اول مشاركة لي كعكة بالليمون هايلللللة و سهلة

layla lina · 2012-07-25, 15:22

كيما تعرفو انا من سكيكدة و سكيكدة مشهورة بالباتيسري و البيتزا و اليوم جبتلكم طريقة تحضير tarte au citron رائعة وسهلة انا حضرتها البارح هبلو عليها
المقادير
للعجينة و هي la paté sablée ناخدو 3 مقادير فرينة
مقدار زبدة
2 صفار بيض و نخليو البياض للمورانغ
2 ملعقة كبيرة سكر نخلطو الفرينة و الزبدة حتى تصبح عجينة مرملة ثم نضيف السكر و البيض و ما ننساوش برش الليمون
اي zeste de citron بما انها كعكة الليمون نخلط و نخليها ترتاح في الثلاجة لمدة 15 دقيقة ثم نحطها في الصينية و نحطوها في
الفرن

بعد ما نخرج الكعكة من الفرن نروح نحضر الزينة الناس يستعملو la créme patissiére ئ لكن انا نفضل la gelée سهلة جدا و
مضمونة نحط في طاوة عصير الليمون و نحليه مليح بالسكر لازم تكون حلوة سوا سوا و نضيفلو 3 ملاعق نشاء نكونو ذوبناهم في شوية ماء
باش ما تتكتلش في الكريمو و نضيف 2 كؤوس ماء و نحطها فوق النار مع التحريك المتواصل حت ى تغلى و بعدها نلاحظو انها صارت ثقيلة
نهزها و نخليها تبرد

لما نتاكدوا انها بردت نصبها علي الكعكة la pate sablée اللي عملنا و نحطها في الثلاجة

الان نعملو المورانغ la meringue و هي ايضا سهلةة نحطو بياض البيض في الخلاط و نضربوه و من الاحسن نستعملوا batteur او
les fouets ; و نضيفو السكر رويدا رويدا من بعد نزين الكعكة بالمورانغ باستعمال جيب الحلوتني la poche a douille و ندخلها للفرن قيس ما تحمار و تعطينا لون بني ذهبي و بالصحة و الهناء

koukou_bioch · 2012-07-25, 17:04

ya3tik saha tban bniiinnnaaaaaaaaaaa

koukou_bioch · 2012-07-25, 17:11

la pate madirich fiha lakhmira? w banetli jaune d'oeuf wahdo klil bah ylamha

shoushou23000 · 2012-07-25, 22:43

السلام عليكم و رحمة الله تعالى و بركاته

بارك الله فيك يعطيك الصحة

ان شاء الله نجربو
حتى انا سكيكدية بصح خالقة و ساكنة في عنابة

layla lina · 2012-07-25, 23:00

اقتباس:

المشاركة الأصلية كتبت بواسطة koukou_bioch

la pate madirich fiha lakhmira? w banetli jaune d'oeuf wahdo klil bah ylamha

لالا ما تديريش الخميرة لانها لازم تكون ماشي مرتفعة و لازم 2 صفار بيض ماش صفار بيضة وحدة و المهم انو العجينة تجي يابسة يعني كيما تاع الكسرة تقريبا يعني ما تجيش سايلو و نفردها بالقراص le rouleau a patisserie