الى ام رامي ضروري ربي يخليك

سمية02 · 2012-07-30, 14:41

السلام عليكم ورحمة الله وبركاته

اتمناكم بخير جميعا

صح رمضانكــــــــــــــم

لي استفسار عند الاخت ام رامي في مقادير البسبوسة الي دارتهم في موضوع الاخت mano mimi في موضوعها عاونوني البسبوسه ديما فاسدة

انا اول مرة رايحة نجربها وحابه اندير غير شوية قيس اربعة اشخاص برك

فهل تلك المقادير قاوية و لا تجي قيس

وتعيشي قوليلي كي اندير نعرف بلي خلاص مانزيدلهاش السميد

وربي يخليكم ويحفظكم

مامارجاء · 2012-07-30, 16:05

السلام عليكم
رمضان كريم للجميع ولك يا ابنتي سمية
واسفة لو تدخلت في الرد
المهم للبسبوسة
على حسب البلاتو الي عندك
المهم ممكن تصنعي كمية ليومين
و لكن لا علينا

المهم لازم لك

3 بيض كاملين

كاس نتاع ماء متوسط من السكر لكن ما شي معمر بزاف لانك رايحة ديري الشبات

3/4 يعني كاس زيت مخلط بشوية زبدة قريب معمر بشوية المهم فوق النص بشوية

كاس للشاي مزهر

خمارة واحدة

فانيلا مغرفة التي توجد في العلب الصغيرة لان بنتها جميلة

قشور القارص

هنا الكاس الذي عملتي به العبيرة هو نفسه

عبري بيه السميد الي شوية خشين يعني 02 عبارات

هنا تكوني متلا حضرتي العسيلة او الشربات الصباح اي تكون باردة

الشربات :

عبري 3 كؤوس من الماء

بكاسين 02 من السكر

عود قرفة و القشرة الفوقانية نتاع الليمون
خليه يطبخ حوالي 15 دقيقة و اطفئي و اضيفي المنكه للماء الزهر
و بعدما تطيب البسبوسة اسقيها بالسيروا و خليها تشرب و كثري في الشربات

l 'extrait نتاع المزهر

و شهية طيبة

*ام رامي* · 2012-07-30, 18:14

مساء النور اختي
ورمضانك كريم
اختي هاذيك المقادير نتاع قرصة لاهي كبيرة ولا هي صغيرة عادية قطر المول 23 سم
حتى لو بقات لك شوية مايهمش خليها لغدوة
السميد كاس وشوية فرينة او تحبي تستعملي السميد وحده المزيج ما لازمش يكون ثقيل خليه متوسط
جربيها وانشاء الله تتوفقي

سمية02 · 2012-07-30, 18:41

ربي يحفظكم ماما رجاء وام رآمـــي ويعطيكم حتى يغنيكم يارب

البسبوسة راهي تبرد ومورا الفطور نشوفو النتيجة

انا هذا وين راني نتعلم وجربت بعض الاطباق وخرجو هايلين

صح فطوركم