مشكلتي ابي

[مشكلتي]

يا خاوتي وخواتاتي رمضان هدا الناس تمشي صافية وترجع لربي بابا قاعد يكذب ويقلق في امي ويديرلها في القلقة وانا طفلة يعني نضال في الدار مع 3 اخواتي يعني نحضرو اي شجار وخواتاتي لخرات صغارات مساكن وانا الكبيرة وعندي اخ ميكونش اصلا في الدار المشكل مش في خويا

المشكل انو بابا يحوس على المشاكل ويحوس على الحس المشكلة ان دار عملية جراحية خطيرة قلنا بالاك يرجع للطريق مي ومحشمش على عرضو واكيد تاريخ بابا موسخ فاهل المنطقة اللي نسكنوها كامل يكرهوه لكذبو وسمعتو مشي مليحة خلاصصصصصصص

هدي نبذة عليه والله لا يعرفكم بيه.

مسكينة امي مداير فيها حالة في جرتو مرضت بقلبها والقواطر وديما معاه في القلقة وفي جرتو انا ثاني رجعتلي القلقة ورجعت نقلق من اي حاجة صغيرة حتى صوتو كرهتو وكرهتو هو ثاني كون نلقا والله ميدخل للدار متقولوش انعلي الشيطان اوو او كيعاد انا اللي عايشة معاه ونعرفو من صغرنا جامي قام بدورو كاب وجامي حوس علينا لا نقراو ولالالا همو المال ويتمسخر ببنات الناس ويدير الزبلات برا وامي ربي يحفظها هي اللي هازتلنا همنا بصح دك تعبت وبغات تريح

وانا عدت كي نشوفو يحكي معاها نعيط عليه وندافع على امي والله والله صدقوني كون مشتوش ظالم والله منحل فمي ولا نعيط اصلا نعيط بلا منفيق من القلقة

والمشكلة خايفة على سمعتي كي يسمعو الجيران صوتي عالي يقولو مش متربية والله على ما اقول شهيد انو يعرفوه بلي هو سبب المشكل في الدار وسمعتنا حنا لاباس بيهاوكامل يعرفو امي وتربتيها وازيد يا ناس راني نضال في الدار 24 سا يعني كيفاااااش نسكت على المنكر وخاصة امي ديما يبكيها كيفاش نسكت فهموني ومنعيطش عليه وندافع عليها ؟وزيد نقولكم من شافني عدت ندافع عليها ونعيط عليه نقولو يخطيها عاد ميدورش بيها بزاف

وزيد يا ناس راني اقسم لكم بالله منيش راضية على واش ندير علابالي بابا وكلش بصح اقسم بالله كنا نحترموه هو اللي طيح القدر بينا خاصة انو هدرتو ديما خامجة وتاع طرقات وزيد راني خايفة على سمعتي والله من صوتي اللي يضال عالي في الدار من القلقة تاعو والله يشهد ربي بلي جامي درت علاقة غير شرعية ولا وكامل يشهدو خايفة تفسد سمعتي في جرة صوتي العالي في الدار ديما وزيد الله غالب راهي امي ونشتيها وهزتلي همي كيفاش مندافعش عليها ؟ خاصة هي مسكينة كما نقولو معندهاش الرجال وخويا يخاف بابا

ادعيولي في رمضان هدا يفرج ربي علينا عاجلا غير اجل

وادعيولي ييسرلي ربي في الزواج

وادعيو لامي يحفظها ويسترها ويهدي بابا

[قابضة على الجمر]

يا اختي ما لقيتش واش نقلك نقولك اصبروا اكيد صبرتو و نفذ الصبر ربي يهديه

[سارة البوسعادية]

اصبري يا اختي هذا ابتلاء من عند ربي وراه في كل دار هاك

[karimblida]

الله يحسن الأحوال
ربي يهديه و يفرج عليكم

[okba_1997]

ربي يفرج عليك يا أختي ربي يحفظ امك ويهدي ابكي

[{ توبة }]

لا حول و لا قوة الا بالله

ربي يفرج عليكم عاجلا غير آجل

و ربي ييسرلك في حياتك
ربي يحفظ امك و يسترهآ و يهدي ابوك

[صفاء الروح]

ربي يفتحها في وجهك ويرزقك بالزوج الصالح اللي ينسيك في همومك اللهم ااااااااااااااااااااامييييييييييييييييييييييين

[maiar]

ربي يهدي النفوس و يفرج عليكم اختي اصبري برك و ادعي ربي في رمضان

[هبة الله اريج]

ربي يفرج عليك اختي قولي امين

[mira43]

عليك بالصبر يا أختي لاتوجد بيت بدون مشاكل اني حاسة بيك أختي مي لازم تصبري هذا باباك
رانا في شهر رمضان شهر الخير شهر التوبة اكثري من الدعاء وربي يهديه وربي يصبر أمك ويقويها
سلامي

