اقارب و لا خلي!

[faty05]

السلام عليكم
نحن نسكن بقرب اقارب لنا يعني جيران
و مرة حدث مشكل في العائلة و لم يعجبهم موقف والدي
فاصبح كل ما يمر عليهم و يسلم لا يردون السلام مع اننا نلتقي بهم دائماً
المهم اصبحوا يكيدون لوالدي و يحرشوا عليه الناس حتى وصلت بيهم انهم قذفوه بكلام يمكن يخرب دارنا حسبي الله و نعم الوكيل
الان لا يكلموننا
البارح عند عودتي من العمل التقيت قريبي وجها لوجه امام بيت منزلنا كان مارا من هناك و كان ينظر مع الباب فلما راني انزعج اما انا و الله ألقيت السلام لانه كبير
رد السلام تحت شواربو بالتشناف و دور راسو
و الله كبير و جايح
كرهتهم زعما عائلة ....يا دير رايهم و لا ماكش مليح
ابي ذركا جبدروحو عليهم وغايضاتو منهم بزاف....مع انهم ما شافو منو غير الخير هو يوقفلهم في أمورهم و ديما كانو يستشيروه و يدخل كي يكونو في ضيق و يعينهم و يوصل بسيارتو و يجيب و يوقف معاهم في الفرح و القرح
و هوما طلباتهم غير متناهية
بصح هذا جزاء سنمار
وش رايكم
ادعولنا تفرج علينا و على بابا الحنين
بارك الله فيكم

[djazia94]

المشاركة الأصلية كتبت بواسطة faty05

السلام عليكم
نحن نسكن بقرب اقارب لنا يعني جيران
و مرة حدث مشكل في العائلة و لم يعجبهم موقف والدي
فاصبح كل ما يمر عليهم و يسلم لا يردون السلام مع اننا نلتقي بهم دائماً
المهم اصبحوا يكيدون لوالدي و يحرشوا عليه الناس حتى وصلت بيهم انهم قذفوه بكلام يمكن يخرب دارنا حسبي الله و نعم الوكيل
الان لا يكلموننا
البارح عند عودتي من العمل التقيت قريبي وجها لوجه امام بيت منزلنا كان مارا من هناك و كان ينظر مع الباب فلما راني انزعج اما انا و الله ألقيت السلام لانه كبير
رد السلام تحت شواربو بالتشناف و دور راسو
و الله كبير و جايح
كرهتهم زعما عائلة ....يا دير رايهم و لا ماكش مليح
ابي ذركا جبدروحو عليهم وغايضاتو منهم بزاف....مع انهم ما شافو منو غير الخير هو يوقفلهم في أمورهم و ديما كانو يستشيروه و يدخل كي يكونو في ضيق و يعينهم و يوصل بسيارتو و يجيب و يوقف معاهم في الفرح و القرح
و هوما طلباتهم غير متناهية
بصح هذا جزاء سنمار
وش رايكم
ادعولنا تفرج علينا و على بابا الحنين
بارك الله فيكم

ربي ان شاء الله يفرج عليكم و على باباكم
بصح انا من رايي لازم اديروا كيما وصانا الرسول صلى الله عليه و سلم
صل من قطعك
ادا هوما ناقصين عقل نتوما ما تعاندوهومش
كي قولتي بلي نتوما تسلمو عليهم وهوما مايردوش دايما
اعرفت بلي عقلكم كبير و خاطركم واسع
على هدي انا نشوف بلي مالازمش تقعدوا مربعين يديكم
لازم تتلاقاو وتتفاهمو
لان مستحيل تكونو حباب و تولو عديان بين ليلة و نهار على جال كلمة
غير ادا كانت هديك الكلمة اللي قالها بباك قاستهم بزاف و اثرت عليهم
و الا كاين واحد غلطهم و كاش ما قاللهم على بباك
المهم مهما كان السبب
انا من رايي تجتمعو عند واحد قريب ليهم و ليكم
واول حاجة تفهموا السبب اللي خلاوهم يولو هكدا
و تحاولو تفهموهم وادا لقيتو بلي بباك غلط معاهم اطلبو السماح ماشي عيب
والله اعلم
انا ماعليا غير ندعيلكم ربي يفرج عليكم و يجمع شملكم ان شاء الله

