البسباس..... بطريقة جديدة ولذيييذة

[مريومة الاطرش]

السلام عليكم و رحمة الله تعالى وبركاته

دايما نسمعو بزاف ناس يقولك منحبش البسباس وانا منهم ههه
اليوم جبتلكم طريقة جديدة من ابتكاري ميبانش فيها البسباس ابدااا بالعكس طعممو راااائع

نحتاجو الى : كمية من البسباس على حسب الحاجة
كمية من اللحم المفروم
سنات ثوم مسكرفجين نديرو مليح
خبز يابس مرحي
بيض حسب الكمية
معدنوس و ملح و فلفل اكحل وتوابل للي تحبي
الطريقة : نجيبو البسباس بعد مانقيناه و قطعناه ارباع نديروه يغلي في ماء و ملح حتى يطيب ملييييح و نصفوه و نرحوه اما باليد او بالمكسور و نديروه في كسكاس يقطر مليح ... من جهة نخلطو اللحم المفروم مع التوابل و الثوم و المعدنوس و نضيفولو البسباس بعد مايقطر و نشفوه شوية بالخبز اليابس قدر مانقدرو نتحكمو فيه
نشكلوه كويرات او اصابع و نرمدوه في البيض و الخبز اليابس و نقليه في زيت سخون و نديروهم في ورق ماص ونقدموه مع اي حاجة تحبيها انا درتها مع طاجين جلبانة


صدقوني طعمها رووووووعة ياريت تجربوه وتردولي لخبر سيرتو للي ميحبش البسباس يولي يحبو هههه

ملاحظة: تقدري تضيفي الفرماج الطري للخلطة و تقدري ديري شوية كرام فراش مع البيضة للي نرمدو فيها جي واااااااااااو

تقبلوني اول مرة نشارك معكم هنا شكراااا وشجعوني بردوردكم والاهم بتطبيقاتكم[/]