الى الرجل,, لك كيف تتزوج

[amokrane_malik]

أولا لازم تعرف أنه لا وجود في الواقع للفتاة المثالية الموجودة في خيالك
ثانيا لن تأخذ الا اللي راهي كاتبهالك ربي
ثالثا البنات نوعين،، صالحة وطالحة,, الصح فيك انت اذا كنت تعرف كيف ترضي ربي في كليهما
رابعا لازم تكون واجد ماديا ومعنويا قبل ماتمد أي كلمة


الخطوات

شوف كاش رجل تعرفو مليح محترم عجباتك صفاته وأخلاقه عندو النيف وصلاته في المسجد وسمعة عائلته مليحة
سقسيه اذا عندو بنات للزواج اذا قالك نعم اتكل على الله وابعث داركم يشوفو بنتو والا اختو والا اللي يوريهالك
اذا عجبتهم روح اخطب وشوفها
اذا عجباتك و عجبتها وتفاهمتو على شروطكما خير البر عاجله

الوقت الازم مابين ما تهدر مع هذاك الرجل اللي تعرفو و الزواج يكون حسب ما تقتضيه الظروف

أي حاجة أخرى ما عدا ما سبق فهي وساوس من عمل الشيطان
لا بورتابل لا نت لا شفتها لاعجبتها لاضحكتلك لاغمزتلك لاتلاقيتو لاهبطتو لاطلعتو

هذا اذا كنت حاب ترضي مولاك تعيشو راجل ومرا
اذا حاجةأخرى ربي يسهل عليك واتحمل مسؤولية خيارك


واخيرا لازم تعرف أنو الطفلة أمانة واذا تعرف روحك ماشي تع أمانة وماتعرفش كيفاه تحافظ عليها غير اخطيك ,, غير ما في نفسك أو عش حصورا

[Floona]

;;;;;




علابالك إستنينا لي يجي يخطب هكا بقينا فالديار

ولي راهم دارو رايهم قريب يزوجو ولادهم





::::

[arbodar]

المشاركة الأصلية كتبت بواسطة floona

علابالك إستنينا لي يجي يخطب هكا بقينا فالديار
ولي راهم دارو رايهم قريب يزوجو ولادهم

لا تقولي هذا الكلام فقد تحصلين به اثما
فانما هذا نصيب و المؤمن يؤمن بالله و القضاء والقدر
هل تحسبين انه من شطارتهن جاء نصيبهن؟
انما الزواج قسمة و نصيب و واحد ما يجيه نصيبه الا باذن الله و ليس شطارة منه
فشدي في ربي و الله في خلقه شؤون و حكم و يرزق من يشاء و يمتحن من يشاء
و لا يغلق الله بابا بحكمة الا فتح بابان برحمة
و الله يرزقك بزوج صالح و يجعلك زوجة صالحة و يرزق كل شباب و بنات المسلمين

[Floona]

أستغفر الله
والله ليس قصدي السوء أو إنكار القضاء والقدر
لكن ياأخي لي يجي يخطب يقولك نعرف عقليتك ونحكي معاك

[رشــــ81ــــا]

المشاركة الأصلية كتبت بواسطة floona

أستغفر الله
والله ليس قصدي السوء أو إنكار القضاء والقدر
لكن ياأخي لي يجي يخطب يقولك نعرف عقليتك ونحكي معاك

والله يا أختي كلش بالمكتوب و الكلام لقالو الاخ جد صائب
ومتخميش بلي هذوك تزوجو بشطارتهم هذوك عبرو على اخلاقهم فقط و بانت في سلوكياتهم
و لي بنت فاميليا تبقى بنت فاميليا و متربية و مكتوبها يجي يجي كيما حبولها ربي
كثري برك من الدعاء و ربي هو الرزاق
رددي دائما ربي لا تدعني فردا و انت خير الوارثيين اجعلي لسانك رطبا بها و سترين النتيجة

[amokrane_malik]

المشاركة الأصلية كتبت بواسطة floona

;;;;;




علابالك إستنينا لي يجي يخطب هكا بقينا فالديار

ولي راهم دارو رايهم قريب يزوجو ولادهم





::::

