مسلسل ''من السحور للفطور رمضان دوار الزهور''

[نَقَآءْ اَلْسَرِيْرَهـْـ]

رمضان كريم و كل عام و انتم بألف خير

ملخص المسلسل:لأول مرة في منتدى الجلفة , و بالنسبة لي و بمناسبة الشهر الفضيل , أقدم لكم مسلسل من إنتاجي بعنوان ,


من السحور للفطور رمضان دوار الزهور


و الذي تدور أحداثه عن عائلات دوار ,في رمضان المبارك , أما أبطاله فهم أعضاء المنتدى الكريم ,و مع كل حلقة تظهر شخصيات جديدة ......


الابطال :

الزلابجية :


صالح القسنطيني.........بدور صلحون بائع الزلابية


سلطان 42......بدور سليطنة بائع الزلابية


ساموراي........بدور سوما مساعد البائعين


عائلة العمدة :


نور الدين.......بدور العمدة


التواقة للجنة.....بدور طوماطو ربة المنزل


حقوقية....بدور سعدية الطباخة


أمينة 34.......بدور شحرر, البنت المشاغبة


الزهرااء.........بدور القطة , البنت حارقة الأخضر و اليابس


دنيا الدموع........بدور دندون المدللة


عائلة طرطق :

حمزة ........بدور حمزون , صاحب بقرة الجيران و المرعى



إكليل الورد........بدور لموش مهووسة المسلسلات

لحن الوفاء.......بدور رحمحم , البنت الحاذقة

شيراز2009....بدور ماروكو المقهورة

عائلة عرعار :


وردة بجاية.....بدور الأم دردر الستيلمن النهار للليل


azarthee......بدور مريمرة القراية


Kamel alg........بدورالكامل نائب شيخ الدوار

الدوار:


اسلااااااااام....... عليبسة في دور شيخ و حكيم الدوار

المخفر :


علالو.....بدور ابو العلال رئيس المخفر


عادل الجلفاوي........بدور عدلون مساعد رئيس المخفر


dolli -84............بدور دلالة, الخابوريست

الجامع :


سعيد..........بدور سعدون امام المسجد


المهندس 79......بدور حماد مدير المسجد

السوق :


rami2323...........بدور رامن البقال


باديس...........بدور بادي صاحب الماء


سولاف..........بدور سنسن الحلاقة

Aucun avenir........بدور طرمنطقطق الخباز

[الـ^ـسَّــآآحِـ^ــرْ ،]

هههههههههه هذي مليحة ، واش تحتاجو كيلو زلابية و لا زوج .

[إبتسامة أبي]

هههههههههههههههههههههههههههههههههههههههههههه
واش هاذي الأسماء تقتل بالضحك
ربي يبارك عائلتنا متكون من 5 أفراد

[الـ^ـسَّــآآحِـ^ــرْ ،]

هههههههههههههههه ، سوما .

[نَقَآءْ اَلْسَرِيْرَهـْـ]

الحلقة 1:

من السحور للفطور رمضان دوار الزهور

الكل ما رقد , بايتين قاع يسجيو , الزلابجية يتمرغوا مع العجينة , و العمدة كالبصلة المحروقة هو و الشيخ ما تغيبهم غيبة , و كل عايلة في السماء طايرة , السوق المكبوب تنظف و اصبح مقدود , و الجامع بالضوء تزين , و مديرو على ما انفق يتحسر , اما المخفر و جماعتو فراقدين لا خدمة و لا قدمة من المشاكل متفاضيين.

