سلطة ماسيدوان

[douniazed]

السلام على الجميع
سلطة ماسيدوان
Macedoine
هي سلطة فرنسية و غنية بالفيتامينات للتنوع الكبير الذي تحتويه من الخضر انا نديرها بزاف و حقيقة هي من الذ السلطات المفضلة عندي يعني و ضعتلكم صورة للتوضيح فقط اما المقادير و طريقة التحضير فهي من وصفتي الشخصية

المقادير:
-كاس جزر مقطع مربعات
-كاس بطاطا مقطع مربعات
-كاس جلبانة
- 1/2 كاس ماييز مصبر
-كمية من المايونيز
-حبة طماطم
-معدنوس
-حبيبات زيتون
-قطع خص للتزيين
-صلصة (في قارورة ندير فنجان زيت+1/3 فنجان خل بمعنى اذا دينا 3 مغارف زيت ندي مغرف خل هذا كاتوضيح + مغرف قهوة ملح+فلفل ابيض+فص ثوم+ و نخلط الكل مليح ) للاشارة هذه الصلصة صالحة لمدة 30 يوما اذا قمت بمضاعفة الكمية.

التحضير:
-بعدما غسلنا جميع الخضر و قطعنا الجزر و البطاطا مربعات
-نضيف شوية ملح و فلفل لجميع الخضر ( جزر - جلبانة- بطاطا)
في كسكاس ندير الجزر و نخليه يفور مدة 10د
- بعدها نضيف فوقها الجلبانة تفور معاها مدة 10د
- بعدها نضيف عليها بطاطا في الاخير و نخليها تفور لان البطاطا تحتوي على نشويات
تقنية مهمة لابد اتباعها
-كي تفور جميع الخضر ننزعها و نخليها تبرد لكن مانفرغش فوقها الماء
- كي تبرد نحطها في ليان و ندير عليها كمية مايونيز و نخلط مليح
-في طبق تقديم نحط اوراق الخص نضع وسطها سلطة ماسيدوان و نزينها بحبة الطماطم و حبيبات الزيتون و ندير فوقها معدنوس مفروم
-و نسقيها بشوية او نقوم بتتبيلها بصلصة اللي ذكرناها في المقادير
و تقدم بالصحة و الهنا

اليكم اشكال و مكوانات اخرى يمكن ان تحتويها سلطة ماسيدوان

هذه تعرف بسلطة ارز ماسيدوان

[douniazed]

المقادير:
اطراف من الدجاج ويفضل تكون من الصدر
500غ من اللحم المرحي
250غ من الفطر
2 بصل
100غ من الجبن الابيض
2 الى 3 بيض حسب الحاجة
ملح وفلفل اكحل و زعفران وسكنجبير و قرفة
2 مغارف من السمن او الزيت
حبات من الزيتون للتزيين

التحضير: نضع الدجاج في الطاجين+ بصلة مسكرفجة+السمن او الزيت+ التوابل و نقلي مليح ثم تمرقي بالماء لما تغلي تضيفي الفطر وتخليهم يطيبوا.
ثم لما يطيب الدجاج نخليه يبرد ونحولو العظام ونطحنوه

ثم نضيف له البيض والجبن قد ما يتلم

ثم ناخذ اللحم المرحي ونضيف بصل مسكرفج+ ملح وفلفل وقرفة + بيضة تحبي تزيدي خبز مرحي باش يجي بزاااف اختياري

ثم نشكل من اللحم المرحي كويرات ونبسطهم ونشكلهم على شكل عش

ثم نعمر الاعشاش بحشوة الدجاج وندخلهم يطيبوا يتحمروا مليح يكون الفرن متوسط

لما يطيبوا تحطيهم في صحن وسقيهم بمرق الفطر وزوقيهم بالزيتون على شكل عش
اتمنى يعجبكم.

[امينة111]

والله غير هايلين ربي يحفظك

[soltana]

[fatimazahra2011]

[douniazed]

[مراد الجلفاوي]

***
نقدر نذوق ...
بارك الله فيك
***

[اميره 2008]

بارك الله فيك اختي

[دعاء سوسو]

يعطيك الصحة راهي بنينة بصح راح نحشمك ونقولك قاتلك ماما أبعثيلي شوية ياك معليهش ههههههههههههههههههههههههههه وكا عندك أنواع جديدة متبخليناش

[*رتاج الكعبة*]

[جسور المحبة]

شكراااااااااااااااااااااااا

[darkangel]

يسلمك هايلين

[remadna]

يعطيك الصحة

[اخلاص دنيازاد]

[أم امينة]

يعطيك الصحة ..اممممممممممم تشهي.