بالله عليكم كفاكم تخلفا ورجعية

[كاميلا]

السلام عليكم وكل عام وانتم بخير

اليوم حبيت ناقش معاكم ظاهرة اصبحت لا تطاق والله في المساجد تهافت النساء للصلاة في رمضان سواء التراويح او التهجد
والله انا شخصيا كرهوني موليتش نحب نروح لا لشيء الا للسلوكات المستفزة للنسوة وخاصة الكبار في العمر
انا من زهري لمليح شكلي لا يوحي بعمري يعني انني في وجهي نبان وحدة تاع ليسي وهنا المشكلة تلقى وحدة تجيك وبكل وقاحة تخزر فيك وعلاش قعدتي هنا وحدة تجي تامرك عيطيلي على بنتي فلانة وين نعرفك ولا نعرف بنتك ؟؟؟؟؟ عجيب بل وفي وسط الصلاة هو قال الله اكبر وكي شافتني مرديتش عليها طبعا من الوقاحة جات ليا ودخلت راسها قريب لكتفي و حطت يدها عليا وتعيط على بنتها انا تعرفو هبلت من هاد الجاست الى هاد الدرجة لا احترام للمسجد ا سيدي متحترمينيش احتارمي قدسية المكان اللي راكي فيه
ومنحكيلكمش على الاماكن تقول كاريينهم ويحك كون تقعد في بلاصتهم تجي تستفزك باش تنوضي
وحادثة اخرى لامود الجديدة تاع الكراسي كانو يحطوا كرسي صغير دركا عادو يجيبوه قد تاع القهاوي يحبسواللك مخك
يا الاهي ماهذا اترباو شويا كل مكان وقدسيته بيت ربي هذا ماشي كوفي شوب
لا حول ولا قوة الا بالله

[بومزراق يسرى]

لا حول و لا قوة الا بالله ...نسأل الله تعالى الهداية و الصلاح لكل الأمة الإسلامية ....اما عن ظاهرة عدم احترام الناس لبيوت الله فهي لم تعد موجودة فقط في الجزائر بل تجدينها حتى في بلدان أخرى..... بل حتى و في الحرم المكي .... مؤخرا مع بداية رمضان (15 أيام الأولى) تم القبض على اربعة نسوة في الحرم المكي يسرقن ...!! الصغيرة فيهم يكون عمرها 60 سنة و الأمور الأخرى غير خليها......نطلبولهم الهداية ...مشكورة أختي و صح عيدك

[كاميلا]

والله عادات كثيرة انشرت بزاف في مجتمعنا اصبحت لا تطاق

[الواثق]

نحتاج منك نظرة مشفق لهن وان تعضيهن بالتي هي احسن .......................فكل منا كان يعمل اشياء في القديم ويفتخر بها ولكن بعد فترة عرفنا اننا مخطئون ورجعنا عنها .............................تقبل الله منا ومنكم

[كاميلا]

المشاركة الأصلية كتبت بواسطة الواثق

نحتاج منك نظرة مشفق لهن وان تعضيهن بالتي هي احسن .......................فكل منا كان يعمل اشياء في القديم ويفتخر بها ولكن بعد فترة عرفنا اننا مخطئون ورجعنا عنها .............................تقبل الله منا ومنكم

هذا كان دور المشرفات في المسجد والمتطوعات لكن النافع ربي

[SABI 43]

كاميليا عيدك مبارك و ربي يهدينا أمين يارب العالمين

[رجاها 22]

لاحول ولا قوة الا بالله
ماعلينا غير نقولو اله يهدي ماخلق هدي ظاهرة ولات في كل المساجد يتلايمو فيه باه يديرو الضحك و التمنشير فالغاشي
الله يهدينا و الله تحيري ماتلقاي ماتقولي الله يجيب ساعة الخير برك
جزاك الله خيرا على الطرح لازم الاخوات ينتبهو ليه

[كاميلا]

شكرا جزيلا سابي ورجاها عيدكم مبارك

[الواثق]

المشاركة الأصلية كتبت بواسطة كاميلا

هذا كان دور المشرفات في المسجد والمتطوعات لكن النافع ربي

هو كذلك دورك .............وانك لاتهدي من احببت ولكن الله يهدي من يشاء

[كاميلا]

