الطاجين الحلو بطريقة عصرية من مطبخي

[fifi 18]

السلام عليكم
وصفة جديدة جربتها للطاجين الحلو باه يجي خفيف و يتاكل بارد

المكونات:
غرفية برقوق
غرفية زبيب
حبات مشمش مجفف
شوية لوز مرحي او اي مكسرات اغسليهم و ارحيهم
مغرف صغيرة عسل
عود قرفة
مغرف صغيرة قرفة
مغرف صغيرة سكر للحشوة و 2 مغارف كبار سكر اخرين
علبة اناناس مصبرة
ماء زهر
زبدة
ماء
التحضير
ّاغسلي البرقوق و المشمش و تفوريهم لمدة 10 دقائق لحين ما تشوف البرقوق انتفخ
و هو سخون تحكمي البرقوق و تنحيله العلفة تاعه بلطف باستعمال سكين
تحضري حشوة تحطي فيه اللوز المرحي و مغرف قرفة مطحونة و مغرف صغير عسل و مغرف صغيرة سكر و ماء زهر تضيفي حتى تلتملك الحشوة
تحشي كل برقوقة بهاديك الحشوة في بلاصة العلفة اللي نحيتيها
ّتغسلي الزبيب مليح ومن بعد في كصرونة تحطي 2 مغارف زبدة و 2 كيسان اتاي ماء و 2 مغارف كبار سكر ومغرف كبيرة ماء زهر و و كي يغلي الماء اضيفي الزبيب و خليه يطيب حتى ينشف كل الماء و هدا فوق نار هادئة
كي ينشف الماء و يطيب الزبيب حطي فيه البرقوق اللي حشيتيه و المشمش و خليهم 10 دقائق فوق نار هادئة
في مقلاة حطي شوية زبدة و حطي الاناناس خليه يتشرب الزبدة من بعد ضيفي ماء الاناناس اللي يجي في العلبة و خليه يشربوا كامل
و بعدها نحيه من النار و زيني الصحن تاعك بالبرقوق و الزبيب و المشمش و حبات الاناناس و تقدري ترشي فوقهم اللوز المرحي
و بالصحة و الهناء

[سعادة الدارين]

السلام عليكم
بارك الله فيك
صح فطوركم

[نسيم الإيمان]

يعطيك الصحة
بارك الله فيك

[لينا11]

ممممممممممممم باين بنين بصحتكم عسولة

[boulanouar amira]

مشكورة على الوصفة تشهي

[nournour59]

يعطيك الصحة

[amouna18]

يعطيك الصحة حنونة

بارك الله فيك

اني نجربو ان شاء الله و نردلك الخبر

[fifi 18]

يعطيكم الصحة كامل و صح صحوركم
ان شاء الله تجربوه و يعجبكم يا ربي

[رزان.]

بارك الله فيك

[nafla]

[fifi 18]

و فيكم بركة حبيباتي نورتوا الموضوع

[لحن الفرح]

شكرااااا اختي الكريمة

[جزائرية]

merciiiiiiiiiiiiiiiiiiiiii bqqqqqqqqqqqqqqqqq


w saha ramdanek

[تالا تسنيم]

بارك الله فيكي أختي............... تعيشي