من يريد التحويل من الطب؟؟؟

[souha619]

انا اخترت طب لكني اشعر بنوع من الندم
وافكر ان اغير الى طب اسنان
هل هناك منكم من يريد ايضا ترك الطب؟

[سطايفية بكل فخر]

هههه ديجا بديتو تكرهو منها
+
صليصلاة الاستخارة قبل ان تفعلي اي شيء

[blackman]

الحمد لله انا طب اسنان عن قناعة ان شاء الله ,, هذا تخصصي الثاني ان شاء الله ,,, يا رب وفقنا وثبتنا امييين

[عبدك يا رباه]

مثلك اختي ، لا اشعر بأي رغبة في دراسة هذا المجال ، أحلم بالنووي ...

[lilam]

ana rani dert dentist wkount kadra ndir midcin bsah midcin fiha wa3liha

[« أبْجَدِيَّاتْ »]

أختي سُهَى ،

أنا خيَّرت المدرسَة التَّحضيريَّة للهندسَة المعماريَّة . كي مَا حبَّتشْ عليهَا ماما
عيىَ بابا باشْ يديرلي ترونسفَار للطِّب ولاّ جراحَة الأسنانْ ولاّ الصَّيدَلة ( بالمعريفة )
قالُولو مُستحيل ، ولو كَان جاتْ بنت الرَّايسْ
ماكاشْ مقاعِد ، راهي مسكّرَة

رُبَّما خُفتي فقط أختي سُهَى . مَا دام خيَّرتيهَا انتِ أيقِظي في نفسكِ الشُّعُور
بالرَّغبة في دِراستِهَا .. بالرَّغم من أنيِّ مَا نحبَّش الطِّبّ بصَّح كي نشوفْ الأطبِّاء
الكِبَار سواءٌ في الجزائِر ولاَّ الخارِج كيفاش يخّدمُو نسخَف نكُون كيفهُم

وبالنِّسبَة ليَّا الطِّبّ يجيني خيرْ مِن جراحَة الأسنَانْ ،
لأنيِّ مَا نحملشْ نتعامل مع ( أفواه ) المرضىَ ! مشْ لأنيِّ نعاف ولاّ هههه
بصَّح كلّ واحد و كيفاش

تشجَّعي فقط و ديريه و كملي التخصُّصْ ممباعد ،
واذا كتَّب ربيِّ و بقينَا عايشينْ كملِي الدّكتُوراه في الطِّبّ ،

وأمَّا إنْ كُنتِ مش مُقتنِعَة تمامًا ( وأقُول تماماً ) ، بلوكي و عَاودي البَاك
معَ أنيِّ ننصحَك تجربي الأشهُر الأولى أولاً في الدٍّراسة
فربَّما أعجَبتكِ

وصحَّ فطورك أختي سُهىَ .

[(( ريتاج مكة ))]

لماذا الندم اختي فالدراسة شبه مثماثلة يعني فيها حفظ

وتدرسوا نفس المجال لي يتعلق بالصحة وجسم الانسان

لالا ماتتسرعيش اقراي بالاك يعجبك ويدا ما عجبكش

اظن تقدري تبدلي فالسنة الثانية .......هكا سمعت زيدي سقسي بالتوفق

[نى الروح]

rabi ywaf9ak fi ay haja khtartha

[روعة.]

طب الاسنان افضل على الاقل اذا درتي خطا يبقى في سن اما في الطب اذا درت خطا ايروح فيها عبد كامل

[بالقيم نرتقي]

نفس الاحساس ونفس الشعور






غير نتفكر 7 سنين + 4 تخصص ندووووووووووخ






لكن لي يقرالها ويفهم معانيها راح يستمتع بدراستها




ما عليك الا ان تصلي صلاة الاستخارة ولي فيها خير ربي يكتبهالنا

[saraharaha]

بدلي اخطيك من الطب ديري حاجة علمية راهم كثرو الطبة

[zozo08]

مام انا درت مدرسة تحضيرية في الهندسة المعمارية وكنت حابة ندير ترونسفار للطب ومباعد بطلت لانو لما حكاولي على المدرسة لتحضيرية هاذي تقريبا عجبتني احسن من الطب وربي يسوفقك اختي مادام خيرتي هذا التخصص صايي توكلي على ربي وماتندميش لانو الندم عمرو ما ينفع

[أم الشهداء]

المشاركة الأصلية كتبت بواسطة روعة.

طب الاسنان افضل على الاقل اذا درتي خطا يبقى في سن اما في الطب اذا درت خطا ايروح فيها عبد كامل

ابدااااا
علاه جاتك ساهلة الضرسة ماتنسايش اي لاصقة فيها عروق قادر يموت العبد على جال ضرسة يصرا نزيف في فمو نورمال
وزيد كاين اللي مريض بالسكر و ضغط الدم يعني كاين مروضات بزاف اللي ديري فيهم احتياط تاعك معاهم كي تنحيلو ضروسو ولا قادر يروح فيها
و اي ماشي غير ارواح و قلعها كون هكا اللي يقراو جراحة اسنان يروحو عند كاشي ميكانسيان يتعملو عندو في سمانة و لا القراية هاذيك كامل
باختصار طب الاسنان ليس اسهل من الطب البشري كما انه ليس اصعب منه ،، حسب حالة كل مريض
///
اما بخصوص صاحبة الموضوع فلا يمكنني الا ان اقول لك استخيري الله و فكري مليا قبل اتخاذ اي قرار
بالتوفيق
و السلام

[souha619]

المشاركة الأصلية كتبت بواسطة saraharaha

بدلي اخطيك من الطب ديري حاجة علمية راهم كثرو الطبة

مثلا؟
وفوق هذا انا نقول نغير لطب الاسنان ولا نريح ماشي حاجة اخرى
شكرا على مرورك اخي

[manel dima]

أنا خيرت طب أسنان عن قناعة وراني فرحانةبزاف
اختي : واحد مايقدر يدبر عليك لأنو كل واحد وقناعتو