المشاركة الأصلية كتبت بواسطة الواثق

هو كذلك دورك .............وانك لاتهدي من احببت ولكن الله يهدي من يشاء

وانا قلت من قبل باللي مايديوهاش فيا يحقروني حاطيني تاع ليسي بالمختصر المفيد تنصحهم وحدة ضخمة الجثة وفي وجها التجاعيد باش يتقنعوا والا راح ميديروش عليا يستحضرني موقف كان عنالك في غرفة اظافية للصلاه صفان الصف الثالث فرغ لانهن عمروا الثاني انا ومرا اهبطنا للصف الثالث باش ميبقاش فراغ كبير والصف اللي ورانا وحدة زغقت فيا قتلي الصفوف هادوك فرغوا خلاص سي بو وعلاش رايا نتم والله عجيب انا لم ارد عليها ماشي تجي هي وتخلصلي حسناتي في زوج كلمات لكنها في الاخير رضخت للامر الواقع وتمسكها بالصف البعيد لانها تريد تقابل النافذة باش تتهوا

[djeriou]

عيدك مبروك أختي الكريمة

هذه الأمور كلها توجد و تلقيها في بيوت الله لكن أختي الكريمة ديننا يدعونا إلى أن نكون أكبر من هذه الأمور أي أن تبتسمي لمن كسرت في وجهك، أن تحترمي من تفوقك سنا و لو قالت لك ما لا يعجبك، أن تقولي لمن تصرفت معك تصرفا لا يعجبك الله يحفظك، والله تصطلح الأمور، و لا تدعي هذا الأمر يمنعك من المساجد و احرصي على صلاة العيد بارك الله فيك

[كاميلا]

المشاركة الأصلية كتبت بواسطة djeriou

عيدك مبروك أختي الكريمة

هذه الأمور كلها توجد و تلقيها في بيوت الله لكن أختي الكريمة ديننا يدعونا إلى أن نكون أكبر من هذه الأمور أي أن تبتسمي لمن كسرت في وجهك، أن تحترمي من تفوقك سنا و لو قالت لك ما لا يعجبك، أن تقولي لمن تصرفت معك تصرفا لا يعجبك الله يحفظك، والله تصطلح الأمور، و لا تدعي هذا الأمر يمنعك من المساجد و احرصي على صلاة العيد بارك الله فيك

لا لا هاد الامر ممنعنيش من الصلاة لكني اظن انني نصلي في داري احسنلي من حرق الاعصاب واظن انه احسن واحسن

[alilho]

الى متى سنبقى هكذا ... نتدمر ... نشتكي ...

الأولى يا أختاه ... أن تبدي النصيحة لهن فهن نساء كبيرات في السن وعذرهم الجهل فزمنهم ليس كزماننا

أنا بصراحة أرى أمور منكرة أيضا في المساجد ولكن أحاول قدر المستطاع النصيحة فرسول الله صلى الله عليه وسلم يقول الدين النصيحة

مشكلتنا هي أننا لا نأمر بالمعروف ولا ننهي عن المنكر ولا ننصح لله

لهذا انتشرت الاخلاق الفاسدة والسلوكيات السيئة

لا حول ولا قوة الا بالله ... اللهم أصلحنا وأصلح بنا

[كاميلا]

المشاركة الأصلية كتبت بواسطة alilho

الى متى سنبقى هكذا ... نتدمر ... نشتكي ...

الأولى يا أختاه ... أن تبدي النصيحة لهن فهن نساء كبيرات في السن وعذرهم الجهل فزمنهم ليس كزماننا

أنا بصراحة أرى أمور منكرة أيضا في المساجد ولكن أحاول قدر المستطاع النصيحة فرسول الله صلى الله عليه وسلم يقول الدين النصيحة

مشكلتنا هي أننا لا نأمر بالمعروف ولا ننهي عن المنكر ولا ننصح لله

لهذا انتشرت الاخلاق الفاسدة والسلوكيات السيئة

لا حول ولا قوة الا بالله ... اللهم أصلحنا وأصلح بنا

عاود اقرا واش كتبت

[ايوب ناصر]

لا حول و لا قوة الا بالله ...نسأل الله تعالى الهداية و الصلاح لكل الأمة الإسلامية .