيك و جيبيلي هاجيك و ما تنسايش هاديك
و ماما ولا مرة يطلب منها حاجة ........ولامرة
و تاني ديما يدير وحد الافعال يقلقوني بززززززززززاف
و ديما يعيط علييااا ... العام لي فات برك و انا نحللو الباب و نبوسو و جرك ولاااا لا يطاق

+

ثانيا : انا و ماما ما نتفاهموووش خلاص .... و هي لي نورمالمون تكون مقربة ليا باه تعاوني في المشاكل تاعي مي هي
و ربي او شاهد بلي أي هي الظالمة ديما
انا الحق نكره شغل الدار مي نعاون ماما ديما و هي تبتسملي
و مبعد ... كيما يجيو خاوتي تبدا تقولهم كون غير ما جبتش الطفلة هادي و أي ما تعاوني ماوالو و ما عندهاش الرحمة في قلبها
آآآآآآآآآآآه وش نكره كيما تعود هكااااااااااااااااا

+

ثالثا : خاوتي حاسبيني خديمة عندهم ... لاشتا الكاس او بعيد شوي برك
هوما يعيطولي في عرش و يجيبوني من البيت حتى الكوزينة باه نمدلهم الكاس
أوووف و المشكل كااامل يديرووو هكاا غير واحد فيهم

+

رابعا : خويا الكبير ... الحق حنا كامل نكرهوه
و لكن انا كتر
لانو يقلقوني بزاااااااااااف لي جاست تاعوو
و الحاجة لي يديرها ننتقدها و نبقة نهدر عليها مي في قلبي برك

+

و تاني عدت خايفة و معقدة في نفس الوقت من السنة تع القراية الجاية
لاني خايفة على ما نديش مليح ... و نولي ما نقراش كيما صراتلي في السنة لي فاتت

و انا في غاية الاسف لانني اطلت عليكم و لكنني اردت الا اخفي شيئا عنكم و لكن مع دلك مازال الكثير لأقوله

من فضلكم يا اخواني
على الاقل اقترحو عليا حلول في مشكلة واحدة من الي دكرتهم
او فسرولي كل هدا المشاعر ... هل هي تحدث للكل في مثل هدا السن ام ... شيئا اخر
رجااااااااءااااااا

و من فضلكم لا تنسوني من صالح دعائكم

تقبل الله صيامكم~
و في امان الله

و جزاكم الله خيرا ان شاء الله ~

aihemsara · 2012-08-17, 18:57

سلاااام اختي

عندك غير 13 سنة و مقلقة هكا مالا تكبري شوية واش يصرالك؟

شوفي حنونة حنا كاااااااامل كنا هكا حساسين,, انا وحدة من الناس كنت داااايما نبكي و نقولهم تحقرو فيا

على خاطر يندهوني بزااااااف و يعيطو عليا و تبانلي تقول يكرهوني

بصح كي كبرت رقيت لي عنده الحق و انا لي كنت حساسة فوق اللازم

بصح انا جااااامي كرهتم,,, راهي تبانلك برك كرهتيهم على خاطر مقلة منهم

بصح كي تجي تخمي ي الصح و الله غير تلقاي يهم حوايج يعجبوكي

و زيد القلقة و الحساسية لي عندك راهي غير من الهرونات لي في جسمك راهيي تتبدل هادا ما كان

دوك عامين تلاتة تلقاي روحك كبرتي و تفهي الدنيا قاااع و تبانلك المعاملة تاعهم تبدلت

راهي قاتلك الاخت اقراي سورة البقرة راهي مليحة,, و اصبري غييير شوي برك و الله غير ربي يفرج

مَجْنُوْنَةٌ أَنَاْ · 2012-08-17, 20:36

سلامو ختيتو
العامل الكبير في هادو الحوايج كامل هو انك دخلتي مرحلة المراهقة
تولي تحسي بلي قاع الغاشي يحقرو فيك
و تعودي حسااااااسة فوق اللازم
كاامل فتنا عليها هادي
و تكبري شوي تتبدل ان شاء الله
أوك ماتقلقيش روحك برك ختيتو أوك ؟؟

و على المشاكل تاعك
أولا بابك : حاولي تساعفيه و خممي بلي هو يخدم برا و يعيا بزاف و حاجة عادية تخدميه
و بالاك راهو يشوف في ماماك تتعب بزاف علابيها يقولك ليك و مايطلبش منها
و نورمال حاجة عادية تخدمي باباك و حتى اذا قلقك و زعفك حاولي تكوني حنينة معاه بش مايزيدش يعيط فيك
و ديريها على وجه ربي خاطكش ربي وصانا بالوالدين و لازم نبروهم في جميع الحالات

ثانيا : مامك ، كاينين بزاف المامات اللي كيما هكدا ، وش نقولك غير طيعيها و اخدمي معاها و عاونيها ( مالغري كامل نعياو من الخدمة و نكرهو منها ساعات بصح هادي هي وش تدير )
و ربي راهو وصانا بيها فالجنة تحت اقدام الامهات خممي في هادي ديما ماتنحيشاش من بالك كي تديري الحاجة على وجه ربي تجيك ساهلة و حلوة
و حاولي تبينيلهم كامل بلي راكي شاطرة و موش فنيانة بش ماتقدرش تقول بلي ماكيش تعاونيها
و اذا كنتوا ماتتفاهموش حاولي تقربي من باباك خاطكش قلتي بلي كنتو قراب حاولي ترجعي هاديك العلاقة خاطكش تلزمك علاقة مليحة مع كانش واحد من عايلتك ماتكونيش كونطرهم كامل ، راكي تتعبي بزاااف و كي تطيحي في المشاكل تلقاي روحك وحدك

خاوتك : حاولي تحسسيهم بلي راكي تتعبي بزاف ، تعاوني ماماك تخدمي باباك بزاف عليك ، نورمال تخدميهم في حاجة ، تسخنيلهم الغدا و الا حاجة كيما هكذا ، بصح حكاية الكاس بزاف ،، بصح حاولي ماتواجهيهمش بيها بش مايزعفوش عليك و يعيطو عليك ، يعودو يحوسولك على الغلطة بالضو .

