نادمة لاختيري سعدوني

widade1993 · 2012-07-25, 02:50

السلام عليكم
انا عندي مشكلة من لما جاتني ورقة الاخيارات حطيت ترتيب صناعات برتروكيميائية وبعدها هندسة معمارية ولكن في اخر لحظة في مرحلة التاكيدات غيرتهم وقدمت الهندسة واعطوني هندسة معمارية وانا ضرك محتارة وندمانة
بصح كي عرفت بلي نقدر نبدل في فترة الاحتمالات رجعلي الامل بصح مازلني حايرة نمل نقرى هندسة ولا نبدل بتروكيمياء من فضلكم عونوني والله حتى الرقاد منرقدش نظل نخمم

mowakara · 2012-07-25, 03:13

حنونة ما تقلقيش روحك
خيري الاختصاص اللي تحبيه
واحد لا يقدر يقولك واش تخيري
لازم انت اللي تقرري
باش مبعد ما تندميش
على الأقل تكوني درت رايك

تصحري، و صلي الفجر، وصلي الاستخارة
وما تخمميش خلاص واضربي فيها نومة
كي تنوظي ان شاء الله ذرك تلقاي ربي سهلها عليك، وتكوني اتخذت قرارك
صح صحورك

sharinpark · 2012-07-25, 03:21

architecture blia oula l'EPAU ? et pétrochimie boumerdes oula jami3A wahdakhra ?

widade1993 · 2012-07-25, 03:23

صليت استخارة وانا انتظر الى ماسيهديني الله
والله عييت اختي نفكر في الهندسة مليحة بصح كعاد lmdشوي ناقصة مش كيما بكري والخدمة يقولو مكانش فيها
والبتروكيمياء مليحة ثاني بصح الخدمة رح تكون في الصحرا وهذا مشكل نوعا ما لاني بنت
والله غير محتارة حابة نصيحة
صح صحورك اختي

widade1993 · 2012-07-25, 03:24

ارشيتكت ام البواقي وبتروشيمي جامعة سكيكدة

mowakara · 2012-07-25, 03:35

ما فهمتش كيفاش ناقصة كي ولات ال م د؟؟
هندسة معمارية من بكري مافيهاش خدمة، غير اللي حل مكتب هندسة، وشكون اللي تصلحلو فيها
كاين اختصاصات أخرى، وعلاش حصرت روحك في 2 هاذو

widade1993 · 2012-07-25, 03:39

lmd سمعت بلي مش مهندس معماري مهندس تقني برك
صح كاين اختصاصات بزاف واعطوني في القائمة 83 اختيار لكن هذو الي شدوني لزاف ومحتارة

mowakara · 2012-07-25, 03:47

اقتباس:

المشاركة الأصلية كتبت بواسطة widade1993

lmd سمعت بلي مش مهندس معماري مهندس تقني برك
صح كاين اختصاصات بزاف واعطوني في القائمة 83 اختيار لكن هذو الي شدوني لزاف ومحتارة

اللي قالك الهدرة هاذي عندو بزاف ما دخلش الجامعة، ومازال يؤمن بالتقني سامي، هاذا الديبلوم ماعدش أصلا في الجامعة

تقراي 3 سنين تخرجي ليسانس، كي تصلحلك ديري ماستر عامين، و كي تكوني فحلة تخرجي دكتوراه

أنا ننصحك عودي سقسي الناس اللي فاهمة ل م د، واللي قارياتو، أما الناس القديمة ما ينفعوكش

widade1993 · 2012-07-25, 03:49

يعني مكانش منها هاذي نتاع تقني سامي؟
والله خوفوني بزاف اسمحيلي ختي تعبتك معايا اليوم
ربي يفرحك ويعطيك ماتتمناي
انتي وش رايك لوكان كنتي في بلاصتي اي تخصص تقراي؟

mowakara · 2012-07-25, 03:56

اقتباس:

المشاركة الأصلية كتبت بواسطة widade1993

يعني مكانش منها هاذي نتاع تقني سامي؟
والله خوفوني بزاف اسمحيلي ختي تعبتك معايا اليوم
ربي يفرحك ويعطيك ماتتمناي
انتي وش رايك لوكان كنتي في بلاصتي اي تخصص تقراي؟

