أرجو النصيحة منكم ؟

monajazairi · 2012-07-31, 14:32

السلام عليكم
أنا فتاة تقدم لخطبتي أحد وافقت عليه و عقدنا كانت الامور على مايرام لكن في المدة الاخيرة عندي احساس اني غلطت وانو مش هاذ هو الزوج اللي كنت متمنياتو و الله الاحساس هاذا مايفارقنيش خلاص لدرجة اصبت بالاكتئاب .احساس انو تسرعت وساعات نفكر حتى نطلب انو ننفصلو الان خير من بعد الزواج .انفكر انو مش الشخص المناسب ليا مع انو انسان عادي طيب و عاقل مش قاري و مثقف وخدمتو شوي شوي و انا كنت متمنية واحد خير من هكذ صدقوني اخوتي ماعلاباليش كيفاه وافقت وكيفاه عقبت هاذ المدة لانو في الاول قلت عادي نورمال.بصح الان جاني احساس بالندم ماتتصوروش كيفاه لاني كنت حابة أفضل من هاكذا واحد قاري كيما أنا يفهمني و نفهمو نتحاورو في امور الحياة مع بعض ....الخ . لحد الاآن مع انو عقدت شعوري اتجاه هاذ الشخص عادي جدا مع انو هو يحبني لدرجة كبيرة . لكن ماقدرتش نحي هاذ الافكار من راسي دايما تدور في بالي و ماقدرت نحكي حتى لواحد حتى عائلتي لانو مش راح يقبلو اني ننفصل خاصة كي عقدنا صدقوني نحس اني بعيدة عليه بزاف مانتحيرش كي ما يعيطليش و اذا عيطلي نهدر معاه نورمال برك . حتى انو مايخطرش على بالي دايما عكس هو دايما يعيط و يسقسي و الله ماني عافة واش هاذي الاحاسيس و الافكار اللي راني نفكر فيها ارجو منكم النصح اخوتي قبل ما نتخذ اي قرار و انا كلي ثقة فيكم .

سنوم 33 · 2012-07-31, 14:41

السلام عليكم
اختي اذا كان السبب كاين مشاكل ولا ما تفاهمتوش على حاجة كبيرة نقولو عندك الحق
اما اذا كان السبب ماهوش قاري وماهوش مثقف
في رايي ماهوش مشكل
لانو يحبك قادر يدير كلش على جالك
انت تعلميه لغة الحوار
لان يحبك راح يسمعلك
راح تعلميه..و تتعلمي منو
ومن ناحية مادة....قادرة تدييه مال الدنيا كل عندو...ويصبح دورو ماسعاه

monajazairi · 2012-07-31, 14:49

لالا اختي سنوم 33 ماكان حتى مشاكل كبيرة الحمد لله .و انا المادة عمرها ماكانت في بالي لانو الدراهم يروحو و يجيو و عندك الحق في واش قلتي المشكل فيا انا و في افكاري اللي راهي تديني و تجيبني كل ساعة كيفاه ساعات نقول نورمال و ساعات نقول غلطت غلطة كي وافقت مش عارفة الحل وين راه

faty05 · 2012-07-31, 15:13

اعلمي انه زوجك الان و حلالك
و ان الشيطان يحب ان يفرق بين الزوجين
هذه كلها وساوس
و علي حساب تجارب صديقاتي المتزوجات كلهن أصبن بما اصابك
في اخر دقيقة أردن ابطال الزواج و العرس كله بسبب وساوس من نوع وساوسك
هو يحبك و يقدرك لا داعي به ديري حكايات ف راسك
حتى انتي حاولي آري انك لم تحاولي حبه
و التكلم معه او المبادرة بان تتصلي به و السؤال عنه
افعلي ذلك
لا تخافي فالحب الكبير يأتي بعد العشرة
إذن ما أكسريش راسك
مادامك راضية بيه ما تخليش الوسواس ينغص عليك اجمل ايام الخطوبة
صح رمضانك

monajazairi · 2012-07-31, 15:19

الله يسلمك اختي فاتي شكرا عالرد . انا الرضا راضية و لكنلحد الان ماوصلتش للرضا الكلي مانعرف باالاك بعد الزواج كيما قلتي تجي المحبة ان شاء الله

جزائري وفقط · 2012-07-31, 15:54

نصيحة

إذا لم تريدينه

فلا تضيعي نفسك ونفسه معك .......................

