خطيبي يدفعني للجنون

رهوة العطرة · 2012-08-10, 15:53

سلام عليكم ,انا مخطوبة منذ سنة مشكلتي مع خطيبي انه عصبي لدرجة ان كل شيء يجعله يسب ويشتم. في الايام الاولى كان هادي و حالم ورومنسي لكنه الان يهينني ويسبني و يشتمني لأبسط الامور في حالات كثيرة افكر في فسخ الخطوبة على وجه ربي واش ندير عاونوني

JACKLINNE · 2012-08-10, 16:01

عزيزتي انا لست بدراية بهذه الاشياء لكن كيما نقولو من ظرك وبدا هاكا مالا كي تزوجي كيفاه راح يولي
انتي اهدري مع يماك ولا وحدة من خواتاتك واذا هو مهوش مكتوبك كانو لي خير منو

عاشقة الهلال · 2012-08-10, 16:02

حبيبتي راكي نفس حالتي
بصح الله غالب حنونة طاح الفاس ب الراس هذا بالنسبة الي لانني عقدت و رجعت مدام نتاعو
واش نقولك غير الصبر ثم الصبر و الله المستعان

عاشقة الهلال · 2012-08-10, 16:04

وااااااش حبيتي المخلوقة ترجع مطلقة
كلشي ب العقل
و بزيادة الرجال كامل كيفكيف

imene12 · 2012-08-10, 16:05

ربي يفرج عليك... خممي مليح برك و ديري الاستخارة

aminahassiba · 2012-08-10, 16:08

خمي مليح ختي انت تعرفي روحك او انت تعرفي البيئة لي راكي عايشة فيها واحدة ما تقدر تعطيك الحل

باش كل دقيقة يسبك او يبهدلك كرامتك تروح او كي تتزوجي بالاك يولي يسبك قدام كامل الناس ما عندك ما ديري بيه

سيي تخوفيه بلي ايدا يكمل هكدا قوليلوا نخليك ايدا كمل

ديري حل لعمرك او الانفصال هدا خليه هو الحل الاخير رانا في وقت ما يرحمش يولوا يديروا فيك انت الف عيب او تسمعي امور عمرك ولا جيك في بالك

راهم الناس وحوش روحي معاه غي بالتي هي احسن

JACKLINNE · 2012-08-10, 16:10

اقتباس:

المشاركة الأصلية كتبت بواسطة عاشقة الهلال

وااااااش حبيتي المخلوقة ترجع مطلقة
كلشي ب العقل
و بزيادة الرجال كامل كيفكيف

اختي هي مخطوبة مشي مزوجة وباين بلي قلقها بزاف عليها كتبت هاذ الموضوع في رايي لمرأة ماتساهلش تتعذب مع واحد مايتاهلش
ربي يصبرك اختي ويخرجك من هاذ المشكل

arbodar · 2012-08-10, 16:10

الله يهدي ما خلق!

رهوة العطرة · 2012-08-10, 16:11

هدتاهانة شتم وه تذر مني ثم يعيد نفس ااكثر من مرة في الاول يع

arbodar · 2012-08-10, 16:12

اسأل الله ان كان هذا الزواج به شر ان يبعده عنك اليوم قبل الغد بما انك مزلتي بمرحلة الخطوبة فقط

و ان كان به خير الله يصلح الاحوال و يهديه و يهديك للخير

و هذا وش نقولك لان الله اعلم

رهوة العطرة · 2012-08-10, 16:16

هدته اكثر من مرةاني ساخبر اهلي و افسخ الخطوبة يعتذر ويعدني انه لن يعيد السب ثم ينسى

JACKLINNE · 2012-08-10, 16:19

اقتباس:

المشاركة الأصلية كتبت بواسطة رهوة العطرة

هدته اكثر من مرةاني ساخبر اهلي و افسخ الخطوبة يعتذر ويعدني انه لن يعيد السب ثم ينسى

أختي افعلي ماتجدينه خيرا لك.......

عاشقة الهلال · 2012-08-10, 16:39

نقولك حاجة و بدون نفاق اخطييييييييييييييييييييييييييييييييييييييييييييييي يييييييييييييييييييييه.

السي محمد · 2012-08-10, 18:27

ليكيدي برك اختي

chvsbf · 2012-08-10, 21:13

السلام عليكم , الله اعلم بامورك , لكن انا عندي اختي مخطوبة , لا ترى خطيبها و لا تكلمه , فكيف يسبها و يشتمها ؟ و الله احيانا اعجب , ليس له الحق في الكلام معك دون محرم , فكيف وصل الى درجة انه يعصب عليك و يشتمك , و كيف عرفتي انه رومنسي ؟ الله يا نساء , ما الطف الله بكن لما شرع هذا الدين و ابقى الخطيب اجنبي عليك .
واش نقولك اصبري و ادعي ربي بالهداية له .

مشاهدة نتائج الإستطلاع: هل انفصل عن خطيبي؟
اصبر	3	10.34%
انسحب	9	31.03%
اشكوه لاصدقائه	0	0%
اصارح اهلي بجحيمي	17	58.62%
المصوتون: 29. أنت لم تصوت في هذا الإستطلاع