ساعدووووووووووونى

[ام امجد14]

السلام عليكم ازجو منكم مساعدتى
بنتى صغرى و عمرها تسعة شهور ترفض الاكل تماما من حولى الشهر حتى كل انواع الحليب و مشتقاته
جربتعاها كل الوسلئل وانواع الطعام بدون جدوى تصر فقط على الرضاعة الطبيعية وانا اعانى من نقص فى الحليب فمادا افعل ساعدووووونى

[شمس 15]

السلام عليكم أختي,أظن أنها فترة و تجوز ممكن راهي تسنن,أنت أبقاي أعطيلها مختلف أنواع الأكل و ما تستسلميش ماشي ما حبتش تاكل أنت ما تعطيلهاش لا مع الوقت رايحة تحل فمها و تاكل.أنا بنتي عندها عامين ما تاكل والو تاكلي غير زبيب,بطاطا مقلية,شربة فارميسال بالحليب.وراني كل يوم نكافح معاها هاتي برك تاكل.نعطيلك طريقتي كيفاش نديرلها نقعدها و نعطيلها كاش حاجة ما لعبتش بيها من قبل مثال طوابع تاع بلاستيك ولا سباتول حبيتي تضحكي عليا أضحكي نعطيهملها و نشجعها باش تاكل و نحللها فهما و نحط الماكله فيه هي في هذي المرحلة راهي لاتيه واش عندها في يدها بصح راهي تبلع وش راني نعطيلها.نتمنى راني فدك و أدعيلي ختي ربي يعطيني صحتي و يشفيني لولادي.

[ام امجد14]

يا اختى ربر يعطيك الصحة و يشفيك لاولادك و بالفعل مشكوووورة على النصائح

[ام نسمة]

مرحبا انا مررت بنفس التجربة مع طفلي الثاني هو كان يرفض مختلف انواع الحليب المخصص للرضع جربت كل الماركات ولا جدوى وحليبي انا كان غير كافي بالمرة وحصلت معه مند الشهر الرابع والله غير ربي شاف فينا رجعت نحط المصاصة في العسل ونعطيه يرضعها حتى وفى خمس شهور عاد ياكل العصيدة والخضروات لكن بكميات قليلة جدا ومع هدا خليت له صدري يرضعه بالرغم مافيهش حليب لكن يحس بحنانة امو وبالامان الرضاعة الطبيعية مش راها توفر الغداء وحدو لالا راها توفر عوامل الراحة النفسية كدالك خليلها صدرك حتى ولو ما فيكش حليب من رئي خديها لطبيب اطفال راح يقدم لك افضل نصائح ممكنة لتساعدك وحظ موفق

[رشــــ81ــــا]

المشاركة الأصلية كتبت بواسطة ام امجد14

السلام عليكم ازجو منكم مساعدتى
بنتى صغرى و عمرها تسعة شهور ترفض الاكل تماما من حولى الشهر حتى كل انواع الحليب و مشتقاته
جربتعاها كل الوسلئل وانواع الطعام بدون جدوى تصر فقط على الرضاعة الطبيعية وانا اعانى من نقص فى الحليب فمادا افعل ساعدووووونى

نفس المشكل مع ابنتي فهي ترفض كل انواع الاطعمة و اذا حتمت عليها ترجع كلش جربتلها كل الحلول و ملقيتش فايدة