[meriem hanin]

لا حول و لا قوة الا بالله
اقارب اخر زمان
ربي يصلح فيما بيناتكم و يفرج عليكم و على باباكم
المهم في ذاتكم راكم صافيين معاهم و ماشي نتوما الي غلطتو معاهم و بالرغم من كل واش صرا ابقاو على اتصال بيهم يجي النهار و يفيق الضمير نتاعهم و يهديهم ربي سبحانو لانو هاذي ماهي الا من اعمال ابليس الملعون

[arc en ciel]

و عليكم السلام

حتى احنا عندنا نفس المشكل مع اقاربنا و لحد الن والله ماني فاهمة السبب بصح عايلتي يروحولهم فالفرح و لا فالقرح و عندنا فالدار خويا ربح بيام و اختي الباك و الله واحد منهم ماجا بوركلهم ماعدا زميلاتي تع الخدمة

و كون نزيد نحكيلك خلي برك

هادو هوما اقارب اخر زمن و هادا هو جزاء سنمار كيما قلتي

ربي يهدينا و اياهم برك ما تقطعوهمش خلي العيب فيهم ربما يهديهم ربي

انا والله كي نشوف ناس مع اقاربهم يروحو عندهم يجو عندهم تغيدني عمري معليش كبري قلبك برك و عامليهم بالحسنى تكسبي اجر

[حبيبة عادل]

و الله يا أختي مشكل الأقارب راه في كل عائلة
حتى دار عمي نايفونا و الله بدون حتى سبب و ربي عالم
و بداو يخلقوا المشاكل و كل ما تكون مناسبة يحاولوا يهينونا و يخرجونا حنا الغالطين
و الله ملي خلقنا صغار حتى لدروك
ربي عالم بالقلوب بصح انا قطعت صلتي بيهم الله غالب و هدا واش كانوا حابين
ما نقدرش نتحمل نفاقهم اللامتناهي
و ربي يهدينا جميعا

[soha1987]

راني نشوف كامل رانا كيفكيف وحنا لافامي كامل ما يحبوش بعضاهم ويحبو لبر اني وكي يخطبو لوليدهم يخطبو برانية ومايقيموش بعضاهم خلاص
حنا جبدنا عليهم خلاص و نسا عمامي ولا خوالي لسانهم طويل بزاف مانحبهومش وانا يما وبابا جامي دارو فيهوم لعيب مي هوما كارهينهم خلاص ويظلو يمنشرو فينا بصح حنا كامل قاريين وخاوتي حاكمين على هداك راح يموتو و مايحبوناش وكي طيح بيهم يرجعو عندنا بصح حنا نوكلو عليهم ربي

[loutsse]

هاد الظواهر كترو بزاف في المجتمع في كل عايلة كاينين ناس مراض بالغيرة والحسد
الانانية راهي دايرة حالة
ربي يبقي الستر

[staifia]

ربي يهدينا و يبقي علينا الستر

[مريم الصابرة]

السلام عليكم خويا شوف وين تروح المشاكل هذو نتاع الأقارب كاينين وتلقى إلا الإنسان المليح مسكين ديما نايضين معاه ويحرشو الناس عليه خليكم منهم ربي عالم باللي إنتوما ناس ملاح وجيرانكم يشهدولكم وباباك معاه ربي وجيرانو ودار الخير لربي إنت قول السلام وكمل طريقك كان رد خير وبركة كان ما ردش ربي يسامحو إنت أعمل بأصلك وخليهم ربي يهديهم

[faty05]

لكم مني جزيل الشكل علي ردودكم
بارك الله فيكم

[bouchra hakerz]

ربي يهدي ماااا اخلق و لازم يكون في علمك انو انسان يكون متخاصم مع انسان راه ربي ميرفعش عباداتو احنايا مقبلين على شهر رمضان شهر التوبة و الغفران متخسريش ربي على جال ناس كيما هاذون انت و العائلو انتاعكم ديرو الي عليكم حاولو اتصالحوهم بالتي هي احسن و اذا محبوش انتوما صفيتو ارواحكم مع ربي وخوذي رايي بالاكي تعيشي راني نوصي و انعاود

