الجزء التاني من قصة خطوبتي

youssina rap dz · 2012-07-24, 22:42

سلام عليكم ورحمة الله وبركاته

كي راكم كيما راكم ان شاء الله تكونو غايا كامل .

لي كان متابع موضوعي من الاول مجيهش صعوبة باه يقري الموضوع التاني تبعو معايا وركزو مليح مليح شغادي نحكيلكم

بعدما كانت اول خطوبة ليا وخرجت في تالي فاشلة وكيما قلتولي هاذا المكتوب وتانيك كيما حكيتلكم كيفاش رحت لحفافة وشحال كنت شابة

وديك لبسة لي كنت لابستها وفي تالي دراهم حفافة راحو في باطل وخطوبة خلاص مكاش منها اوك قلت انا راني نكبر ولا راني نصغر

كان واحد تجور يقولي نجي نخطبك قلتله اوك عينك فيا جيب داركم ورواح اي جاب يماه وعمته وخوتاتاه

قلت انا هاذي المرة منروح للحفافة ومنشري بيجاما جديدة درت مايك اب في دار وشعري مشته في دار ولبست بيجاما نورمال

وخليتها علي ربي قلت لي كتبو ربي هذاك هوا الصح اوك مكنتش متشوقة بزاف لخطوبة هاذي مش كيما اول مرة قلت علابالي تاني هاذي غادي

نخرج فيها صحرا يسمي كنت فاقدا الامل نتاع الصح اوك جاو الخطابة عجوزتي وبانتها وعمت العريس احم احم لي غادي يكون راجلي

اوك دخلو وماما كيما لعادة ترحب بضياف قايما بلواجب اوك كلاو شربو ودرت في بالي قلت منين ندخل انا منرفد لاسني لا والو

اوك عيطتلي ماما اي انا دخلت حطا راصي مش كيما مرة اولي بكل فخرا رافدا راصي هههه اوك سلمت علي عجوزي وحمتاتي وعمت غاجلي

اووو ونشوف ديك تبسيمة عند عجوزي وديك لبسة البيضا لي لابستها تقول ملاك راه محطوط ويطلع المورال ل 90 و 10 لخري خليتها

ونعاود نشوف في حمتاتي مساكين باين عاقلين ونعاود نخزر في عمتهم محكمتش عليها مليح شوي راهي مصفارة هه وبعض ضن اثم

اوك وتبدي تحكي معايا عجوزتي كي راكي ... راكم فاهمين العقلية وتحكي عمته وتقول لماما امممم بنتك شابة احم احم ونتبسم انا

وتنطق عجوزتي وتقول باين بلي عاقلا بنتك ربي يحفضها من العين ولدي يعرف واش يختار ونزيد انا نذبال ونديها في روحي شوي ههه

وهكاك عجبتهم كيما راني بلا حفافة بلا لبسة فور فور فور كيما راني علي طبيعتي يسمي بغيت نقولك لي بغاك بغاك بخنونتك

مي رانا في 2012 هاذا مثال برك واخيرا تمت الخطوبة علي الخير نلتقي في جزء 3

سلام عليكم

sarita4 · 2012-07-24, 23:21

mebrok 3lik hanona

~كِبْريَاء أمِيرَة~ · 2012-07-24, 23:29

مبرووووووووووووك

ssarah71 · 2012-07-24, 23:29

و الله غير عندك الحق الsimpleديما يجي باهي ههههههههههههههههههههه ربي هنيك ختي و الله غير فرحتلك و ان شاء الله يكملك على خير هههههههههههههههههههه صح صح عجبتني الحشمة تاعك وقيلا نبدا نتعلم من عندك من ظك هاذاك هو نجي قدقد ههههههههههههههههههه ربي يحفظك

besma rinesse · 2012-07-25, 00:05

mabrouuuuuuuuuuuuuuuuuuuuuuuuuuuuk
^_^

~~باكالوريا 2012~~ · 2012-07-25, 05:03

شحااال كاين جزء