زواج تحت الضغوط 2

مشكلتي · 2012-08-08, 21:34

زواج تحت الضغوط

السلام عليكم ورحمة الله تعالى وبركاته وتقبل الله منا ومنكم الصيام والقيام:
شكرا على النصائح التي تفضلتم بتقديمها لي وشكرا جزيلا ايضا على الدعاء جعله الله في ميزان حسناتكم
البارحة تمت زيارة زوجي -امر واقع- للبيت وبعد نصائح من الاهل بالتكلم عن امور الزواج من كوافيرة وووو... كنت ابيت النية بنسف كل شئ المهم دخلت و احسست ببعض الاهتمام منه تكلمت معه بصراحة وسالته عن ش**** بكونه لا يريد الزواج بي الا ارضاء لوالديه حاول ان يثبت لي العكس بصح الححت عليه بالسؤال وشفت بعينيه نظرة حزن وقال لي كل شيئ بالمكتوب النظرة هذي انا اعرفها جيدا لاني لازلت اعاني من الشروخ النفسية نتاع خطبة سابقة مش عارفة المكتوب اللي انهاها والا الطرف الاخر الي مكانش صادق فيها قلت له لا الانسان ميسر ومش كل حاجة نرميوها على المكتوب سكت بعدها ومن بعد قال انو مرض امه اللي عندها اصرار انو يتزوجني مريضة بالقلب وتحتاج الى المسايرة. يعني الام تريد ان تراه متزوجا في اقرب فرصة ولان الخطيبة السابقة عندها ظروف في البيت تمنعها من الزواج الان هما سبب زواجه مني .
وايضا اثناء الجلسة الهاتف نتاعو كان يصوني وبعد ما رفد التليفون قالو راك غالط اكيد خطيبتوا السابقة هي اللي كلماتو.
حاول يفهمني باللي راهو نساها وقالي البنت صغيرة في العمر لا تتجاوز 18 سنة و فارق السن بينوا وبينها كبير وانو عقليتها ماشي رزينة و....و...

من خلال هدا الجلسة عرفت باللي انو انسان قنوع ما يحوس غير على الهناء والستر ومستعد للحوار لاني فتحت معاه موضوع العمل ورغم انو رافض العمل الا اني حسيت باللي ما حاولش يفرض الامر عليا.
واخيرا وفي محاولة يائسة مني قلت له اني احب القراءة فوق الازم وما ذابيك توجد الكتب من ضرك حسيتو تخلع بصح قال معليش وقال يعني راني فرحتو كي قلت بلي راني نبغي القراية.
مشكلتي الان هي اني مانيش قادرة نتقبل مستواه الدراسي حسب رايكم هل عندي حق في هذا ولا لا؟ ثم اليس هذا الزواج مهمة رسمية؟ و ايضا بصراحة انا كنت ساجنة نفسي في التجربة السابقة وكنت كلما نفقد الامل في عودة الخطيب الاول ربي يبعث لي حاجة تردلي الامل وقاعدة ضرك ندير في مقارنات واش نقول لا مجال للمقارنة بصح ساعات نقول انو الخيرة فيما اختاره الله خاصة مع التوكل وحسن الظن بالله.
شكرا وتقبل الله منا ومنكم الصيام والقيام..

محمد جديدي التبسي · 2012-08-09, 10:15

يعني هناك تقبل منك لهذا الخاطب بعد ما كان من رفض أم أنه خضوع للأمر الواقع؟
إذا تقبلت أخلاق هذا الرجل ورأيت فيه إنسان متفهم وخلوق ويقبل الحوار وظهرت لك إيجابياته
مستواه الدراسي لا يحدد الكثير بما انه إنسان متفهم وقنوع وبسيط والأهم من كل ذلك أنه يحترمك
ثم قضية المقارنات لا تفيد في شيء بل ستظهر لك إلا العيوب وتدخل عليك الشكوك والقلق والتوتر

يعني إذا تقبلت هذا الشخص فنصيحتي لك هي الصلاة والاكثار من الدعاء أن يوفقك الله في ما هو قادم