هذه محاولة مني حتى نغير من هذا الوضع الغير فطري وحتى يعلم اخواني طريقة الزواج الأكثر نجاحا وتوفيقا من الله


ونعطيك فكرة مليحة

اذا الشباب تهافتو على البنات اللي تخلط وما تخافش ربي فأعلمي يقيناأنهم مايستاهلوش بنات الفاميليا فكيف ترضين لنفسك بشخص مايستهلكش
هذه من علامات فساد المجتمع فكوني الصالحة التي تتخطى في مسيرها الى الله كل حقير ومتدني ولا تكوني مع الغاشي ان أصاب أصبت وان أخطأ أخطأت,, وما أكثر أخطائه وأندر صوابه


هذه الدنيا ابتلاء ولا علاج للابتلاء سوى الصبر


وَالْعَصْرِ(1) إِنَّ الإِنسَانَ لَفِي خُسْرٍ(2) إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ(3)

[سجل أنا جزائري]

صعيبة شوي هذي تع تسقسيه كاش عندكم بنات

تعرف عقليتنا احنا الجزائريين سقسيه على كلش أبار لافامي ما دورش بيهم و زيد أغلب الجزائريين كي تسقسيه عندك اختك يقولك ما عنديش حتى و يكون نيتك حلال !

و ثاني انا ما نقدرش نبعث الدار ل طفلة جامي شفتها ! على الأقل نعرف شكلها ؟ مش لازم نكون هدرت معاها مي على الأقل نعرف عليها

شوي معلومات, مش نبعث الدار مبعد ما تعجبهمش تبهدل معهم و مع السيد هذا , لازم نكونو واقعيين شوي خويا

الوقت تبدل ذرك ما بقاتش دير النية و و روح اخطب , ذرك دير عليها اونكات و يا ربي طيح في وحدة مسقمة

[YARMORACEN]

كاين لي حب يتزوج و تتزوج و خلاص ، ما يهمش واش كاين في القلب و لا في لعقل ، هد الطريقة ممكن تنجح مع شي ناس و ممكن تفشل تاني ، أنا شخصيا تفشل معايا ، لأني شفت و قفت على وقائع لحالات سلبية ناتحة عنها ، كيما قالت Floona لو كان ما نعرفش عقليتها و واش في قلبها ، محال نتزوجها ، كاين لراح يقولي كاين فترة الخطوبة نتعرفو ، لكن صدقوني هدا الفترة يكثر فيها التمثيل و النفاق ، المجتمع تبدل ، بكري كانت واجبات و حقوق المرأة و الرجل باينين بحكم العادات و التقاليد ، يعني تقريبا الفتيات تلقهم نسخ مطابقة ، لكن الأن الوضع تغير ، ممكن زوجتك تكون تحب في واحد ، و قلبها معلق بيه ، و بعد أشهر أوحتى سنين تكتشف بلي عشت كدبة فقط . كاين لي يقبل بهد الشي ؟ أنا لا

[sarl02]

للاسف يا صاحب الموضوع بالنسبة الي طريقتك هذه ما تخدمليش اطلاقا...راك رجعتنا 600 سنة للوراء يعني مالوقت الي كان فيه الراجل اروح اجوز لارمي يرجع يلقى مراة جديدة فالدار يتخبى منها ..اقولولو ارواح ما تهربش هذي مرتك ....انا مانيش انقولك حب واعشق واتمسخر واسهر الليالي فالتلفون باش تتزوج باي فتاة ..لكن هناك تعارف جاد في موقف معين يعرف من خلاله كلا الطرفين وضعية الاخر ويكون هذا التعارف الجاد لغرض الزواج فقط.

[امبراطورة الجزائر]

chokraaaaaaaaaaan

[امبراطورة الجزائر]

chokraaaaaaaaaaan.

