اريد نصيحة من فضلكم ??

[tarek1993]

انا حائز على بكالوريا 2012 و انا مجنون بالالكترونيك للانني احبها فوضعت اختياري الاول هندسة كهربائة في بومرداس و لكن للاسف انا الان رياضيا و اعلام الي ...
و الان انا افكر في التبديل ال st من اجل ان فيها هندسة كهربائية ... لكن كي تخرج منها راح تقعد تطايش لان بلادنا ماشي تاع هادو لحوايج مقارنة بالاعلام الالي لي تلقا بيها خدمة

فبماذا تنصحوني ??
_ بحاجة نحبها و مافيهاش خدمة
_ ولا .... نبقى رياضيات و اعلام الي

[.صفاء.]

اذا شايف روحك تقدر على الاعلام الالي اقراها لكن عندي ليك سؤال ........ شكون لي قالك انك لما تتخرج و تنجح في قراية اعلام الي راح تلقا خدمة.......الرزق من عند ربي سبحانه ......لو كان الامر بيدي لكنت اخترت حاجة نحبها قادرة نبدع فيها و لو ما فيهاش خدمة احسن من نضيع سنين من عمري نقرا في تخصص مش حاباتو و بزيادة على هذا ممكن ما نلقاش خدمة............القرار الاخير يرجع ليك ...صلي الاستخارة و استعن بالله

[لبيض92]

السلام عليكم ورحمة الله و بركاته

أنصحك بالتخصص الذي تريد و ترغب في دراسته

ثم من قال أنك ستجد العمل في تخصص الرياضيات و إعلام آلي

أهم ما في التخصص الذي تحبه أن حبك له سيجعلك تبرع فيه

جزاكم الله خيرا

[ماجد93]

وجهوني تكنولجيا و انا حاب الرياضيات و الاعلام الالي

[salma s]

استخر الله و ان كان توفيقه لك في الاعلام الالي
فادرسه جيدا حتى لا تندم على قراراتك مستقبلا
و مازلت صغيرا و المستقبل امامك فحين تنهي اعوامكالثلاث في الاعلام الالي
اعد الباكالوريا و ادرس تكنولوجيا و ستجد نفسك في سن مبكرة قد تحصلت على شهادتين
كثير من هم غيرك يحلمون بذلك
و حينها اين ما وجدت العمل فاعمل
و الله الموفق في كل شيء

[خـواطـر]

أنا نقرا هندسة كهر بائية

مبعد عندك عدة تخصصات تقدر تدير وش يخرج عليك

تدير حاجة تحبها خير من حاجة تقرا هكاك برك

و ربي يوفق

[sam_ron]

يا أخي العزيز نقولك حاجة وحدة ...........قرى حاجة حب انت تقراها و شايفها تخرج عليك ..........و حكاية الخدمة ......واش يضمن لك في الاعلام الالي لان الحاجة المطلوبة حاليا هي تقني سامي في الاعلام الالي ...............و هذيك يجيبوها ناس المعاهد..............و ربي يعينك

[sima nanou]

سلام شوف خويا انا ادرس علوم مادة كيما علوم وتكنولوجيا, خليك في رياضيات واعلام اخطيك من stمافيها والو و بالزيدة في MIتكون بقدرك و فيها الخدمة , انت صل صلاة الاستخارة و ليفيها خير ربي يجيبها بالتـــــــــــــــــــــــــــــــــوفيق

[hayatlife47]

حتا واحد ما يدبر عليك ..................ما تتخلاش على الحلم تاعك بسهولة................الرزق يجي من عند الله..................انت اقرا حاجة تحبها ............تبع قاعدة
رفق
رغبة
فرصة
قدرة
هادي عوامل تخليك تنجح باذن ربي