ما يخوفوك ما والوا، راكي ماعرفتيش شكون تسقسي برك
تقني سامي ماكانش منها، راكي ل م د، يعني ليسانس

بين الزوج اختيارات هاذو، أكيد هندسة معمارية، بتروكيمياء ما عندها حتى معنى، خاصة ليك كي عاد طفلة

widade1993 · 2012-07-25, 03:59

شكرا اختي
بارك الله فيك
ورح نزيد نشوف مليح مابينهم

lamine.hse · 2012-07-25, 10:22

اقتباس:

المشاركة الأصلية كتبت بواسطة widade1993

صليت استخارة وانا انتظر الى ماسيهديني الله
والله عييت اختي نفكر في الهندسة مليحة بصح كعاد lmdشوي ناقصة مش كيما بكري والخدمة يقولو مكانش فيها
والبتروكيمياء مليحة ثاني بصح الخدمة رح تكون في الصحرا وهذا مشكل نوعا ما لاني بنت
والله غير محتارة حابة نصيحة
صح صحورك اختي

إذا صليتي إستخارة ما تحافيش لي فيها الخير ربي يقربها................بالتوفيق...........

حبة ملفاي · 2012-07-25, 11:55

اقتباس:

المشاركة الأصلية كتبت بواسطة widade1993

السلام عليكم
انا عندي مشكلة من لما جاتني ورقة الاخيارات حطيت ترتيب صناعات برتروكيميائية وبعدها هندسة معمارية ولكن في اخر لحظة في مرحلة التاكيدات غيرتهم وقدمت الهندسة واعطوني هندسة معمارية وانا ضرك محتارة وندمانة
بصح كي عرفت بلي نقدر نبدل في فترة الاحتمالات رجعلي الامل بصح مازلني حايرة نمل نقرى هندسة ولا نبدل بتروكيمياء من فضلكم عونوني والله حتى الرقاد منرقدش نظل نخمم

أختي الهندسة المعماري هل هي المدرسة العليا بالجزائر العاصمة أو لا

و الصناعات الكيميائية الله أعلم قصدك تاع سكيكدة

انا حسب رأي ديالي الهندسة المعمارية افضل حتى لو كانت ليس المدرسة العليا و الله اعلم

mina soussou · 2012-07-25, 12:04

اقتباس:

المشاركة الأصلية كتبت بواسطة widade1993

السلام عليكم
انا عندي مشكلة من لما جاتني ورقة الاخيارات حطيت ترتيب صناعات برتروكيميائية وبعدها هندسة معمارية ولكن في اخر لحظة في مرحلة التاكيدات غيرتهم وقدمت الهندسة واعطوني هندسة معمارية وانا ضرك محتارة وندمانة
بصح كي عرفت بلي نقدر نبدل في فترة الاحتمالات رجعلي الامل بصح مازلني حايرة نمل نقرى هندسة ولا نبدل بتروكيمياء من فضلكم عونوني والله حتى الرقاد منرقدش نظل نخمم

السلام عليكم
اولا مبروك عليكي الباكالوريا يا وداد
و الله إذا تاخذي برايي يا اختي هذو الاختيارين في زوج ما همش ملاح ليك *البيتروكيمياء ما تصلحلكش لانك فتاة و الفتاة اخرتها ربة بيت و أم و ثانيا متلقايش الراجل لي يقبلك تخدمي في الصحرا ء و خدمتها خليك من هذا الاختصاص لانو يصلح بكثرة للذكور
اما الهندسة المعمارية صح كانت مليحة لكن اليوم مع نظام ل م د راهم فزدوهة و كيما هنا في سطيف تقريبا النصف من الطلبة عاودو العام و ولاو دارو تحويل من هذي الشعبة و قرايتها تطلب 5 سنوات و ليس 3 سنوات لاني عندي صديقتي جابت المعدل 14.60 و خيرت هندسة معمارية و بالرغم من أنها مجتهدة و تحب تقرا راهي عاودت العام الاول تاعها و خسرت عام من حياتها لانهم لما رجعوها في 3 سنوات و لات شارجي دايما تخرج على 5 و تبات تخدم في هاذوك المجسمات ل12 تاع الليل و لا 1 و هذاك المجسم يحب يمدلك الااستاذ علامة و لا يحب ما يمدلكش تقيسي حاجة فيه مع الطريق كي تعودي رايحة للجامعة يريبلك كلش
وتدي علامة تحت 5 و هذو المواد الي فيهم خدمة باليد معاملاتهم 6
راني عطيتك لمحة بسيطة على الهندسة المعمارية في نظام ل م د باعتباري يوميا مع صديقتي و هي تشكيلي همومها في الهندسة المعمارية