أجلسي مع نفسك في ساعة صراحة وقرري

قرارا نهائيا

وإذا لم تريديه فالأحسن أن تتوقفي الآن أحسن

نصيحة

soso sirin · 2012-07-31, 19:41

شوفي اختي هوما على حساب مايهدرو يقولو انو هذا الاحساس يكون سوغتو اذا كنتي الانسان قابلاتو هكا و خلاص مي الديفو راه فيك انتي علاه قبلتي بواحد ماشي مقتنعة بيه مية بالمية لانو كي مايكونش الاقتناع منبعد تولي ديري لروحك في المشاكل و تهبليه معاك و انتي راكي تقولي انو يبغيك و ممكن حتى تولي تتعاملي معاه بفوقية لانو تحسيه انسان سطحي .انا اختي قبل ماتتزوج بالي راهي معاه ضروك كانت مخطوبة لواحد قبلت بيه لانو كان يموت عليها و صرالو مشكل تعرض لحادث هي حست انو هي السبة و هو ماشي قاري و هي كانت رايحة تكمل الجامعة تاعها المهم بعد مدة ماقدرتش تتفاهم هي و ياه دارت الي عليها مي جات لبابا و قاتلو والله ماني قادرا نكمل معاه و كامل هدرنا معاها و لومنا عليها و قلنالها ليه ماخممتيش الزواج حاجة و انو الشخص يكون غايضك حاجة وخدخرى و الراجل ماخاصاتو حتى حاجة مي كيماقدرتش تكمل معاه هدرو معاه و ضروك هو راه مهني و متزوج و هي تاني .معنتى ختي اذا راكي حاسة روحك تغبنيه معاك غير خممي من ضروك الزواج راه حيات كاملة و ربي يجيب الي فيها الخير ان شاء الله

dotZero · 2012-07-31, 19:45

أطلبي الانفصال الان فهذا زواج فاشل
ما عليك إلا إعادة المهر و ليس عليك عدة
و الله أعلم

و ربي يعوضو اللي خير منك

AyOuB0587 · 2012-07-31, 20:46

السلام عليكم
الاخوة الذين يقولون يلزم الانفصال من الان دون بحث على حل للمشكل، فهذا من قبيل دعوة السحرة والمفسدين كما أخبرنا بذلك الله عز وجل، إذ يسعون للتفريق بين المرء وزوجه...لا أقول أصابك سحر
لكن أقول البحث في الامور المسببة لهذه الحالة، البحث في ايجابيات الرجل هذا مما يعينك على إيجاد مكانة له في قلبك، ودعاء الله عز وجل لتحقيق المودة والرحمة بينكما مما له الاثر البالغ لتحقيق السعادة
وأقول أن الازواج حظوظ بعضهم في الدنيا، ومهما حاول الواحد منا حسن الاختيار؛ فلن ينال إلا ما قدره الله عز وجل
حسنا، النظر في ايجابيات هذا الرجل مما يجعل له مكانة في نفسك؛فإن عظمت مساوئه في عينك، فاذكري محاسنه، وقلّ أن يوجد رجل دون محاسن، فابحثب عنها
وهكذا الحياة مجرد عقبات يلزم نبحث لها عن حلول لتجاوزها...بالتالي أقدمي بعد استخارة الله عز وجل ودعاءه
والله الموفق لكما

staifia · 2012-07-31, 20:51

شوفي ختي ,,, يمكن هادو مجرد شكوك ... و وسواس ,,, زيدي خمي مع روحك مليح حاولي تنساجمي معاه .. ادا مقدرتيش ياختي نقلك الانفصال ضرك خير من خطرة ,, كيما يقولو بدل المراح تستراح ,, وربي ينورك طريقك

عمتوتة1 · 2012-07-31, 21:12

اقتباس:

