تخمام الزوااااااااااج

[سفير الأيام]

السلام عليكم حبابي وصح فطوركم

راكم عارفين خوتي بزاف منا اللي يتزوجوووا سيرتوووا في هاد الوقت كاين شي عباد حاسبينه
لعبة وكاين متخيله جنة بلا مشاكل وكاين اللي يقولك ربي رزاق تزوج وربي يسهل

راني معاك ربي يسهل بصح لازملك تخطط لحياتك وتفكر مليح كي حاب............................... تبني حياتك على الصح ولا على التبن الراشي

يليق تركزووو في فعايل الطفل والطفلة

دير في بالك شفت الطفلة ولا الطفل حسب الشريعة بما هو مدكور بوجود محرم لكن اثاء فترة الخطوبة ستظهر افعال وربما اقوال توضح نظرة الشخص مستقبلا لما هو محدده وخصوصا في هده الحـــــــــالة اين تكثر اقاويل المعسولة والأفعال الكادبة
نعيشك عيشة السلاطين لالا خويا انا حابة الهنى وراحة البال ماخاصني نحلم بسندريلا ولا لابيسين في البيت

وكامل إدا كانوااا كاينين واش من بنتهم إدا كان الهنى مكاش

انــــــــــــــا متدين : بصح بينلي دينك في تعاملك مع العباد إدا كانوااا يحبوك ويحترموك ماهوش صورة تخبي موراها خدمة البلايسة

ولا تعاملك مع الوالدين إلى متهلي منهم ولا مكلحهم
وهاد الشي مع الوقت كلشي يبان على جال الكدب طريقه قصيرة

بصح بينلي شطارتك انت تحس بالمسؤولية ولا لالا سيرتوووا نهار الصح نهار نديرواا دراري صغار وهداا ما يجي غير كي يكون عندك شي مال محجره لنهار الحزة وين تطيح بيك ما تمدش يدك للنـــــــاس وهي تظل نافرة منك



المصارحــــــــــــــــة

في هاد النقطة كل واحد يصارح الثاني على جال كاين اللي يحبها خدامة ونهار العشرة يلقى ولاده صغار ومكاش اللي يشدهم هنا معناها ما دارش حسابه ياخي انت قبلت بيها وبخدمتها يليق تتنازل والتنازل يليقله الصبر والقلب كبير وانت وليت مسؤول

يليق تتحمل ما تعاير بنت الناس ما تقولها حبسي خدمتك ما شي هي الغالطة انت السبة ولازم تدبر على حــــــــــــــــل شريكي

عدم الحلم و عليك العيش عيشة الواقع

كاين اللي يكتبلها ربي واحد ملتزم بصح ما يشبهش لتوم كروز وهي بكثرت الحلم تظل تقارن فيه ياه عينيه شابين بصح يشبه للممثل الفلاني ولا لهداك ولا تسمع لهدرت الناس بزاااااف ياه واش من راجل داته ماشي شباب


انتي حابة تديري دار ولا تصنعي فيلم

فهمينا

تفكري الممثل ديالنا الحاج بوبقرة ياخي الشبوب ناقص بصح راجل والجزائر كامل تحبه

ولا واش ديري بواحد شباب بزاف كباربي غادي تلصقيها في الحيط

الراجل اللي يتغبر واللي يخدم بالحلال يدخل تعبان وربي يجعله في ماله البركة

ولا واش ديري بواحد انووووووووش يظل يحكيلك على الفيمات المدبلجين

خافي ربي وبدلي العقلية إلا حابة تنجحي

التكليف في مصاريف العرس

تلقاه هي مهرودة عليه وحاب يجيب ليموزين والديجي وهي بنت مسكين تبكي وتشكي وتقول

لماليها يشرولها سلسلة تاع دهب ب 25 مليون

ياخي الزواج بالحلال وحتى واحد ما مسيف عليك علاه تخموووا غير في هدرة العباد وتزينوووا هاديك اليومين ولا 3 أيام

فكروووا في ليام اللي غادي تواجهكم وتكاليف الأولاد وهوما صغار
اللي المرض يأثر عليهم قبل ما يعبوووا

تفكر نهار الأول في الصباح ولا الزاوج تنوض تلقى جيبك خاوي واش تعمل تولي من نهار الأول تتسلف ياخي حالة

التقرب من الزوجة

يليق تتعلم الثقافة الزوجية الكلمة الحلوة والتعامل الحسن
على جال التعامل ديالكم هو اللي يأثر من بعد على تربية ولادكم والنشأة ديالهم

وانتي فوتي العقلية تتزيني للعباد في العروسات وتخلي زوجك يلاحظ هدا النقطة

يقولك غير الريحة اللي تتعطر بيها المرأة وتفوت على الناس شغل زنات معاهم وينك تروحي للعرس وتطلقي روحك

هادي اي واحد ما يقلبها وانا نسنييلك عليها كلمة
طالق

غير هنا نحبس على جال وقت التمرينات الرياضية ايا بصحتكم ممبعد إن شاء اللــــــــــه