[faty05]

ربي يهدي باباك و يصلحلو أحوالو
ربي يحفظلك الوالدة و يرزقها الصحة و الصبر
و يصلح أحوالكم كينا راكم
و يرزقك بولد لحلال
اختي مهما كان يزعف باباك بتصرفاتو حاولي ما تصرخيش و تكلمي معاه بالهدنة
و الله مليح يبقا القدر خاصة هذا والدك
خممي في الوالدين من بعد في سمعتك مع الجوارين
غير بلعقل
ربي يرزقكم لعقل

[عذراء الجبل18]

ربي يكون معاك ختي والله غضتيني وخاصة الوالدة الكريمة قطعتلي قلبي مسكينة صابرة ربي يفرج عليها والله يااختي في كل دار مشكل والله مكانش عائلة متهنية في وقتنا هذا +حاولو كيفاه تسقموا باباك لصالح يماك باسكو نتوما راح تزوج وتبقا يماك تعاني وحدها معاه لازم تفهموه بللي بزايد بزايد من المشاكل فهموه بللي الصبر عندو حدود
ربي يرزقك يااختي بولد الحلال اللي يسعد خاطرك وينسيك في اللي عانيتيه
وربي يفرج على يماك ويهدي باباك

[دموع24]

ربي افرج عليكم اختي ويهدي ابوك
اصبري يا اختي وادعى لابوك بالصلاح

[wafa16]

يا اختي ربي يفرج همك و يهدي باباك
نصيحتي ليك هي الصلاة و الدعاء
وحدة جارتنا كان صاريلهم كيما انتوما لحق باباها حتى تعدى على امها بسلاح ابيض و دخلت المستشفى
بصح ما كانوش يصلو و ربي ما يتذكرش في دارهم لا قران لا هم يحزنون
جارتنا لحقت حتى لعند الدجالين و المشعودين عمبالها سحرولهم بصح ما جابتش حتى نتيجة
حتى كي تعرفت على ماما مليح و علمتها تصلي و حفظتلها اذكار وادعية ولات تقوم الليل
و صدقي اختى ولا ما تصدقيش حالهم تبدل و تنقلب 180 درجة
راجلها عقال ولا يحشم يدير المشاكل و كي يكون في الدار ساكت و من الغرفة تاعو ما يخرجش
حتى انها قالت لامي راهو يصلي بصح ما يداومش
فرق كبير و هدوء كبير في الدار
هذا ربي سبحانو قادر على كلش باباكم دعولو بالقلب الصافي و ربي مستحيل يخيبكم
و ما تتطاوليش عليه بالكلام راكي تقدري تندمي في لحظة الغضب يقدر يتصرف تصرف يضرك انتي وامك
السلام

[og.mustaphadz]

لبسم الله الرحمن الرحيم

أسمعي اختاه
إن الله إذ أحب قوم أبتلاهم
فهذه فرصتك فقد أبتلاكم الله
أنتي الان و أمي و أخوكي في إختبار
إصبرو وصابرو ور ابطو وأتقوا الله
عليك الإستعانة بالله
هل تعلمين أي سر فك هذه العقده
قيام الليل
عليك بقيام الليل و الدعاء الى الله
بأن يرضى عنكم و يرضى عن أباك و يهديه
و ادعي الى الله تعالى ان يجنبكم الفتن و أن لا يجعل بيتكم مقاما لشياطين
فالشياطين تدخل البيوت التي لا يذكر إسمه فيها " في الاكل و الشرب و الدخول و الخروج من المنزل و قراءة القرأن"
و تذكري انتكم في إختبار و مفتاحه التوكل على الله و الصبر و قيام الليل فقيام الليل فيه سرا كبير
لا مشكلة إن قمتي الليل بعد صلاة العشاء مباشرة
و بصفتي أخ لكي في الإسلام سأدعو الله لكم جميعا عند قيامي الليل هذا و عد .

تحذير هام
لا ترفعي صوتكي فوق صوتي أباكي و قد قيل لا تعصي والديك و لو كانو مشركين أي لا تطعمها عند ما يطلبو الرجوع عن ملتك
و إن طلبو منك أي شئ آخر فيه خير لك فعليك به .
و أحذري اللجوء الى السحرة و المشعوذين الكفرة بالرحمان
و اسمعي وعي من جاء عراب و دجار ... الخ و و خرج يكذبه أي قال هذا حاسب الناس ما تعرف والو
لا تقبل منه صلاته 40 يوما
و من صدقه فقد كفر بالرحمان
و العياذ بالله

و تقبل الله مني و منكم الصيام و القيام و صالح الأعمال