دموع24 · 2012-08-09, 12:08

لا يهم المستوى الدراسي المهم انه اكون متفهم وقابل للحوار والتريث في الامور و رزين العقل و.....و ..... انت ادرى بها وخصوصا بعد الحديث معه
لا تقرني ابدا لكل مميزاته والخيرة فيما اختاره الله
اكثري من الدعاء في هذا الشهر الفضيل وصلي استخارة ما خاب من استخار
الله يهدي بالك اختي ويجعل لك الخير ان شاء الله

داعي الله ياسين · 2012-08-09, 14:35

معك بالدعاء فقط

لم أقدر قول شيء هنا

قرأت الموضوع الأول وهدا

ولكن ليس بالسّهل أن أقول رأيي

مسألة بحل ولكن طريقة الحل حسّاسة

ممكن نظلم الخطيب وممكن نجرحك أنتي

عليكي بالإستخارة وفقط في هته المسألة فلا تسمعي لشيء ==> لأننا ممكن نظلم أحدكم دون قصد

الإستخارة وفقط فإدا ارتاح له قلبكي بعد الإستخارة فهو وإدا قلبكي انقبض عليه نسأل الله الرّزق الحلال

وشكرا

hayet04 · 2012-08-10, 12:19

يا اختي كي تفهمي انت واش حابة فهمينا مرة المشكل في التلفون و نرة المستوى ومرة في الماضي

imene12 · 2012-08-10, 15:37

ديري صلاة الاستخارة و توكلي على ربي سبحانو و اللي فيها الخير ربي يقدمهالك

بلال الرومنسي · 2012-08-10, 16:53

نتوما لبنات تبكيو تبكيو على الزواج ولما يأتيكم الخطاب تبداو تشترطو ........ والان انتيا معجبكش مستواه الدراسي ؟؟؟

واش حايبة مالة ؟؟؟

ربي يهديكم ....... مع تمنياتي لك بالتوفيق .... لكن لكان مزال يحب خطيبتو الاولى فهدا مشكل لانه ممكن يتزوجها بعد مدة من زواجكما خاصة اد كان والفها وحبها

تحياتي

staifia · 2012-08-10, 18:07

اقتباس:

المشاركة الأصلية كتبت بواسطة بلال الرومنسي

نتوما لبنات تبكيو تبكيو على الزواج ولما يأتيكم الخطاب تبداو تشترطو ........ والان انتيا معجبكش مستواه الدراسي ؟؟؟

واش حايبة مالة ؟؟؟
ربي يهديكم ....... مع تمنياتي لك بالتوفيق .... لكن لكان مزال يحب خطيبتو الاولى فهدا مشكل لانه ممكن يتزوجها بعد مدة من زواجكما خاصة اد كان والفها وحبها

تحياتي

ههههههههه يا سبحان الله انتي تقتل الواحد مباشرة
وعلاش ما يتشرطوش ... لازم يشوفوا اللي يوالمهم ويقدروا يعيشوا معاه هادي راهي حياة ,, مش يوم او يومين ...
......................
البنت جمالها حيائها واخلاقها و شرفها ,,,,,,
ربي يهنيك يا ختي

loulou88 · 2012-08-10, 22:11

السلام عليكم
اختي انا ممكن نعطيك نصيحة حاولي تشوفي لحوايج لملاح لي في راجلك
الآن ابعدي فكرة الطلاق من بالك
شكرا

Floona · 2012-08-11, 01:39

حسب ماذكرت أرى أنك غير موافقة فلتعلمي أن الزواج بداية حياة وإستقرار فكري جيدا قبل فوات الأوان
وأن تقولي لا الآن أهون من أن تقوليها بعد الزواج

فكري جيدا وتوكلي على الله

Floona · 2012-08-11, 01:44

اقتباس:

المشاركة الأصلية كتبت بواسطة بلال الرومنسي

نتوما لبنات تبكيو تبكيو على الزواج ولما يأتيكم الخطاب تبداو تشترطو ........ والان انتيا معجبكش مستواه الدراسي ؟؟؟

واش حايبة مالة ؟؟؟

ربي يهديكم ....... مع تمنياتي لك بالتوفيق .... لكن لكان مزال يحب خطيبتو الاولى فهدا مشكل لانه ممكن يتزوجها بعد مدة من زواجكما خاصة اد كان والفها وحبها