و القراية ماتقلقيش روحك بيها ، بالاجتهاد كل شي يكون سااااهل ان شاء الله .

و ان شاء الله تفوتي هادي المرحلة بسلااااااااااااااااام احكمي في ربي برك و كل شي يجووووووز عليك ساااهل

bladi dz · 2012-08-17, 20:43

يا حنونتي الصغيرة تامني قااااااااااااااع فتنى على هذيك المرحلة والله صدقيني انا تاني كنت نكره الاب والام تاعي تامني بالله كنت نحس روحي مشي بنتهم كنت نحسب لقاوني والله هههههههههههههههههه

بصح دروك كي كبرت فهمت بلي هذيك مجرد احاسيس عابرة وامني حبيبتي اهلك يحبووووووووووووووك بزاف

وغادي تكبري ان شاء الله وتتفكري هذ الصوالح وتضحكي كيما انا

ننصحك حبيبتي حاولي متعيشيش روحك في الكابة والغضب لانك منبعد غادي تعرفي بلي ضيعت وقتك واحلى سنين عمرك في مشاعر غير صحية وغير صحيحة

اضحكي حبيبتي وعيشي سنك وليقولولك اهلك ديريها ديريها صدقيني متلقايش في كتفك غير اهلك والله عن خبرة وتجربة

قابضة على الجمر · 2012-08-18, 16:52

انا نقترح عليك تكون صداقات مع بنات متربيات و هوما يعاونوك تحلي مشاكلك كي تبعدي عالعايلة تعرفي قيمتها

صالح القسنطيني · 2012-08-18, 18:00

و الله ضحكتيني

تكبري و تفهمي و انت لازم تخدمي في الدار و لازم تعاوني خوتك ههههه

lilou f lilou a · 2012-08-18, 18:37

ربي معاك أختي الصغيرةةةةةةةة

djeriou · 2012-08-18, 18:56

عباد الله كامل راكي كارهتهم

الله يهديك يا إبنتي

عائلتك لن تجدي مثلها و لازلت صغيرة في السن، تعلمي أن تحبي أفراد عائلتك

الله المستعان

~ أســـرآر ~ · 2012-08-19, 12:06

يا أختي راكي تكرهي العايلة تاعك كامل هكذا ؟

معليش أختي راهي مرحلة المراهقة وتفوت عليك ان شاء الله .....

حاولي برك نتي تتحكمي في أعصابك شوية ....

الفتآة · 2012-08-19, 12:19

السلام عليكم ورحمة الله وبركاته
أختي الكريمة، هاته مرحلة مراهقة فقط وماتشعرين به شعرت به أنا أيضا
ويؤسفني أن أقول أني في مراهقتي أيضا كنت أتحسس كثيرا من جهة والدي ولا أحب أن أقرب إليه وإن لم يفعل لي شيئا
أما باقي الأمور التي تحدث مع إخوتك فهي لاتسمى بالمشكلة لانها تكاد لاتخلو من كل بيت
ومع مرور الوقت ستتعودين على هذا الأمر بل وستضحكين يوما ما عل تصرفاتك

النجمة القطبية · 2012-08-19, 12:38

والله حرت يا طفلة تكرهى باباك وتكرهى يماك وتكرهى خاوتك خاصة الكبير هههه امالا شكون تحبى باينة تحبينى انا
اولا نحى كلمة كره من قاموسك ولازم تعرفى لوكان باباك ميحبكش وداير فيك الثقة ميضغطش عليك هكذا يعنى انتى اقرب واحدة ليه
الصراحة وتحبى الصح انا تبانلى مش نورمال عمرى ما كرهت بابا وعادى حتى انا يقولى اعملى وجيبى وو هذى حاجة عادية بالعكس مش خسارة فيه خليه يدلل على بنتو
والام طبيعى تضغط على بنتها
والاخوة مممم بما انهم اكبر منك اكسبيهم وعادى كامل الخاوة يتقلقو مع بعضاهم
انا تبانلى مشاكلك كامل سببها عامل السن لان فى سن المراهقة الواحد يكون حساس
مع الوقت راح تتحسن امورك

lidouch · 2012-08-19, 12:42

انا بابا كون يخدمني كل دقيقه نفرح

adda89 · 2012-08-20, 00:37

السلام عليكم
يااختي الكريمة قللي من النرفزة والقلق فانت في سن المراهقة ويجب الصبر على عائلتك وبالاخص الوالد الكريم يجب عليك طاعته والاخذ بنصائحه

Floona · 2012-08-20, 14:19

أنا تاني كنت كيفك كآآآرهة حياتي وكرهتهم كامل وضيعت قرايتي ودرك كبرت ندمت على الوقت لي ضيعتو في صغري غير فالتخمام
يديرولك واش يديرو ماتفرطيش في قرايتك وماتكثريش من التخمام بزاف حاجة ماتستاهل

imene12 · 2012-08-20, 17:24

عاااادي جدا هذه المرحلة ... اغلبنا فاااااااااات عليها