[arbodar]

المشاركة الأصلية كتبت بواسطة yarmoracen

ا ، كاين لراح يقولي كاين فترة الخطوبة نتعرفو ، لكن صدقوني هدا الفترة يكثر فيها التمثيل و النفاق ، المجتمع تبدل ، بكري كانت واجبات و حقوق المرأة و الرجل باينين بحكم العادات و التقاليد ، يعني تقريبا الفتيات تلقهم نسخ مطابقة ، لكن الأن الوضع تغير ، ممكن زوجتك تكون تحب في واحد ، و قلبها معلق بيه ، و بعد أشهر أوحتى سنين تكتشف بلي عشت كدبة فقط . كاين لي يقبل بهد الشي ؟ أنا لا

النفاق او التمثيل اذا راح يكون فراح يكون بعد ولا قبل خطوبة يعني لي ماشي صادق و يمثل فلن يختلف الامر معه سواء قبل او اثناء الخطوبة
روح شوف شحال من حالة طلاق بين ناس كانو لسنين على علاقة كيما راك تقول و لكن كل هذا شي و الزواج و العشرة شيء فهي من تجعلك تعرف الشخص حقا و من بعد تسقسيهم كيفاش يقولوك ضرك باش عرفته على حقيقته ولا يقولك تبدل
...الخ
و الخطوبة ليست زواج بل وعد بزواج و قد تفسخ في اي وقت يعني هي فترة جعلها ربي باش كل طرف يخمم مليح قبل لا يتخذ خطوة الزواج
و الطيبون للطيبات واحد يحاول يصلح نفسه و يعفها و يكون مليح و ان شاء الله يلاقيه بمثل ذلك و لي شاف وحدة و عجباتو ينويها للحلال و يطرق البيوت من ابوابها بعد السؤال
والشخص لي شايف روحه مزااااله بعيد بزاف على الزواج و مزال مش قادر عليه و واجدله
هذا افضل له يهني روحو و الا راح يوجع راسو برك
الوقت صعاب و الفتن كثرت
و الله يهدينا على كل حال و يرزقنا من حلاله فيغننا به عن حرامه و يقوينا على الفتن

[arbodar]

المشاركة الأصلية كتبت بواسطة sarl02

للاسف يا صاحب الموضوع بالنسبة الي طريقتك هذه ما تخدمليش اطلاقا...راك رجعتنا 600 سنة للوراء يعني مالوقت الي كان فيه الراجل اروح اجوز لارمي يرجع يلقى مراة جديدة فالدار يتخبى منها ..اقولولو ارواح ما تهربش هذي مرتك ....انا مانيش انقولك حب واعشق واتمسخر واسهر الليالي فالتلفون باش تتزوج باي فتاة ..لكن هناك تعارف جاد في موقف معين يعرف من خلاله كلا الطرفين وضعية الاخر ويكون هذا التعارف الجاد لغرض الزواج فقط.

و هل يتقبل هذا الشخصص الذي يفكر كذلك
اانه كما هو يريد ان يتعرف على بنات و اخوات الناس" تعرف جاد او سمه كما شئت"
فهناك من سيرغب في التعرف على اخواته او بناته؟!!!!!
كم من شخص ادعى ذلك و لعب ببنات الناس
من يحب فتاة بالله سيحافظ عليها حتى من نفسه

اليوم اصبحت الخطوبة عندنا تعتبر عند الناس تحصيل حاصل
بل الزواج بكل اصبح تحصيل حاصل
فهم يعيشون ما يعيشه المتزوجون و لكن قبل الزواج
و يعتقدون ان بذلك سيعرفون بعضهم جيدا لكن مع هذا نرى حالات الطلاق تزيد
فالزواج اصبح مفهومه حول الشهوات كما تروج له الافلام و المسلسلات

على عموم زماننا صار صعب و مليء بالفتن و الناس مالقاتش راسها من رجليها
الله يصلح الاحوال

[OmarDz]

راك روطار خويا
أنا بنت جامي شفتها جامي نبعثلها دارنا هاذي ديرها في بالاك
وانت كما نديرو راك بعث لافامي وعجبتهم من بعد جيت انت تشوفها ما عجبتكش ؟ كيفاش يكون ردك؟ جاوب اذا قدرت
صحيح لي يتعب رايحة تطفر فيه سيرتو مع وقتنا هذا
المهم شكرا على الموضوع

[allmaza]

والله ننصحكم هدوك لي تزوجو بالغراميات من قبل مايثقش فيها زوجها من بعد يبقى يشك فيها
انا الحمدلله تزوجت زواج من اول مرة شافني بعث خطبوني وتعرفنا على بعض في فترة الخطوبة
والحمد لله بيناتنا ثقة كبيرة واحترام متبادل