المهم اختي أنصحك ما تديري حتى خيار من هاذو الاثنين * صح يقولولك ديري حاجة تحبيها باه تنجحي فيها
لكن لازم تخممي بعقلك ثاني و يتفاهمو قلبك و عقلك على حاجة وحدة

إذا حبيتي ننصحك أكثر قوليلي معدلك شحال في الباك وواش التخصصات لي عطاولك و راكي حابتهم شوية *

المهم نصيحتي الاخيرة هي انك لازم تديري تحويل في اقرب وقت قبل فوات الاوان

سلام و صح فطورك و كثري من صلاة الاستخارة و شاوري و الديك

widade1993 · 2012-07-25, 14:14

اقتباس:

المشاركة الأصلية كتبت بواسطة mina soussou

السلام عليكم
اولا مبروك عليكي الباكالوريا يا وداد
و الله إذا تاخذي برايي يا اختي هذو الاختيارين في زوج ما همش ملاح ليك *البيتروكيمياء ما تصلحلكش لانك فتاة و الفتاة اخرتها ربة بيت و أم و ثانيا متلقايش الراجل لي يقبلك تخدمي في الصحرا ء و خدمتها خليك من هذا الاختصاص لانو يصلح بكثرة للذكور
اما الهندسة المعمارية صح كانت مليحة لكن اليوم مع نظام ل م د راهم فزدوهة و كيما هنا في سطيف تقريبا النصف من الطلبة عاودو العام و ولاو دارو تحويل من هذي الشعبة و قرايتها تطلب 5 سنوات و ليس 3 سنوات لاني عندي صديقتي جابت المعدل 14.60 و خيرت هندسة معمارية و بالرغم من أنها مجتهدة و تحب تقرا راهي عاودت العام الاول تاعها و خسرت عام من حياتها لانهم لما رجعوها في 3 سنوات و لات شارجي دايما تخرج على 5 و تبات تخدم في هاذوك المجسمات ل12 تاع الليل و لا 1 و هذاك المجسم يحب يمدلك الااستاذ علامة و لا يحب ما يمدلكش تقيسي حاجة فيه مع الطريق كي تعودي رايحة للجامعة يريبلك كلش
وتدي علامة تحت 5 و هذو المواد الي فيهم خدمة باليد معاملاتهم 6
راني عطيتك لمحة بسيطة على الهندسة المعمارية في نظام ل م د باعتباري يوميا مع صديقتي و هي تشكيلي همومها في الهندسة المعمارية

المهم اختي أنصحك ما تديري حتى خيار من هاذو الاثنين * صح يقولولك ديري حاجة تحبيها باه تنجحي فيها
لكن لازم تخممي بعقلك ثاني و يتفاهمو قلبك و عقلك على حاجة وحدة

إذا حبيتي ننصحك أكثر قوليلي معدلك شحال في الباك وواش التخصصات لي عطاولك و راكي حابتهم شوية *

المهم نصيحتي الاخيرة هي انك لازم تديري تحويل في اقرب وقت قبل فوات الاوان

سلام و صح فطورك و كثري من صلاة الاستخارة و شاوري و الديك

صح هي صعيبة بزاف بصح مليحة ومكانش قراية ساهلة والله راني متحيرة بزاف خاصة انو الوقت ضاع وعطاوهالي وفرات بصح مش حابة نندم في المستقبل راني نخمم نعاود الباك لاني قادرة نجيب اكثر من هك كان عندي شوية روف اثرو عليا ايام امتحان الباك وجبت معدل صغير معدلي هو 13,41 شعبة تقني رياضي اعطاوني خيارات بزاف بصح هاذ الزوج هما الاقرب والانسب لمعدلي والله اعلم
نتمنى تنصحيني