بقلاوة مخططة او لمخبل نفس التسمية من مطبخي

[mounie dz]

بقلاوة مخططة او لمخبل نفس التسمية

فقط لمخبل يتقص مربعات اما البقلاوة معينات


المقادير
4كيلات فرينة ، كيلة دهان (3/4 سمن و1/4 زبدة لابال)، ماء الزهر ، والماء ، بودرة كاكاوو


التحضير


نديرو الفرينة والدهان

نخلطوهم مليح ونحلوهم براحة اليد حتى تتبسس لعجينة

ونلموها بماء الزهر وشوي ماء

نقسموها 7 كريات ونغطوها نخلوها ترتاح

للحشو


كيلو نوازات ، 500 غ لوز ، 500 غ جوز، سكرو ماء زهر

نحضرو الحشو تاعنا


نرحو كل المكسرات نخلطوهم مع بعض
نزيدولهم كيلة سكر (3 كيلات مكسرات بكيلة سكر)

ونبلوهم بماء زهر

نرجعو للعجينة


نحلو بالوحدة بالنشاء حتى تكون قيس لبلاطو تاعنا


نحطو الورقة الاولى وندهنوها بالسمن ونحطو فوقها الثانية ونزيدو
ندهنو ونكملو هكا حتى نديرو 4 طبقات من تحت





نحطو الحشوة تاعنا



ونغطو بزوج طبقات اوخرين وماننسوش الدهان بيناتهم


اما الطبقة اللخرة نقسموها على زوج


نص نخلوه ابيض والنص لوخر نديرو فيه بودرو الكاكاوو ونعجنوها مليح حتى تكون لون واحد


وبلاماشين تاع بقلاوة نحلوها ونديرو شرائط من اللونين


وفي وسط البلاطو نحطو شريط بني وبعدو ابيض وهكا واحد في جنب واحد ومايكونوش متباعدين

حتى نكملوها

ندهنوها للمرة الاخيرة ونقطعوها مربعات

ونرشقوها بحبات نوزات وندخلوها للفرن

ومع طيب وكي نخرجوها بعد وهي سخونة نشربوها بلعسل فيه شوي ماء زهر



وهذا شكلها المعين التقليدي



ان شاء الله تعجبكم

[looona]

الله يبارك روعة روعة

[Memories]

يعطيك الصحة

[mounie dz]

يبارك فيكي اختي لونا

[*سماح 94*]

بارك الله فيك

[0souad]

اين الصورةةةةةةةةةةةةةةةة

[islam1aya]

متالقة ومبدعة اختي موني كالعادة

جعلها الله في ميزان حسناتك

[omchifa]

روووووووووووووووعة تسلم الايادي ماالفرق انني اضع سمن فقط او اضع خليط سمن و زبدة

[ام خيرو]

روعة روعة تسلم الايادي

[أم ياسمينdz]

يعطيك الصحة روووعة

[جيجلية]

رووووووووووووعة


يعطيك الصحة

[أم يحي صهيب]

بارك فيكى الرحمن و جعله فى ميزان حسناتك
وزادكى من علمه ونتفع بيكى الامه
وجعلكى ممن فى الفردوس الاعلى

[أم ياسين الزهراء]

روووووووووووووووووووووووووووووعة الله يبارك

[مريم07]

الله يبارك روعة روعة

[salima 1984]

بالشفااااااااااااااء والهنااااااااااااااااااااااء حليتيها بالحلال ولا الماشينة