[الأرض الطيبة]

لاحول ولا قوة إلا بالله حسبيا الله ونعم الوكيل
غير صبرو ربي يفرج إن شاء الله

[محمد...عبد النور]

السلام عليكم أختي فاتي05
و الله العداوة بين الاقارب مش جديدة و قد تجدين من يمقتك بدون سبب فقط على وضعكم المادي او انكم قاريين و هو لا
او انكم دائما حامدين ربي و ما تشتكون ليهم ايا يحسبوكم ما خصكم والو
و الله يمكن يتكلموا بكلام جارح ويقذفوا الشخص في عرضه فقط لأجل الحسد و مين تطيح بيهم يجوا عندكم كأن شيئا لم يحدث و هذا الواقع و رانا كامل عايشينه
فقط انتم ابتعدوا عنهم قليلا و أدوا الواجب معاهم في الفرح او القرح و لا تتعجبي فهذا حال الكثير من الاقارب
و اتبعوا وصايا المصطفى صلى الله عليه و سلم ** ليس الواصل بالمكافئ ** . **صل من قطعك ** من غير ان تبدي المهانة من النفس فقط في وجه الله و الله هو الوكيل
ربي يبارك فيك أختي الكريمة و يبارك في الوالد نتاعك و العائلة الكريمة و بإذن الله الكريم تنجلي كل الامور و تعود المياه الى خير مما كانت عليه
ســـــــــــــــــــــــــــــلام

[faty05]

المشاركة الأصلية كتبت بواسطة bouchra hakerz

ربي يهدي ماااا اخلق و لازم يكون في علمك انو انسان يكون متخاصم مع انسان راه ربي ميرفعش عباداتو احنايا مقبلين على شهر رمضان شهر التوبة و الغفران متخسريش ربي على جال ناس كيما هاذون انت و العائلو انتاعكم ديرو الي عليكم حاولو اتصالحوهم بالتي هي احسن و اذا محبوش انتوما صفيتو ارواحكم مع ربي وخوذي رايي بالاكي تعيشي راني نوصي و انعاود

يعطيك الصحة أختاه
هوما لي جبدو رواحتيهم و ما همش يحكو معانا
لسنا نحن هم من بدأو

[amran6688]

السلام عليكم

احيانا تجد اسرتين قريبتين لكن تربية كل منها تختلف عن الاخرى فاسرة تربت على الهدوء والاستقرار والاخرى تربت على حب الصراع والتسلط اي الكلمة الاولى و الاخيرة دائما لها وهنا يقع الاصطدام بين الاسرتين

شكواك هنا يبدو ان اسرتك اصبحت تشعر بعقدة الذنب وكانها هي المخطئة وهذه ماتريده تلك الاسرة

فهنا يجب ان تكون لكما الثقة الكاملة في انفسكم وان تعيشوا حياة مستقرة وليست حياة ملؤها الصراعات لان اسرتكم على مايبدو لم تتربى على هذا ولو حاولت لم تستطيع لانها لاتستطيع ان تقنع الاخرين بالكذب والزور واخرون يمارسون هذا ببرودة وكانه لاحسيب ولارقيب

اسعوا للاصلاح من اجل وجه الله اولا ومن اجل صلة الرحم وادعوا الله ان يوفقكما لهذا وان عجزتم واعلموا انهم لن يستطيعوا ان يضروكم بشيء ولو كان كل الناس معهم لان النفع والضر بيد الله ودعكم من الصراعات وكانكم لم ترو ولم تسمعوا شيئا لان كثرة الصراعات تضركم وتضر خاصة اولادكم لانهم مهما كان سيتاثرون بهذانفسيا واملاؤوا اسرتكم بالكلمة الطيبة والابتسامة والمرح ولاتتركوا اي احد ان يعكر صفوىحياتكم وفوضوا المر الى الله ان كنتم صادقين وعلى حق .

وقولوا لهم لالعقدة الذنب التي تريدون ان تغرسوها في عقولنا فنحن واثقين باننا على حق والله يشهد على ذلك والرسول صلى الله عليه وسلم يقولعن أبي العباس عبد الله بن عباس رضي الله عنهما قال : كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) رواه الترمذي وقال : حديث حسن صحيح .

/