صلحون : سليطنة جيب الفرينة و اسكب فوقها الماء حتى تولي روينة
سوما : انا نروح نجيب السكر من عند عمي رامن و نولي
رامن : يا فتاح ياعليم واش تبغي
سوما : 15 كيلو سكر
رامن : هات الصوارد
سوما : قالك سليطنة مركي على الحساب.........ههههههه
و بالدالة , المسكين رامن راح يهبل :كل شيء كريدي
طرمنطقطق : رامن خويا كرديلي 20 كيلوا فرينة و 7 شكاير ملح و الخميرة , و على الحساب
رامن : الكرني تملا دوك نعود نمركي في قشي
العمدة : شحرر امشطي هاذيك الشعيرات و طيري لعند بادي قوليلوا يفتح العين انتاع الماء لتفتحلي القطة راسي كون ما تسيقش ...........
شحرر : و لقيتها فرصة , منو نعقب على سليطنة و صلحون نقلبلهم القصعة انتاع الزلابية و نهرب .........ههههههههههه
القطة : العمدة وين راه الماء , كون ما يفتحهاش بادي نعلقكم قاع في السماء
طوماطو: اصبري يا طفلة كي العمدة بصلة محروقة
و جات رحمحم بنت الجيران , حاملة سطل حليب بقرة الجيران
رحمحم : عمي العمدة هاذ الحليب و قالك بابا حمزون ابعتلي الصوارد
العمدة : قوليلوا يمركي على الحساب , الجيبة فاضية , و الايام ماضية ..........
رحمحم : بابا قالك مركي على الحساب
لموش : رحمحم انا اختك , غدوة نخدم , فكل مسلسل اكتبيلي اسمو و الوقت و التعليق مليح و الا لا ............

لموش : ماروكو اطلعي للسطح و اسمعي دار عرعار واش يحكيو
ماروكو : غدوة رمضان حرام عليك
لموش : هاو ليك كف باه تفيقي و الا نقولك روحي ارقدي....
دردر : خلي اختك ماروكو و هيا نروحو عند سنسن باه تمشطلي
لموش : احم احم تقول جاينا عرس , ربي يصبرنا على هبالك
و في أحداث الحلقة القادمة :
بداية رمضان .........في دوار الزهور من السحور للفطور

[الـ^ـسَّــآآحِـ^ــرْ ،]

ههههههههههههههه ، يمركي على قشو هذي مليحة .

[إبتسامة أبي]

أنا نروح نهرب ليجي ليا صاحون وسليطنة ينتفولي شعري

[نَقَآءْ اَلْسَرِيْرَهـْـ]

وين راكم يا ابطال انا عملت منكم نجوم و انتوما هاملين

[كمال الاسلام]

راه جاء نائب شيخ الدوار

واش راكم ديرين هنا ديتو تسريح من عندى



يخي حالة يخي الواحد يغيب ساعة طارت بلاصتو

[سلاف26]

سلاف..........بدور سنسن الحلاقة

صراحة فكرة رائعة و الله غير ضحكتينا يا زهراء ربي يفرحك و عجبتني الأدوار و الأسماء هههههههه روعة يستحق التقييم ب 5 نجوم لأنه فكرة جديدة

[يوسُف سُلطان]

السلام عليكم
خيال واسع ..اتمنالك التوفيق

[الـ^ـسَّــآآحِـ^ــرْ ،]

واش كاش ما تحتاجو زلابية .

[نَقَآءْ اَلْسَرِيْرَهـْـ]

سلاف..........بدور سنسن الحلاقة

صراحة فكرة رائعة و الله غير ضحكتينا يا زهراء ربي يفرحك و عجبتني الأدوار و الأسماء هههههههه روعة يستحق التقييم ب 5 نجوم لأنه فكرة جديدة
سنسن عندنا يا مرحبا يا مرحبا , اسمعي رانا جايينك قاع مع دردر باه تمشطيلنا و اسطهلي في شعر امينة , ربي يعاونك فيه........ههههههه

[يوسُف سُلطان]

سلطان 42......بدور سليطنة بائع الزلابية


150 دج للكيلو ................واحد ما يسالي

[كمال الاسلام]

المشاركة الأصلية كتبت بواسطة ساموراي

واش كاش ما تحتاجو زلابية .

واش هذا يا سموراي هبلتنا بزلابية تاعك ايا مشي تبيع بعيد


خلى الدوار مزال راقد