المشاركة الأصلية كتبت بواسطة monajazairi

السلام عليكم
أنا فتاة تقدم لخطبتي أحد وافقت عليه و عقدنا كانت الامور على مايرام لكن في المدة الاخيرة عندي احساس اني غلطت وانو مش هاذ هو الزوج اللي كنت متمنياتو و الله الاحساس هاذا مايفارقنيش خلاص لدرجة اصبت بالاكتئاب .احساس انو تسرعت وساعات نفكر حتى نطلب انو ننفصلو الان خير من بعد الزواج .انفكر انو مش الشخص المناسب ليا مع انو انسان عادي طيب و عاقل مش قاري و مثقف وخدمتو شوي شوي و انا كنت متمنية واحد خير من هكذ صدقوني اخوتي ماعلاباليش كيفاه وافقت وكيفاه عقبت هاذ المدة لانو في الاول قلت عادي نورمال.بصح الان جاني احساس بالندم ماتتصوروش كيفاه لاني كنت حابة أفضل من هاكذا واحد قاري كيما أنا يفهمني و نفهمو نتحاورو في امور الحياة مع بعض ....الخ . لحد الاآن مع انو عقدت شعوري اتجاه هاذ الشخص عادي جدا مع انو هو يحبني لدرجة كبيرة . لكن ماقدرتش نحي هاذ الافكار من راسي دايما تدور في بالي و ماقدرت نحكي حتى لواحد حتى عائلتي لانو مش راح يقبلو اني ننفصل خاصة كي عقدنا صدقوني نحس اني بعيدة عليه بزاف مانتحيرش كي ما يعيطليش و اذا عيطلي نهدر معاه نورمال برك . حتى انو مايخطرش على بالي دايما عكس هو دايما يعيط و يسقسي و الله ماني عافة واش هاذي الاحاسيس و الافكار اللي راني نفكر فيها ارجو منكم النصح اخوتي قبل ما نتخذ اي قرار و انا كلي ثقة فيكم .

sarl02 · 2012-08-01, 00:53

التوافق الفكري والروحي جد ضروري بين الطرفين ...لكن كاين الي الامر ما يفرقش عندو سواء مراة او رجل ....يعني الامر يبقى نسبي...لكن انت مدام انك راكي اتفكري هكدا تاكدي انك راح تلازمك هده العقدة طول حياتك من جهة هدا الشخص ...لدا من الاحسن انك توقفي مع نفسك وتتخدي قرار حاسم باش ما تظلميش هدا الانسان بالتوفيق.

لحن الفرح · 2012-08-01, 02:49

اختي انا كثر منك انا نحب واحد قاري وعاقل وثقيل ماشي خفيف في عقليتوا اي دراري انا مانقبلش باي واحد هذا المشكل تاعي . والبنات حباباتي يتزوجوا باي واحد عادي حتي نحير في البنات . وكي يخطبها تهدر في الصباح والمساء عادي انا راني حايرة والله انا نزيدلك نكره هدرة التيليفون ومانحبوش خلاص . والخرجات مع الخطيب مانحبش خلاص نحب حتي كي نتزوج نخرج مع زوجي عقليتي صعيبة بزاف عندي كلش لا حتي نتزوج .

~~OmarDz~~ · 2012-08-01, 03:10

بصراحة انا كي قريت الموضوع ديالك غاضني خطيبك قبل ما تغضيني انت

نقولك كملي على ربي مدام يحبك ومن ناحية ما قراش يقولك جيبو فاهم والله لاقرا
تكلي على ربي وخليها ليه ونتمنالك غير الخير ان شاء الله

gomplayer · 2012-08-01, 03:24

الله يهديك يا مخلوقة هذا واش نقولك
الراجل عاقد عليك يعني راكي الزوجة ديالو شرعا و تتكلمي هذا الكلام ؟؟؟
واش حاباتو يولي ؟؟ سوبرمان باش يخرج عليك ؟؟
قتلكم التوسويس
استغفري مولاك و ديري في بالك بلي هذا راه راجلك و ابداي توجدي لعرسك
مبروك عليك مسبقا و ربي يرزقكم بالذرية الصالحة ان شاء الله