تحياتي

إسمحلي خويا كيفاش تقارن الجزايرات لي يشهدو بأنه لا إله إلا الله بعباد ماعندهم لا دين لاملة
عيب كبير حنا خير منهم بمليار على الأقل حنا أنظف منهم والحمد لله

~~أم البشائر~~ · 2012-08-11, 12:03

فهمت انك حابه تتزوجي لدرجة التنازل عن الكثير

مادام ربي خلق وفرق ربي دار لينا ميولات

المستوى اللي يبانلك انت كاين اللي ما يبانلهاش ابدا

حاجه لازم نشتركو فيها هي الدين والخلق

الباقي تبقى ميولات كل وحده وحريتها

اما عنو يا اختي تخافي انو زواجو للارضاء امه وكي تموت امه تسقط قيمتك تماما ويولي يحوس على غيرك

تم انت صح تبداي تقولي يا ريتني مما تنازلت على المستوى ههه

انا ضد التنازل عن فكره لاجل شخص

نتنازل عليها بقناعتي مهما تغيرت الظرزف ما نندمش

اما لاجل ضخص معناها سعادتي مرهونة بالشخص اذا تبدل نندم

فكري وديري في بالك انك تطلبين قادرا عزيزا يوفقك

وتدللي على الله

واستخيري واعرفي وين تحطي رجلك قبل فوات الاوان

ربي يوفقك اختي وكل بنات المسلمين

انصحك بهذه السلسله

https://www.youtube.com/watch?v=rVJNn...e=results_main

دكتورة بإذن الله · 2012-08-11, 12:54

السلام عليكم و رحمة الله و بركاته
اختي الكريمة فرج الله همك و انار بصيرتك ..
يبدولي انك غير مقتنعه بهذا الزواج و تقنعين في نفسك رويدا رويدا ..!!
المشكلة هنا ليست في المستوى التعليمي لكن في مستويات اخرى ..
اقول لك نصيحة اخت..
هناك بعض الرجال يستحقون التضحية و بعض التنازلات ..في حين يوجد أصناف لا يستحقون ذرة تضحيات..؟!
اراكي تجازفين و تركبين مغامرة دون التفكير في العواقب كما انك تستنتجين في استنتاجات
لا يقبلها المنطق لكنني لا الومك كونك في دائرة الحدث وتواجهين مشكلة لوحدك و كلهم
يريدون نقطة الانطلاق دون التفكير في المسار و في نقطة الوصول و تركوك في مفترق الطرق لا تعرفين من اين ..؟!
فكري جيدا و استخيري ليس مرة او اثنتين او ثلاث بل عدة مرات ..
نصيحة لك لا تهربي من العنوسة وتجدين نفسك في صنف المطلقات و العياذ بالله
و اسألى نفسك هل هذا الرجل يستحق التضحية ..؟ العلم عند الله
فتضرعي لله بالدعاء و سترين العجب..
و لا استطيع ان اقول لك غير هذا ..
و ان قسوت عليك في الرد فعذرا لانك اختي في الله..
و ربي يفرج عليك..

مريم الصابرة · 2012-08-11, 14:54

السلام عليكم اختي
شوفي انا ننصحك بكلام نصحوني بيه وما قدرتش نديرو لانو خالتي تقريب من نفس حالتك فقط إختلاف في بهض الامور اختي الراجل هذا حتى لو خطبك إرضاء لأامه راه إدا دهاوي الخير من أمو واللي طايع يماه راضي عليه ربي وراه يدير كل شي حتى يسعدك ويرضيك وعل خطيبتو عادي اختي بزاف ناس خطبو وربي ما كتبشوتفارقو وين المشكل المهم إنت ديري النية معاه وإبداي تجهزي لعرسك وإفرحي واحمدي ربي بعثلك راجل متربي ومرضي للوالدين
انا منذ يومين تخطبت يغني خطبة اولية وبعد العيد خطبة رسمية ومحتمة عليا وما قدرتش نسمع لكلام من نصحوني لانو فالحقيقة الموضوع مختلف هو باغيني وانا لالا لانو اخ خطيبي اللي مات على هذا قبلت محتمة وما نظنش نكمل فالعلاقة بالنسبة ليك من رأي ديري النية معاه موفقة اختي

jirardo · 2012-08-11, 15:26

عليك بالصلاة الإستخارة